សម្តេចនាយក​រដ្ឋមន្ត្រី ហ៊ុន សែន ប្រតិកម្ម​ចំពោះ​អគ្គលេខាធិការ​អាស៊ាន ក្នុង​រឿង​សមយុទ្ធ​យោធា​កម្ពុជា
http://www.cen.com.kh/localnews/show_ ... kZjE2NTdjYzViZTU1MGZiZWRk

ដោយ : ម៉េងឆៃ (ថ្ងៃទី 8 មីនា 2010)


ខេត្តកំពត: នៅ​ព្រឹក​ថ្ងៃ​ច័ន្ទ​នេះ សម្តេច​ប្រមុខ​ដឹកនាំ​រាជរដ្ឋាភិបាល​កម្ពុជា បាន​ប្រតិកម្ម​ដោយ​សម្តី​ខ្លាំងៗថា លោក សូរិន ពិត​សូ​វ៉ាន់ មិន​សម​ធ្វើ​ជា​អគ្គលេខាធិការ​អាស៊ាន​នោះទេ​ ។
​ ​ក្នុង​ពិធី​សំណេះសំណាល់​ជាមួយ​យោធិន​ពិការ នៅ​ភូមិ​អភិវឌ្ឍន៍​យោធិន​ពិការ នៅ​តំបន់​តា​កែន​កោះស្លា ក្នុង​ខេត្ត​កំពត នៅ​ព្រឹក​នេះ សម្តេច​តេជោ ហ៊ុន សែន បាន​មានប្រសាសន៍ថា ការធ្វើ​សមយុទ្ធ​យោធា​របស់​កម្ពុជា គឺ​ស្ថិតនៅ​ឆ្ងាយ​ពី​ព្រំដែន និង​មិនមែន​ជា​ការ​គម្រាមកំហែង​ដល់​សន្តិសុខ​ប្រទេស​ណា​ទេ​ ។

​ ​សម្តេចនាយក​រដ្ឋមន្ត្រី ក៏​បាន​រំលឹក​ពី​ការធ្វើ​សមយុទ្ធ​យោធា​ថៃ នា​ពេល​កន្លង នៅតាម​តំបន់​ព្រំដែន​ប្រទេស​កម្ពុជា រហូតដល់​មាន​ការបាញ់​គ្រាប់ផ្លោងចូល​ក្នុង​ទឹកដី​កម្ពុជា​ចំនួន បី គ្រាប់ ប៉ុន្តែ​កាលណោះ អគ្គលេខាធិការ​អាស៊ាន ដែល​ជា​អតីត​នាយករដ្ឋមន្ត្រី​ថៃ​រូបនេះ មិនបាន​ធ្វើ​អត្ថាធិប្បាយ​ឡើយ​ ។​
​ ​កាលពី​ថ្ងៃ​ទី​៥ ខែ​មីនា ឆ្នាំ​២០១០ តាមរយៈ​ទីភ្នាក់ងារ​សារព័ត៌មាន Bermana លោក សូរិន ពិត​សូ​វ៉ាន់ អគ្គលេខាធិការ​អាស៊ាន ដែល​ជា​ជនជាតិ​ថៃ បាន​ធ្វើ​អត្ថាធិប្បាយ​ថា ការធ្វើ​សមយុទ្ធ​យោធា​កម្ពុជា ដោយការបាញ់គ្រាប់កាំភ្លើង BM 21 កាលពី​ថ្ងៃ​ទី​៤ ខែ​មីនា ឆ្នាំ​២០១០ នៅ​ខេត្ត​កំពង់ឆ្នាំង គឺ​កម្ពុជា​ទំនង​ជា​បាន​ផ្តល់​សញ្ញា​ដែល​មើល​ឃើញ​ហាក់បីដូចជា មាន​អស្ថិរភាព​នៅ​ក្នុង​តំបន់ អាស៊ាន មាន​ការបារម្ភ​ជា​ខ្លាំង​ចំពោះ​ការវិវត្តន៍​បែបនេះ​ ។​ ​
​ ​ក៏ប៉ុន្តែ​សម្តេចនាយក​រដ្ឋមន្ត្រី ហ៊ុន សែន បាន​ច្រានចោល និងព្រមាន​ថា សម្តេច​នឹង​យក​ការរិះគន់​របស់​អគ្គលេខាធិការ​អាស៊ាន​នេះ លើកឡើង​នៅក្នុង​កិច្ចប្រជុំ​កំពូល​អាស៊ាន នាពេលខាងមុខ​ ៕​

ប្រមុខ​ការទូត​កម្ពុជា ប្រតិកម្ម​ចំពោះ​អគ្គលេខាធិការ​អាស៊ាន រឿង​សមយុទ្ធ​យោធា​កម្ពុជា​
http://www.cen.com.kh/localnews/show_ ... kNjk0NTJhYzU2MjI3NmJkODhj

