RSS

ចុះឈ្មោះសេរី លេងល្បែងកំសាន្ដ

ចេញផ្សាយចុងក្រោយ

27 user(s) are online (26 user(s) are browsing ផ្នែកទស្សនាវដ្ដី)

Members: 0
Guests: 27

more...

នៅប៉ារីស រថយន្ដមួយបើកចូលក្នុង រន្ធរទេះភ្លើងក្រោមដី

| Published on Sat 28 Apr, 2012 at 00:57 | 6983 views | Trackback
នៅប៉ារីស រថយន្ដមួយបើកចូលក្នុង រន្ធរទេះភ្លើងក្រោមដី
ចែករំលែក
អត្ថបទនេះ
(បច្ចុប្បន្នភាព ជាវីដេអូផ្សេងទៀត)

រថយន្ដមួយបើកចូលក្នុង រន្ធរទេះភ្លើងក្រោមដី កណ្ដាលទីក្រុងប៉ារីស កាលពីថ្ងៃអង្គាទី២៤ខែមេសាកន្លងទៅ ក្រោយពី អ្នកបើកបររបស់វា បានច្រឡំរន្ធរទេះភ្លើងនេះ ទៅនឹងច្រកចូលចំណតរថយន្ដក្រោមដី ដែលមើលទៅមានរាង ប្រហាក់ ប្រហែលគ្នា។  គ្រោះថ្នាក់​ដែលបណ្ដាលមកពីការយល់ច្រឡំនេះ មិនបានធ្វើអោយមានរបួស ឬការខូចខាត អ្វីធំដុំនោះទេ ប៉ុន្តែបានធ្វើអោយមានការភ្ញាក់ផ្អើលយ៉ាងខ្លាំង ជាពិសេសពីសំណាក់អ្នកទេសចរណ៍ ដែលតែងតែមកតំបន់នោះដើម្បី ទិញទំនិញ។

អ្នកបើកបររថយន្ដ ចូហន់​ អាយុ២៦ឆ្នាំ បាននិយាយប្រាប់ ទីភ្នាក់ងារសារពត៌មានបារាំង AFP ថា«ខ្ញុំឃើញមានផ្លាកមួយ ដែលដាក់ថា ចំណតរថយន្ដរបស់ហាងទំនិញដ៏ធំនេះ "Parking Haussmann, grands magasins" ដាំនៅចំពីមុខ ហើយ គ្មានបង្គោលអីផ្សេងទាល់តែសោះ។ វាធ្វើអោយខ្ញុំច្រឡំ។​ សំណាងល្អ ក្នុងពេលនោះគ្មាននរណាម្នាក់ ចុះឬឡើងកាំ ជណ្ដើរនេះ»​ ។

ដោយសារតែការបើកបរ ធ្វើក្នុងល្បឿនមួយយឺត ទើបគាត់អាចចាប់ហ្រ្វាំង បញ្ឈប់រថយន្តនោះបានភ្លាម តែកង់ខាងមុខ របស់វាបានផុងជាប់ទៅលើកាំជណ្ដើរ ក្នុងរន្ធរស្ថានីយ៍ទេះភ្លើងក្រោមដីឈ្មោះហៅថា Chaussée d’Antin-Lafayette នេះ ទៅហើយ។ នគរបាលបានធ្វើការពិនិត្យគ្រឿងស្រវឹង ទៅលើអ្នកបើកបរ​ រូបនេះ ហើយមិនបានរកឃើញថា គាត់មានជាតិ សុរាក្នុងឈាមទេ។

អ្នកធ្វើការម្នាក់នៅក្បែរនោះ បានរំលឹកថា គ្រោះថ្នាក់របៀបនេះធ្លាប់កើតមានរួចមកហើយ កាលពីបួនឬប្រាំឆ្នាំមុន៕

ដោយ ៖ សេក មនោកុមារ - ប៉ារីស ថ្ងៃទី ២៧ ខែមេសា ឆ្នាំ២០១២
Source d'info: AFP
Crédit photo : AFP



 

យោបល់ និងមតិ