នាយក​ប្រតិបត្តិ​ក្លឹប PSG ៖ កីឡាករ​បេកខាំ​​នឹងមិន​មានវត្ត​មាន​ក្នុងទឹកដី​បារាំង​ទេ

យោងទៅតាម​​​ប្រភពព័ត៌មាន​​​ស៊ី អិន ​អិន ​​​ចេញ​ផ្សាយកាលពីថ្ងៃ​​​អង្គារ ទី៣ ​មករា ឆ្នាំ​២០១២ ​បានឱ្យ​ដឹងថា កីឡាករ​​​ដេវីដ បេកខាំ ​​​នឹង​​មិន​ចាក​ចេញ​ពីក្លឹបបាល់ទាត់​អាេមរិក LA​ Galaxyទៅ​ចូលរួម​​ជាមួយ​ក្លឹប Paris SG នោះ​ទេ​ដោយសារ​​​​​បញ្ហា​​ក្រុមគ្រួសារដែល​កំពុង​រស់​នៅ​ក្នុង​សហរដ្ឋ​អាមេ​ រិក ។ ​លោក Leonard នាយក​ប្រតិបត្តិ​ក្លឹប Paris SG បាន​និយាយថា អ្វីៗ​ត្រូវបាន​បញ្ចប់​​​ហើយ វាគឺ​ជា​រឿង​មួយគួរឱ្យខ្មាស​អៀន​​ខ្លាំ​ង​ណាស់ ​ពីព្រោះ​​​កិច្ចពិភាក្សា​ដែលបាន​ប្រព្រឹត្ត​ទៅ​យ៉ាង​រលូន​​ត្រូវបាន​រលាយ​ សូន្យ​​តែមួយប៉ព្រិច​​ភ្នែក ​​​ហើយគ្រប់ៗគ្នា​​​បាន​ដឹងថា ​កីឡាករ​​​រូបនេះ​នឹង​មក​ចូល​លេង​​ឱ្យ​ក្លឹប​​​​​ Paris SG ក្នុងខែមករា​នេះ​​ ។

​ចំណែកឯ​លោក​ Nasser ប្រធាន​ក្លឹប​ Paris SG ​បាន​និយាយ​ថា យើង​មាន​​ការ​ខក​ចិត្ត​​​ពីព្រោះ​​មនុស្ស​​ជាច្រើន​បានដឹងពីរឿងនេះ ។ ​ជាមួយគ្នា​​នេះដែរ លោក Nasserក៏បាន​ធ្វើការ​បដិសេធ​ព័ត៌មានដែលបាន​លើកឡើងថា ​ការ​មិនមក​ចូល​ទឹកដី​​បារាំងរបស់កីឡាករ​បេកខាំ ​​​​គឺ​មក​ពី​​​វត្តមាន​របស់​លោក​អាសេ​ឡូទីគ្រូបង្វឹក​​ថ្មីរបស់ក្លឹប Paris SG ។ បន្ទាប់ពី​បញ្ចប់​ភាពមន្ទិល​សង្ស័យ​​ចំពោះ​ការ​មក​ចូល​រួមជាមួយ​ក្លឹប Paris SG កីឡាករ​​​បេកខាំ​បានចាប់ផ្តើម​ចរចាធ្វើ​​កុងត្រា​​​ថ្មីជាមួយ​ក្លឹប​​​ LA Galaxy ​ជា​បន្តទៀត ។​

​គួររំលឹកដែរថា ​​កីឡាករ​​បេកខាំ​បាន​ចូល​លេង​ឱ្យក្លឹប LA Galaxy ​កាលពីឆ្នាំ២០០៧ ​។ ​នៅ​ជាមួយ​ក្លឹប LA Galaxy លោកបាន​បង្ហាញវត្តមាន​ចំនួន​៧២​ប្រកួត​​​​ ស៊ុត​បាល់​បាន​១១គ្រាប់ហើយ​បានជួយ ​ក្លឹប​ LA Galaxy ​​ឈ្នះ​ជើងឯក​​​ស៊ុបពើ​ខាប់​ចំនួន២​ និងពាន​រង្វាន់​​ជើង​ឯក​​លីកចំនួន​១ផងដែរ ៕