ដោយ : ម៉េងឆៃ (ថ្ងៃទី 8 មីនា 2010)
ភ្នំពេញ: លោក​ឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស​កម្ពុជា បាន​ប្រតិកម្ម​ជា​ផ្លូវការ តាមរយៈ​លិខិត​មួយ ផ្ញើរ​ទៅកាន់​លោក សូរិន ពិត​សូ​វ៉ាន់ អគ្គលេខាធិការ​អាស៊ាន ចុះ​ថ្ងៃ​ទី​៧ ខែ​មីនា ឆ្នាំ​២០១០ ​។​
​ ​ក្នុង​សារលិខិត​ផ្ញើរ​ទៅកាន់​លេខាធិការដ្ឋាន​អាស៊ាន ប្រចាំ​ទីក្រុង​ហ្សា​កាតា ប្រទេស​ឥណ្ឌូនេស៊ី លោក​ឧបនាយករដ្ឋមន្ត្រី ហោ ណាំហុង បាន​លើកឡើង​ថា ក្នុងឋានៈ​ជា​អគ្គលេខាធិការ​អាស៊ាន លោក សូរិន ពិត​សូ​វ៉ាន់ មិន​គួរ​ធ្វើ​សេចក្តីថ្លែងការណ៍​ខុសឆ្គង ដែល​នាំ​ឲ្យ​ខូច​ដល់​មុខមាត់​ប្រទេស​អាស៊ាន​ណាមួយ ក៏ដូចជា អាស៊ាន​ទាំងមូល​ឡើយ​ ។ ម្យ៉ាងទៀត លោក​អគ្គលេខាធិការ​អា​ស៊ាន ដែល​ជា​ជនជាតិ​ថៃ​រូបនេះ មិន​គួរ​ធ្វើ​សេចក្តី​អត្ថាធិប្បាយ ដែល​អាច​ចាត់ទុកបាន​ថា ជា​ការជ្រៀតជ្រែក​ចូល​កិច្ចការ​ផ្ទៃក្នុង​របស់ប្រទេស​កម្ពុជា ជា​សមាជិក​អាស៊ាន​នោះទេ​ ។​

​ ​លោក​ប្រមុខ​ការទូត​កម្ពុជា បានបញ្ជាក់​ថា តាម​ធម្មតា និង​ជា​គោលការណ៍ អគ្គលេខាធិការ​អាស៊ាន ត្រូវតែ​មាន​ការប្រុងប្រយ័ត្ន​ខ្លះ នៅពេល​ធ្វើ​អត្ថាធិប្បាយ ឬ​សេចក្តីថ្លែងការណ៍​អ្វី​ពាក់ព័ន្ធ​នឹង​ប្រទេស​សមាជិក​អាស៊ាន​ណាមួយ​ ។​
​ ​ក្នុង​លិខិត​នោះ បាន​លើកឡើង​ថា ទីភ្នាក់ងារ​ព័ត៌មាន ប៊ែ​ម៉ាណា ( Bermana ) បាន​ស្រង់​សម្តី​របស់​អគ្គលេខាធិកា​រ​អាស៊ាន លោក សូរិន ពិត​សូ​វ៉ាន់ ដែល​បាន​និយាយថា កម្ពុជាទំនង​ជា​បាន​ផ្តល់​សញ្ញា​ដែល​មើល​ឃើញ​ហាក់បីដូចជាមាន​អស្ថិរភាព​នៅ​ ក្នុង​តំបន់​ហើយ យើង​មាន​ការបារម្ភ​ជា​ខ្លាំង​ចំពោះ​ការវិវត្តន៍​បែបនេះ ពាក់ព័ន្ធ​នឹង​សមយុទ្ធ​របស់​កងទ័ព​កម្ពុជា តាមរយៈការបាញ់កាំភ្លើង BM 21 ដោយជោគជ័យ កាលពី​ថ្ងៃ​ទី​៤ ខែ​មីនា ឆ្នាំ​២០១០ នៅ​ខេត្ត​កំពង់ឆ្នាំង ដែល​ស្ថិតនៅ​មិន​ឆ្ងាយ​ពី​ទីក្រុង​ភ្នំពេញ​ ។​

​ ​ក៏​ប៉ុន្តែ​ដើម្បី​ចៀសវាង មាន​ការយល់​ខុស និង​ការធ្វើ​អត្ថាធិប្បាយ​ខុស លោក​ឧបនាយករដ្ឋមន្ត្រី ហោ ណាំហុង បាន​គូសបញ្ជាក់ថា កម្ពុជា​បាន​ជ្រើសរើសធ្វើ​សមយុទ្ធ​នៅ​ទីតាំង​ឆ្ងាយ​ពី​ព្រំដែន​ជាមួយ​ប្រទេស ​ថៃ​។​
​ ​លោក​ឧបនាយករដ្ឋមន្ត្រី ហោ ណាំហុង បាន​លើកឡើង​ថា ក្នុងនាម​ជា​អតីតរដ្ឋមន្ត្រី​ការបរទេស​ថៃ លោក សូរិន ពិត​សូ​វ៉ាន់ ដឹង​ច្បាស់​ណាស់​ថា ការធ្វើ​សមយុទ្ធ​យោធា​នៅ​ប្រទេស​ណាមួយ​ក៏ដោយ ក្នុង​គ្រប់ទិសទី​លើ​ពិភពលោក គឺជា​សមយុទ្ធ​ធម្មតា​ ។ សូម្បី​តែ​លោកនាយក​រដ្ឋមន្ត្រី អាប់​ភី​ស៊ីត វិជ្ចា​ជីវ៉ា បាន​ថ្លែងថា ប្រទេស​ថៃ​គ្មាន​បញ្ហា​ទេ ជាមួយនឹង​ការ​ធ្វើ​សមយុទ្ធ​នេះ ព្រោះ​វា​ជា​ការអនុវត្ត​ធម្មតា​របស់​ប្រទេស​មួយ ក្នុងការ​ធ្វើ​សមយុទ្ធ​យោធា​ ។ នាយករដ្ឋមន្ត្រី​ថៃ ក៏​បាន​ថ្លែង​ដែរ​ថា សមយុទ្ធ​យោធា គឺជា​ការអនុវត្ត​ធម្មតា យើង​ក៏​ទើបបាន​ធ្វើ​សមយុទ្ធ​ក្នុង​ពេល​ថ្មីៗ​នេះដែរ​ ។​

