ទីក្រុងមានីល លិចលង់ដោយសារ ភ្លៀងម៉ូសុង

គ្រោះភ្លៀងធម្មជាតិ ដែលបានចាប់ផ្ដើមពីចុងសប្ដាហ៍មុន បានបោកបក់លើមកលើផ្ទៃប្រទេស ហើយបានជម្លៀសប្រជាជន ចំនួនជាង ២៦៨ ០០០នាក់អោយចាកចោល ផ្ទះសម្បែងរបស់ខ្លួន។
Loading...
  • ដោយ: មនោរម្យ.អាំងហ្វូ
  • កែប្រែចុងក្រោយ: August 08, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ភ្លៀងម៉ូសុង បានស្រោចស្រពយ៉ាងខ្លាំង នៅក្នុងរយះពេលប៉ុន្មានថ្ងៃចុងក្រោយនេះ ទៅលើកោះហ្វីលីពីន ហើយបានបង្ក អោយទៅជាទឹកជំនន់ យ៉ាងជោរជន់ នៅក្នុងទីក្រុងម៉ានីល។ ទឹកជំនន់ដែលបានផ្ដាច់ លែងអោយមានដំណើរការ នូវសេវាកម្មដឹកជញ្ជូន រដ្ឋបាល សាលារៀន និងស្ថាប័នផ្សេងៗទៀតជាច្រើន។ តាមដំណឹង ដែលទើបតែនឹងធ្លាក់មក ចុងក្រោយនេះ មានមនុស្សប្រមាណជា ៦៨នាក់បានស្លាប់។


ជនរងគ្រោះ នឹងទឹកជំនន់ កំពុងហែលទឹកឆ្លងផ្លូវ។

កងទ័ពត្រូវបានគេហៅ អោយចុះមកជួយស្ដារស្ថានការ និងជួយសង្គ្រោះបណ្ដាជនអ្នករងគ្រោះ ជាពិសេសអ្នកដែលបាន ទៅរស់នៅជាន់លើនៃអាគាររស់នៅរបស់ខ្លួន និងខ្លះទៀតបានឡើងទៅនៅក្រោមដំបូលផ្ទះ។​ គ្រោះភ្លៀងធម្មជាតិនេះ បានសំលាប់មនុស្សក្នុងទីក្រុងប្រមាណជា ១៨នាក់ ក្នុងនោះមាន៩នាក់ជាសមាជិករបស់គ្រួសារមួយ ដែលផ្ទះបានរអិល ផុងទៅ ជាមួយនឹងដីបាក់ នៅក្នុងសង្កាត់អាណាធិបតេយ្យមួយ ប៉ែកខាងជើងទីក្រុង។ អ្នកទទួលខុសត្រូវម្នាក់ នៅកន្លែង កើតហេតុបានពន្យល់ថា «ភ្លៀងបានធ្វើអោយដីប្រែជាផុយបាក់ ហើយផ្ទះចំនួនបួនរួចមកហើយ ដែលត្រូវបានបាក់ទៅ ជាមួយ។»

គ្រោះភ្លៀងធម្មជាតិ ដែលបានចាប់ផ្ដើមពីសប្ដាហ៍មុន បានបោកបក់លើមកលើផ្ទៃប្រទេស ហើយបានជម្លៀសប្រជាជន ចំនួនជាង ២៦៨ ០០០នាក់អោយចាកចោល ផ្ទះសម្បែងរបស់ខ្លួន។ តាមអាជ្ញាធរបានអោយដឹងថា ជាងពាក់កណ្ដាល (៨០%) នៃទីក្រុងម៉ានីល ត្រូវបានលិចលង់នៅក្រោមទឹក។ តែព្រលានយន្ដហោះអន្តរជាតិ ជាប់នឹងទីក្រុង នៅដំណើរការ នៅឡើយ ដោយមានតែជើងហោះហើរតែពីរប៉ុណ្ណោះ ត្រូវបានគេលប់ចោល នៅថ្ងៃទី០៧សីហានេះ។

គេបានព្យាករណ៍ថា ភ្លៀងនឹងបន្ដរធ្លាក់មកយ៉ាងខ្លាំងទៀត ក្នុងរយះពេល ២៤ម៉ោងខាងមុខ។ ភ្នាក់ងារឧត្តុនិយមរបស់ ប្រទេស បានប្រកាស ពីគ្រោះទឹកជំនន់ ថានឹងរីកខ្លាំងបន្តទៀត៕

------------------------------------------------
ដោយ៖ សេក មនោរកុមារ - ប៉ារីស ថ្ងៃទី ០៧ ខែសីហា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...