ហ្វេសប៊ុក មានគណនីខ្មោចប្រមាណជាង ៨៣លានគណនី

គណនីខ្មោច គឺជាគណនីដែលគេបានបង្កើតឡើង ទន្ទឹមនឹង គណនីគោល របស់អ្នកប្រើប្រាស់ហ្វេសប៊ុកពិតប្រាកដម្នាក់។
Loading...
  • ដោយ: កេសរ កូល
  • កែប្រែចុងក្រោយ: August 04, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ចំនួនគណនីខ្មោចនេះ មានចំនួនប្រហែលជា ១ភាគ១០ នៃគណនីទាំងអស់ របស់បណ្ដាញគេហទំព័រសង្គមដ៏ល្បី ជាងគេ របស់ពិភពលោកមួយនេះ។


ជនលាក់មុខ នៅពីខាងក្រោយ អេក្រង់ ដែលបង្ហាញពីគេហទំព័រហ្វេសប៊ុក។

ស្ថានភាពរបស់ហ្វេសប៊ុក នៅក្នុងទីផ្សារភាគហ៊ុន បានលិចដាំក្បាលចុះ ក្នុងខណៈដែលគេហទំព័រមានសមាជិកជិត មួយ កោដនាក់ បានចុះឈ្មោះប្រើប្រាស់។ កាលពីថ្ងៃទី២៧កក្កដាកន្លងទៅ ហ្វេសប៊ុកបានប្រកាសថា សមាជិកអ្នកប្រើប្រាស់ដ៏ សកម្ម បានចូលមកកាន់គេហទំព័រនេះ ប្រមាណជា ៩៥៥លាននាក់នៅក្នុងមួយខែៗ ដែលត្រូវនឹងកំណើន គិតជាភាគរយ ២៩% ក្នុងមួយឆ្នាំ។ តែនៅមួយសប្ដាហ៍ក្រោយមក ក្រុមហ៊ុនយក្សរបស់ មហាសេដ្ឋីវ័យ ក្មេង ម៉ាក ហ្សូខើរប៊ែរ (Mark Zuckerberg) បែរជាផ្សព្វផ្សាយនៅក្នុងឯកសារជាផ្លូវកាមួយ របស់ទីផ្សារភាគហ៊ុនរថា ខ្លួនបានបិតគណនីអ្នកប្រើប្រាស់ មានចំនួនច្រើន ជាង ៨៣លាន​គណនី ដែលខ្លួនបានគិតថា ជាគណនីខ្មោច។

តែអ្វីទៅ ដែលហៅថា គណនីខ្មោចនោះ? មិនពិបាកយល់ទេ គណនីខ្មោច គឺជាគណនីដែលគេបានបង្កើតឡើង ទន្ទឹមនឹង គណនីគោល របស់អ្នកប្រើប្រាស់ហ្វេសប៊ុកពិតប្រាកដម្នាក់។ អ្នកដែលមានគណនីច្រើនបែបនេះ មានប្រមាណជា ៤,៨% នៃចំនួនអ្នកប្រើប្រាស់សរុប របស់ហ្វេសប៊ុក ហើយ២,៤% នៅក្នុងចំណោមនេះ បានបើកគណនីខ្មោច ក្នុងគោលបំណង ធ្វើការងារ រកផលប្រយោជអោយក្រុមហ៊ុន សមាគម ឬវត្ថុសត្វអ្វីផ្សេងៗ។

សូមបព្ជាក់ថា រាល់គណនីនីមួយៗ របស់ហ្វេសប៊ុក ម្ចាស់គណនីអាចនឹងធ្វើការផ្លាស់ប្ដូរ គណនីឯកជនរបស់ខ្លួន អោយ ក្លាយជាគេហទំព័រហ្វេសប៊ុក ដែលមានលក្ខណៈជាអជីបបានគ្រប់ពេលវេលា។

នៅក្នុងចំណោមសមាជិកទាំងអស់ នៃបណ្ដាញសង្គមនេះ មានសមាជិកចំនួន ១,៥% ដែលបណ្ដាញសង្គម បានរកឃើញ ថា​ ជាសមាជិកដែលមានចរិកលក្ខណៈអាក្រក់ និងបានប្រើប្រាស់ប្រព័ន្ធផ្ញើរសារ ដោយគ្មានការអនុញ្ញាតិ។

ទាក់ទងនឹងគណនីខ្មោចទាំងនេះ ហ្វេសប៊ុកបាន លើកឡើងថា  នៅក្នុងបណ្ដាតំបន់ ដែលមានការអភិវឌ្ឍន៍ ដូចជានៅ សហរដ្ឋអាមេរិក ឬនៅប្រទេសអូស្រ្តាលី គណនីខ្មោចមិនសូវមានច្រើន ដូចនៅក្នុងតំបន់ដែលកំពុងអភិវឌ្ឍន៍ ដូចយ៉ាងនៅ ប្រទេសឥណ្ឌូនេស៊ី ឬនៅប្រទេសទួរគី នោះទេ។

ហ្វេសប៊ុក មានសិទ្ធិ ក្នុងការបិទគណនីខ្មោចទាំងនេះ ដែលខ្លួនរកឃើញ នៅក្នុងបណ្ដាសមាជិករបស់ខ្លួន តែថាមិនបាន លប់ពត៌មាន ដែលទាក់ទងនឹងគណនីនោះទេ។ បើតាម​លក្ខខ​ន្តិ​កៈនៃការប្រើប្រាស់របស់ហ្វេសប៊ុក បានបញ្ជាក់ថា បើគណនី ណាមួយ ត្រូវ​បានហ្វេសប៊ុកបិទ ម្ចាស់គណនីនោះត្រូវរងចាំការអនុញ្ញាតិជាថ្មី របស់ហ្វេសប៊ុក មុននឹងបើក គណនីមួយទៀត៕

---------------------------------------------------------
ដោយ ៖ កេសរកូល - ភ្នំពេញ ថ្ងៃទី ០៤ ខែសីហា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...