​ ​លោក​ប្រមុខ​ការទូត​កម្ពុជា បាន​រម្លឹក​អគ្គលេខាធិកា​រ​អាស៊ាន​ថា លោក​ក៏​ប្រហែល​ជា​ចាំ​បាន​ដែរ​ថា ក្នុង​ពេល​ថ្មីៗ​នេះ កងទ័ព​ថៃ​បាន​ធ្វើ​សមយុទ្ធ​នៅ​ជិត​ព្រំដែន​កម្ពុជា ពិសេស​គឺ​នៅ​ទីតាំងដែល​ជាប់​នឹង​តំបន់​កំពុង​មានទំនាស់​គ្នា ហើយ​ថែមទាំង​បាន​បាញ់​គ្រាប់កាំភ្លើង​ធំ​ជ្រុល​ចូល​មក​ក្នុង​ដែនដី​ កម្ពុជាទៀតផង​ ។ ទោះជា​យ៉ាងនេះក្តី កម្ពុជា​មិន​បាន​ធ្វើ​ប្រតិកម្ម ឬ​ក៏​ធ្វើ​អត្ថាធិប្បាយ​អ្វី​ឡើយ​ ។​
​ ​អាស្រ័យហេតុនេះ លោក​ប្រមុខ​ការទូត​កម្ពុជា បាន​គូសបញ្ជាក់ថា លោក​អគ្គលេខាធិការ​អា​ស៊ាន សូរិន ពិត​សូ​វ៉ាន់ មិនត្រូវ​មាន​ការបារម្ភអ្វី​ឡើយ អំពីសមយុទ្ធ​របស់​កងទ័ព​កម្ពុជា ព្រោះ​វា​មិនអាច​នឹង​ផ្តល់​សញ្ញា​ខុសថា មាន​អស្ថិរភាព​ក្នុង​តំបន់​នោះទេ ​។ ម្យ៉ាងវិញទៀត កងយោធពល​ខេមរភូមិន្ទ នឹង​ពុំ​ធ្វើ​សកម្មភាព​ប្រឆាំង​ប្រទេស​ណាមួយ​ឡើយ​ ។ ភារកិច្ច​តែមួយគត់​របស់​គេ គឺ​ការពារ​នូវ​អធិបតេយ្យភាព និង​បូរណភាព​ដែនដី​កម្ពុជា​ ៕​

អគ្គលេខាធិការ​អាស៊ាន​ប្រតិកម្ម​នឹង​សមយុទ្ធ​យោធា​កម្ពុជា
http://www.rfi.fr/actukm/articles/123/article_4705.asp

ដោយ លី ម៉េងហួរ

អត្ថបទចុះផ្សាយកាលពីថ្ងៃទី 05/03/2010 កែប្រែលើកចុងក្រោយកាលពីថ្ងៃទី 05/03/2010 12:31 ម៉ោងសកល

លោក ស៊ូរិន្ទ ពិតសុវ៉ាន់ ( Surin Pitsuwan ) អគ្គ​លេខាធិការ​អាស៊ាន​ដែល ជា​ជនជាតិ​ថៃ​បាន​សម្តែង​ការព្រួយ​បារម្ភ នៅ​ថ្ងៃ​នេះ​ថា ការធ្វើ​សមយុទ្ធ​យោធា​កម្ពុជា ដោយ​ការបាញ់ ផ្លោង ​កាំជ្រួច​ហ្វូង BM-21 កាល​ពី​ថ្ងៃ​ម្សិលមិញ​អាច​ជា​ការបញ្ជូន​សញ្ញា​ខុស ទៅ​កាន់​ពិភពលោក ខណៈ​ដែល​កម្ពុជា​មាន​ទំនាក់​ទំនង​មិន​ល្អ​ជាមួយ​ប្រទេស​ថៃ​ពេល​នេះ។ ក៏​ប៉ុន្តែ លោក​កុយ គួង អ្នកនាំពាក្យ​ក្រសួង​ការបរទេស​កម្ពុជា​បាន​ច្រាន​ចោល​នូវ​ការលើក​ឡើង​បែប​ នេះ។

សូម​ចុច​ខាង​ក្រោម​នេះ​ដើម្បី​ស្តាប់៖
សេចក្តី​រាយការណ៍​របស់​ លី ម៉េងហួរ​ពី​ទីក្រុង​ភ្នំពេញ
http://www.rfi.fr/player/telecharger. ... AN_au_Cambodge_050310.mp3

