អ៊ឺរ៉ូ២០១២៖ ការប្រកួតបើកឆាក រវាងក្រិចនិងប៉ូឡូញ ១-១ ធ្វើអោយសើចយំមិនចេញ

នៅក្រោយការប្រកួតបានតែ ១៧នាទីប៉ុណ្ណោះ ដែលកីឡាករជនជាតិប៉ូឡូញ ម្នាក់ឈ្នោះ ឡេវ៉ានដូវស្គី (Lewandowski) បានយកក្បាលបុកបញ្ជូនបាល់ អោយចូលក្នុងទីរបស់ ក្រុមប្រទេសក្រិច ហើយបានធ្វើអោយ ប៉ូឡូញមានពិន្ទុនាំមុខ ១-០។ ជារឿងមួយដែលសឹងតែរកជឿមិនបាន ដែលប្រទេសប៉ូឡូញជាប្រទេស មិនដែលល្បីក្នុងពិភពបាល់ទាត់សោះនេះ បានបម្បាក់ធ្មុងរបស់ក្រិច ជាអតីតម្ចាស់ពានរង្វាន់អ៊ឺរ៉ុប កាលពីឆ្នាំ២០០៤ដោយបានទាត់បញ្ចូលទីបានមុននោះ ។
Loading...
  • ដោយ: មនោរម្យ.អាំងហ្វូ
  • កែប្រែចុងក្រោយ: June 10, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ការប្រកួតបានចាប់ផ្ដើម នៅប្រទេសប៉ូឡូញ ក្នុងកីឡាដ្ឋានមួយដែលពេញប្រៀបដោយ អ្នកគាំទ្រភាគច្រើន របស់ក្រុម ជំរើសជាតិ នៃប្រទេសប៉ូឡូញ។ នៅក្រោយការប្រកួតបានតែ ១៧នាទីប៉ុណ្ណោះ ដែលកីឡាករជនជាតិប៉ូឡូញ ម្នាក់ឈ្នោះ ឡេវ៉ានដូវស្គី (Lewandowski) បានយកក្បាលបុកបញ្ជូនបាល់ អោយចូលក្នុងទីរបស់ ក្រុមប្រទេសក្រិច ហើយបានធ្វើអោយ ប៉ូឡូញមានពិន្ទុនាំមុខ ១-០។ ជារឿងមួយដែលសឹងតែរកជឿមិនបាន ដែលប្រទេសប៉ូឡូញជាប្រទេស មិនដែលល្បីក្នុង ពិភពបាល់ទាត់សោះនេះ បានបំបាក់ធ្មុងរបស់ក្រិច ជាអតីតម្ចាស់ពានរង្វាន់អ៊ឺរ៉ុប កាលពីឆ្នាំ២០០៤ ដោយបានទាត់បញ្ចូលទី បានមុននោះ ។


ការប្រកួតបាល់ទាត់ អ៊ឺរ៉ូ ២០១២ រវាង ក្រិចនិងប៉ូឡូញ / Crédit Photo: AFP

នៅក្នុងការប្រកួតនៅពាក់កណ្ដាលម៉ោងទីពីរ ក្រុមជំរើសជាតិ របស់ប្រទេសក្រិចបានសង្គ្រោះពិន្ទុរបស់ខ្លួន ត្រឡប់មកវិញ។ កីឡាករក្រិចម្នាក់ឈ្មោះ ឌីមិទ្រីយ៉ូស សាលពីនហ្សីឌិស (Dimitrios Salpingidis) ឆ្លៀតឱកាស ដែលអ្នកចាំទីប៉ូឡូញ ធ្វើអោយបាល់របូតចេញពីដៃ បានទាត់បញ្ចូលទីរបស់គូប្រកួតរបស់ខ្លួន ជាការស៊ុតបញ្ចូលទី លើកទីមួយរបស់កីឡាករក្រិច នេះ ដែលខ្លួនគាត់បាននាំអោយ ក្រុមរបស់ខ្លួន រកពិន្ទុស្មើជាមួយនឹងក្រុមនៃប្រទេសប៉ូឡូញ វិញ។

អ្វីដែល ក្រុមប្រទេសក្រិច និងប៉ូឡូញ អោនមុខចុះទាំងសងខាង សើចឬយំមិនចេញ គឺកីឡាករម្ខាងម្នាក់របស់ក្រុមពួកគេ ត្រូវបាន អាជ្ញកណ្ដាល លើកាតក្រហមបណ្ដេញចេញ នៅពេលប្រកួតនេះ។ នៅក្នុងនាទី ទី៤៤ នៃពាក់កណ្ដាលការប្រកួត ដំបូង កីឡាករក្រិចម្នាក់ ឈ្មោះ ប៉ាប៉ាស្តាតូពូឡូស Papastathopoulos ត្រូវបានអាជ្ញាកណ្ដាល លើកកាតលឿងជាលើកទីពីរ ហើយបញ្ចេញកាតក្រហមបណ្ដេញចេញពី ការប្រកួត។ រីឯនៅនាទីទី៦៩ អ្នកចាំទីរបស់ប្រទេសប៉ូឡូញ ក៏ត្រូវបានអាជ្ញា កណ្ដាល លើកកាតក្រហមបណ្ដេញចេញពី ការប្រកួតដែរ។ អ្នកចាំទីនេះ ត្រូវបានអាជ្ញាកណ្ដាលចាប់កំហុស ដោយមកពី គាត់បានទៅខ្ទាស់ជើង កីឡាករខ្សែរប្រយុទ្ធរបស់ប្រទេសក្រិចម្នាក់ នៅពេលដែលកីឡាករនេះ បានបណ្ដើរបាល់ជិត ទៅដល់ទីរបស់គាត់។ ការចាប់កំហុសនេះ បានធ្វើអោយប្រទេសក្រិច មានឱកាសនឹងទាត់បាល់ពិន័យ ដោយផ្ទាល់មួយ។ តែអ្នកចាំទីថ្មីរបស់ ក្រុមជំរើសជាតិ ប៉ូឡូញ ឈ្មោះទីតុង (Tyton) ដែលមកជំនួសអ្នកចាំទីចាស់នោះ បានលោតទៅចាប់ បាល់ពិន័យបាន ដោយគ្មានការពិបាកអ្វីឡើយ ហើយបានការពារពិន្ទុរបស់ ក្រុមខ្លួន អោយនៅតែស្មើរជាមួយនឹង ក្រុមមកពី ប្រទេសក្រិច។

សូមបញ្ជាក់ថា ការពិន័យជាកាតក្រហម នឹងហាមឃាត់កីឡាករមានកំហុសនោះ មិនអោយចូលប្រកួតលើកក្រោយៗទៀត ចំនួនពីរប្រកួត ក្នុងការដណ្ដើមពានរង្វាន់នេះ។

នៅនាទីចុងក្រោយ នៃការប្រកួត គេសង្កេតឃើញ ភាពល្វើយរបស់ កីឡាករសឹងតែសងខាង ហើយបានបញ្ចប់ការប្រកួត ដោយទទួលបានតែពិន្ទុ ១-១ ប៉ុណ្ណោះ។ ពិន្ទុស្មើនេះបានធ្វើក្រុមទាំងពីរ រកពិន្ទុនៅក្នុងក្រុមជុំជំរុះA ម្ខាងៗ​បានមួយពិន្ទុ៕

----------------------------------------------------------
ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ០៨ ខែមិថុនា ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...