គឺ​មួយ​ថ្ងៃ បន្ទាប់​ពី​កងទ័ព​កម្ពុជា​បាន​បញ្ចប់​ដោយ​ជោគជ័យ​នូវ​ការធ្វើ​សមយុទ្ធ​ សាកល្បង បាញ់​គ្រាប់​មីស៊ីល កាំជ្រួច​ហ្វូង BM21 រួច​មក នៅ​ថ្ងៃ​សុក្រ​នេះ អគ្គ​លេខាធិការ​អាស៊ាន លោក ស៊ូរិន ពិតសូវ៉ាន់ បាន​និយាយ​ទៅ​កាន់​ទីភ្នាក់ងារ​ព័ត៌មាន Bernama​ថា អាស៊ាន​មាន​ការព្រួយ​បារម្ភ​យ៉ាង​ខ្លាំង​ថា កម្ពុជា​អាច​បញ្ជូន​សញ្ញា ហាក់​ដូចជា មាន​អស្ថេរភាព​ក្នុង​តំបន់​អាស៊ាន ព្រោះតែ​ការបាញ់​កាំភ្លើង​ធុនធំ កាល​ពី​ថ្ងៃ​ពុធ​ម្សិលមិញ។

ក្នុង​នាម ​ជា​អគ្គ​លេខាធិការ​អាស៊ាន លោក ស៊ូរិន ពិតសូវ៉ាន់ ដែល​ជា​ជនជាតិ​ថៃ​បាន​បន្ថែម​ថា យើង​មាន​ការបារម្ភ​យ៉ាង​ខ្លាំង​ជាមួយ​នឹង​ការវិវត្តន៍​បែប​នេះ។

ក៏​ ប៉ុន្តែ ការលើក​ឡើង​យ៉ាង​ដូច្នេះ ត្រូវ​បាន​លោក​កុយ គួង អ្នកនាំពាក្យ​ក្រសួង​ការបរទេស​កម្ពុជា​ចាត់ទុក​ថា ជា​ការលើក​ឡើង​ដោយ​ខុសឆ្គង និង​មិន​ត្រឹមត្រូវ។

លោក​កុយ គួង​បាន​គូស​បញ្ជាក់​ថា ការបាញ់​សាកល្បង កាំភ្លើង​BM21 នៅ​ព្រលាន​យន្តហោះ ខេត្ត​កំពង់ឆ្នាំង កាល​ពី​ថ្ងៃ​ព្រហស្បតិ៍​ម្សិលមិញ ជា​លក្ខណៈ​ដែល​កម្ពុជា​ត្រៀម​ការពារ​ប្រទេស​មិនមែន​ដើម្បី​ឈ្លានពាន​ប្រទេស​ ណា​ទេ។ ម្យ៉ាងទៀត កន្លង​មក លោក ស៊ូរិន ខ្លួនឯង​ផ្ទាល់​មិន​ដែល​មាន​ប្រតិកម្ម​អ្វី​ចំពោះ​សមយុទ្ធ​របស់​ថៃ សូម្បី​តែ​សមយុទ្ធ​ថៃ​បាន​បាញ់​គ្រាប់ផ្លោង​ចូលដី​កម្ពុជា​ក៏​ដោយ។

សូម ​បញ្ជាក់​ថា ភ្លាមៗ បន្ទាប់​ពី​បញ្ចប់​ដោយ​ជោគជ័យ​នូវ​ការបាញ់​សាកល្បង​នូវ​គ្រាប់​កាំភ្លើង BM21 ចំនួន ២១៥ គ្រាប់ កាល​ពី​ថ្ងៃ​ព្រហស្បតិ៍​ម្សិលមិញ លោក​ប្រមុខ​ដឹកនាំ​រដ្ឋាភិបាល ហ៊ុន សែន បាន​ប្រកាស​ថា សមយុទ្ធ​យោធា​កម្ពុជា​នេះ​មិនមែន​ជា​ការបង្ហាញ​សាច់ដុំ​ដាក់​ប្រទេស​ណា​ទេ តែ​ជា​ការពង្រឹង​សមត្ថភាព​យោធា​កម្ពុជា​ដើម្បី​ការពារ​ជាតិ។

ក៏​ ប៉ុន្តែ ជា​ការកត់​សម្គាល់ សមយុទ្ធ​របស់​កងទ័ព​កម្ពុជា​ពេល​នេះ​ធ្វើ​ឡើង​ចំ​ពេល​នៃ​ការប្រឈម​មុខ​ដោយ​ យោធា​រវាង​កងទ័ព​កម្ពុជា និង​កងទ័ព​ថៃ នៅ​តំបន់​ព្រំដែន​ប្រាសាទ​ព្រះវិហារ។

យ៉ាងណា ​ក៏​ដោយ ថ្នាក់​ដឹកនាំ​រដ្ឋាភិបាល​ថៃ​មិន​បាន​ប្រតិកម្ម​នឹង​សមយុទ្ធ​យោធា​កម្ពុជា កាល​ពី​ថ្ងៃ​ព្រហស្បតិ៍​ម្សិលមិញ​ទេ ដោយ​ថៃ​ចាត់ទុក​ថា នេះ​ជា​រឿង​ផ្ទៃក្នុង​របស់​កម្ពុជា​ប៉ុណ្ណោះ៕

កងទ័ព​កម្ពុជា ធ្វើ​សមយុទ្ធ​បាញ់​កាំភ្លើង BM-21
http://www.rfi.fr/actukm/articles/123/article_4700.asp

ដោយ លី ម៉េងហួរ

អត្ថបទចុះផ្សាយកាលពីថ្ងៃទី 04/03/2010 កែប្រែលើកចុងក្រោយកាលពីថ្ងៃទី 04/03/2010 12:05 ម៉ោងសកល

កងទ័ព​កម្ពុជា បាន​ធ្វើ​សមយុទ្ធ​បាញ់​កាំភ្លើង​ប្រតិកម្ម ធុន BM 21 នៅ​ព្រឹក​ថ្ងៃ​ព្រហស្បតិ៍​ទី​៤ មីនា​នេះ។ ការ​បាញ់​គ្រាប់​រ៉ុកកែត ឬ​ហៅថា​កាំភ្លើង​ហ្វូង​កាំជ្រួច ប្រភេទ ៤០ កាណុង​នេះ បាន​ធ្វើ​ឡើង នៅ​ព្រលាន​យន្ត​ហោះ ខេត្ត​កំពង់ឆ្នាំង ចម្ងាយ​ប្រមាណ​ជាង ១០០ គីឡូម៉ែត្រ ពី​ទីក្រុង​ភ្នំពេញ។ ព្រឹត្តិការណ៍​នៅ​ថ្ងៃ​នេះ គឺ​ជា​ការ​បង្ហាញ​ពី​ការ​ពង្រឹង​សមត្ថភាព​កងទ័ព និង​បញ្ជាក់​ពី​ប្រសិទ្ធភាព​ការពារ​ជាតិ​របស់​កម្ពុជា។

សូមចុច​ខាង​ ក្រោ
បទ​អន្តរាគមន៍​របស់ លី ម៉េងហួរ ពីទីក្រុង​ភ្នំពេញ
http://www.rfi.fr/player/telecharger. ... 123/FOCUS-HOUR-040310.mp3

ការ​ធ្វើ​សមយុទ្ធ​បាញ់​គ្រាប់​កាំភ្លើង​ប្រតិកម្ម BM 21 នៅ​ព្រឹក​ថ្ងៃ​ទី​៤​មិនា​នេះ បាន​ធ្វើ​ឡើង ក្រោម​វត្តមាន​របស់​លោក​ឧបនាយក​រដ្ឋមន្ត្រី ទៀ បាញ់ រដ្ឋមន្ត្រី​ក្រសួង​ការពារ​ជាតិ និង​នាយ​ឧត្តម​សេនីយ៍ ដែល​ជា​មេ​បញ្ជាការ មេ​បញ្ជាការ​រង​នៃ​កង​យោធពល​ខេមរ​ភូមិន្ទ រួម​នឹង​កង​ទាហាន​ ​ដែល​ទើប​តែ​បាន​បញ្ចប់​ការ​ហ្វឹក​ហាត់​បាញ់​កាំភ្លើង​ប្រតិកម្ម BM 21 សរុប​ចំនួន ៤២០ នាក់។

កាំភ្លើង​ធុន BM 21 ចំនួន ១៥ ដើម ត្រូវ​បាន​តម្រៀប​ជា​ជួរ ឃ្លាត​ពី​គ្នា​ប្រហែល ១០ ទៅ ២០ ម៉ែត្រ បែរ​កាណុង ទៅ​តំបន់​ភ្នំ។ ការ​បាញ់​គ្រាប់​កាំភ្លើង​ពិត ​ធុន​ធ្ងន់​ដ៏​ទំនើប​នេះ មាន​រយៈពេល​ប្រហែល ៣០នាទី អស់​គ្រាប់​រ៉ុកកែត​ផ្ទុះ​សរុប​ចំនួន ២១៥ គ្រាប់។ កន្លែង​គ្រាប់​ធ្លាក់​ទាំងនោះ ស្ថិត​ក្នុង​ស្រុក​ទឹក​ផុស ដែល​មាន​ចម្ងាយ​ពី ២០ ទៅ ៤០ គីឡូម៉ែត្រ ពី​កន្លែង​បាញ់។ កន្លែង​បាញ់​កាំភ្លើង ស្ថិត​នៅ​ព្រលាន​យន្ត​ហោះ ខេត្ត​កំពង់ឆ្នាំង ក្នុង​ភូមិសាស្ត្រ​ស្រុក​រលាប្អៀរ ចម្ងាយ​ប្រមាណ​ជាង ១០០​គីឡូម៉ែត្រ ពី​ភ្នំពេញ។ គ្រាប់​រ៉ុកកែត​ទាំងនេះ​ មាន​តម្លៃ​ មួយ​គ្រាប់ ​ពី ១២០០ ​ដុល្លារ ដល់​ ៣៨០០ ​ដុល្លារ។

ការ​បាញ់​សាកល្បង​កាំភ្លើង ៤០​​កាណុង​​​​ ឬ​កាំជ្រួច​ហ្វូង នា​ពេលនេះ ធ្វើ​ឡើង​ក្នុង​ក្រប​ខណ្ឌ​ នៃ​ការ​បិទ​វគ្គ​ហ្វឹកហាត់​បាញ់​កាំភ្លើង​ធុន BM21 ដល់​កងទ័ព​កម្ពុជា​គ្រប់​កង​អង្គភាព​ការពារ​ព្រំដែន។

លោក​ឧបនាយក​រដ្ឋមន្ត្រី ទៀ បាញ់ បាន​បញ្ជាក់​ថា ការ​បាញ់​សាកល្បង ចំ​គោលដៅ​ក្នុង​រង្វង់​ប្រតិបត្តិការ ៤០​គីឡូម៉ែត្រ ដោយ​ជោគជ័យ​ពេលនេះ គឺ​ជា​ការ​បញ្ជាក់​ពី​គុណភាព សមត្ថភាព និង​ប្រសិទ្ធិភាព​របស់​កងទ័ព​កម្ពុជា។ នេះ​ក៏​ជា​ការ​រៀប​ចំ​ពង្រឹង​សមត្ថភាព​កងទ័ព​ការពារ​ព្រំដែន​កម្ពុជា​ផង​ ដែរ។

ចំណែក​លោក​នាយក​រដ្ឋមន្ត្រី ហ៊ុន សែន នៅក្នុង​ពិធី​មួយ នៅ​ក្រុង​ភ្នំពេញ ក៏​បាន​ប្រកាស​នៅ​ប៉ុន្មាន​នាទី​ក្រោយ​ការបាញ់​សាកល្បង​នូវ​កាំជ្រួច​មីស៊ីល ​នោះ​ថា ជា​ការ​បាញ់​សាកល្បង​ថ្ងៃ​នេះ ដើម្បី​មើល​ពី​គុណភាព​នូវ​គ្រាប់​កាំជ្រួច​មីស៊ីល របស់​កម្ពុជា ដែល​បាន​ស្តុក​ទុក​ក្នុង​ឃ្លាំង​យូរ​ឆ្នាំ​មក​ហើយ និង​ជា​ការ​ហ្វឹកហាត់​របស់​កង​ទ័ព​កម្ពុជា។ លោក​ប្រមុខ​រដ្ឋាភិបាល ហ៊ុន សែន បាន​បញ្ជាក់​ថា សមយុទ្ធ​យោធា​នៅ​ព្រឹកមិញ មិន​មែន​ជា​ការ​បង្ហាញ​សាច់ដុំ អំពី​អាវុធ​ទេ តែ​ជា​ការ​ត្រៀម​ខ្លួន ដើម្បី​ការពារ​ទឹកដី ពី​ការ​ឈ្លាន​ពាន​របស់​សត្រូវ។

សូម​បញ្ជាក់​ថា នេះ​គឺ​ជា​លើក​ទី​មួយ​ហើយ​ ដែល​កង​ទាហាន​កម្ពុជា​ បាន​ធ្វើ​សមយុទ្ធ​ប្រើប្រាស់​កាំភ្លើង​ធុន BM 21 ឡើង​វិញ ចាប់តាំង​ពី​ឆ្នាំ​១៩៩៨។ ក្នុង​រយៈ​ពេល​នៃ​ការ​ធ្វើ​សង្គ្រាម​​ប្រឆាំង​ទ័ព​ខ្មែរ​ក្រហម ទាហាន​រដ្ឋាភិបាល​ ក៏​ធ្លាប់​បាន​ប្រើប្រាស់​អាវុធ​ធ្ងន់ ៤០​កាណុង​នេះ ដើម្បី​ប្រឆាំង​នឹង​ទ័ព​ព្រៃ​ឧទ្ទាម​ខ្មែរ​ក្រហម៕

កម្ពុជា​រៀបចំ​ពាក្យ​បណ្តឹង​រឿង​ព្រំដែន​ប្រាសាទ​ព្រះវិហារ​រួច​ហើយ
http://www.rfi.fr/actukm/articles/123/article_4686.asp

ដោយ លី ម៉េងហួរ

អត្ថបទចុះផ្សាយកាលពីថ្ងៃទី 03/03/2010 កែប្រែលើកចុងក្រោយកាលពីថ្ងៃទី 03/03/2010 12:52 ម៉ោងសកល

នៅ​ថ្ងៃ​នេះ លោក​នាយក​រដ្ឋមន្ត្រី ហ៊ុន សែន បាន​ប្រកាស​ថា រដ្ឋាភិបាល​កម្ពុជា បាន​បញ្ចប់​រួច​រាល់​ហើយ នូវ​សេចក្តី​ព្រាង​ពាក្យ​បណ្តឹង រឿង​ព្រំដែន​ប្រាសាទ​ព្រះវិហារ​ដើម្បី​ដាក់​ទៅ​កាន់​ក្រុម​ប្រឹក្សា​ សន្តិសុខ អង្គការ​សហប្រជាជាតិ។ ជា​ពាក្យ​បណ្តឹង​ដែល​កម្ពុជា​ប្តឹង​ប្រទេស​ថៃ ក្នុង​រឿង​ឈ្លានពាន​លើ​បូរណភាព​ទឹកដី​កម្ពុជា នៅ​តំបន់​ព្រំដែន​ប្រាសាទ​ព្រះវិហារ។

សូម​ចុច​ខាង​ក្រោម​នេះ​ដើម្បី​ ស្តាប់៖
សេចក្តី​រាយការណ៍​របស់​លី ម៉េងហួរ​ពី​ទីក្រុង​ភ្នំពេញ
http://www.rfi.fr/player/telecharger. ... 23/PAPIER-HOUR-030310.mp3

គឺ នៅ​ថ្ងៃ​ម្សិលមិញ​នេះ​ឯង​ដែល​រដ្ឋាភិបាល​កម្ពុជា​បាន​បញ្ចប់​នូវ​សេចក្តី​ ព្រាង​ពាក្យ​បណ្តឹង ប្តឹង​ប្រទេស​ថៃ​ក្នុង​រឿង​ជម្លោះ​ឈ្លានពាន​ព្រំដែន​ប្រាសាទ​ព្រះវិហារ​របស់ ​កម្ពុជា។ នេះ​បើ​តាម​សេចក្តី​ប្រកាស​របស់​លោក​ប្រមុខ​រដ្ឋាភិបាល ហ៊ុន សែន។

ក្នុង ​ទិវា​វប្បធម៌​ជាតិ​លើក​ទី ១២ កាល​ពី​ព្រឹក ថ្ងៃ​ពុធ ទី​៣ ខែ​មិនា ឆ្នាំ​២០១០ នៅ​សាល​សន្និ​សីទ​ចតុមុខ រាជធានី​ភ្នំពេញ លោក​នាយក​រដ្ឋមន្ត្រី​ហ៊ុន សែន​បាន​លើក​ឡើង​ថា បើ​សិន​ជា​មាន​ការចាំបាច់ កម្ពុជា​ត្រូវ​រុញ​លិខិត​បណ្តឹង​នោះ​ទៅ​កាន់​ក្រុម​ប្រឹក្សា​សន្តិសុខ អង្គការ​សហប្រជាជាតិ។

ក្នុង​ជម្លោះ​ព្រំដែន​នេះ លោក​នាយក​រដ្ឋមន្ត្រី​ហ៊ុន សែន​បាន​លើក​ឡើង​ថា កម្ពុជា​បាន​ដាក់​លិខិត​ជាច្រើន​ទៅ​កាន់​អង្គការ​សហប្រជាជាតិ ក្រោយ​ពី​ការឈ្លានពាន​របស់​ប្រទេស​ថៃ។ កម្ពុជា​រង់ចាំ​កិច្ច​ចរចា​ទ្វេ​ភាគី ជាមួយ​រដ្ឋាភិបាល​ថៃ ក្នុង​សំណុំរឿង​ជម្លោះ​ព្រំដែន។ ក៏​ប៉ុន្តែ កិច្ច​ចរចា​ទ្វេភាគី​ជាមួយ​ថៃ មិន​បានការ​ឡើយ។ ដូច្នេះ​កម្ពុជា​មាន​តែ​ប្តឹង​ទៅ​កាន់​ក្រុម​ប្រឹក្សា​សន្តិសុខ​របស់​ អង្គការ​សហប្រជាជាតិ។

លោក​នាយក​រដ្ឋមន្ត្រី​ហ៊ុន សែន​ក៏​បាន​បញ្ជាក់​ជា​ថ្មី​ថា កម្ពុជា​ចង់​ឲ្យ​សភាពការណ៍​តាម​ព្រំដែន​កម្ពុជា​ថៃ វិល​ទៅ​រក មុន​ថ្ងៃ ១៥ កក្កដា ឆ្នាំ​២០០៨ គឺ​នៅ​មុន​ការប្រឈម​មុខ​ដោយ​ទាហាន នៅ​ព្រំដែន​ប្រាសាទ​ព្រះវិហារ។ ការប្រឈម​មុខ​ដោយ​កម្លាំង​ទ័ព ព្រោះ​តែ​ថៃ​លើក​ទ័ព​ឈរ​ជើង​លើ​ដី​ទំហំ ៤,៦ គីឡូម៉ែត្រ​ក្រឡា ដែល​ថៃ​ប្រកាស​ថា ជា​តំបន់​ត្រួតស៊ី​គ្នា។ លោក​នាយក​រដ្ឋមន្ត្រី​ប្រកាស​មិន​ទទួល​ស្គាល់​តំបន់​ត្រួតស៊ី​គ្នា​នោះ​ទេ។

និយាយ ​ដល់​ប្រាសាទ​ព្រះវិហារ​ដែល​ជា​ប្រធានបទ​នៃ​ទិវា​វប្បធម៌​ជាតិ ថ្ងៃ​៣​មិនា​នេះ លោក​នាយក​រដ្ឋមន្ត្រី ក៏​មិន​ខ្លាច​នឹង​ហៅ​រដ្ឋាភិបាល​ថៃ​បច្ចុប្បន្ន​ថា ជា​ចោរ​ឈ្លានពាន និង​ចង់​បំផ្លាញ​ប្រាសាទ​ព្រះវិហារ ដែល​ជា​ទី​សក្ការៈ ជា​ស្នាដៃ​ឯក​របស់​ខ្មែរ និង​ជា​សម្បត្តិ​បេតិកភណ្ឌ​ពិភពលោក។

តាម​លោក ​នាយក​រដ្ឋមន្ត្រី ទាហាន​ថៃ​បាន​បាញ់​ប្រហារ​លើ​ប្រាសាទ​ព្រះវិហារ​របស់​កម្ពុជា នៅ​ក្នុង​ព្រឹត្តិការណ៍​ផ្ទុះ​អាវុធ កាល​ពី​ថ្ងៃ​ទី​៣ ខែ​មេសា ឆ្នាំ​២០០៩។

ក្នុង ​ទិវា​វប្បធម៌​ជាតិ ថ្ងៃ ៣​មិនា​នេះ លោក​នាយក​រដ្ឋមន្ត្រី​បាន​បំផុស​ស្មារតី​ពលរដ្ឋ​ខ្មែរ ឲ្យ​លើកស្ទួយ និង​ការពារ​ខឿន​វប្បធម៌​ជាតិ។ លោក​នាយក​រដ្ឋមន្ត្រី​ក៏​បាន​ជម្រុញ​ឲ្យ​គ្រប់​បណ្តាញ​ទូរទស្សន៍​ក្នុង​ ស្រុក​ទាំង​អស់ ផ្សព្វផ្សាយ​ពី​សិល្បៈ​បុរាណ​ខ្មែរ៕

នាយក​រដ្ឋមន្រ្តី​ខ្មែរ​ចាត់ទុក​រដ្ឋាភិបាល​ថៃ​ ថា​ជា​ចោរ
http://www.rfa.org/khmer/indepth/huns ... thief-03032010083453.html

ដោយ ខែ សុណង
2010-03-03

លោក​នាយក​រដ្ឋមន្រ្តី ហ៊ុន សែន បាន​ចាត់ទុក​រដ្ឋាភិបាល​ថៃ​ថា​ជា​ចោរ​ក្នុង​ការ​ព្យាយាម​ចង់​យក​ប្រាសាទ​ ព្រះវិហារ​ជា​របស់​ខ្លួន ហើយ​បញ្ហា​នេះ​រដ្ឋាភិបាល​កម្ពុជា​បាន​ត្រៀម​ឯកសារ​រួចរាល់​ហើយ​ដើម្បី​ ប្តឹង​ទៅ​ក្រុមប្រឹក្សា​សន្តិសុខ​អង្គការ​សហ​ប្រជាជាតិ។

ការ​ថ្លែង​ដូច្នេះ​នៅ​ក្នុង​ទិវា​វប្បធម៌​ជាតិ​លើក​ទី​១២ ក្រោម​ប្រធានបទ ព្រះវិហារ​ជា​ទី​សក្ការៈ ជា​ស្នាដៃ​ឯក​របស់​ខ្មែរ និង​ជា​បេតិកភណ្ឌ​ពិភពលោក នៅ​ឯ​សាល​ចតុមុខ​នៅ​ថ្ងៃ​ទី​៣ មីនា។

លោក ហ៊ុន សែន បាន​បន្ថែម​ថា ភាគី​ថៃ​បាន​ព្យាយាម​បន្លំ​ឯកសារ​ធ្វើ​ការ​ប្រយុទ្ធ​ដោយ​ការ​បាញ់​ប្រហារ​នៅ ​តំបន់​វាល​ឥន្រ្ទី និង​តំបន់​ភ្នំ​ទ្រព្យ​ដោយ​ភាគី​ទាហាន​ថៃ ដើម្បី​បំផ្លាញ​ប្រាសាទ​ព្រះវិហារ​នោះ។ លោក​ថា ប្រសិន​បើ​ថៃ​នៅតែ​បន្ត​ធ្វើ​ឈ្នានីស​កម្ពុជា​ទៀត​នោះ លោក​នឹង​ប្តឹង​ទៅ​ក្រុមប្រឹក្សា​សន្តិសុខ​អង្គការ​សហ​ប្រជាជាតិ។

លោក​នាយក​រដ្ឋមន្ត្រី​បាន​ថ្លែង​ថា ៖ «ឯ​គេ​វិញ​គេ​ដុត គេ​បំផ្លាញ គេ​ធ្វើ​អ្វី​តាម​ចិត្ត​គេ​ចង់ ព្រោះ​គេ​ជា​ចោរ។ អ៊ីចឹង​ចោរ​វា​មាន​ដឹង​របស់​ល្អ របស់​អាក្រក់​អី! ប៉ុន្តែ​មិន​មែន​បាន​សេចក្ដី​ថា ចំណុច​នេះ​បង្ហាញ​អំពី​ចំណុច​ខ្សោយ​ថា កម្ពុជា​មិន​ហ៊ាន​តបត​ជាមួយ​កម្លាំង​ឈ្លានពាន​នោះ​ទេ! តម្លៃ​ណា​ក៏​ដោយ ត្រូវ​ការពារ​ឲ្យ​បាន។ គ្មាន​អា​៤,៦​អី​នៅ​ត្រង់​ហ្នឹង​ទេ! ទើប​នឹង​អា​រដ្ឋាភិបាល​ចោរ​ហ្នឹង​ទេ ដែល​វា​ប្រកាស​អា​រឿង​៤,៦​ហ្នឹង។ ខ្ញុំ​សុំ​និយាយ​កន្លែង​ហ្នឹង​ឲ្យ​ច្បាស់ ហើយ​កម្ពុជា ខ្ញុំ​ម្សិលមិញ​គឺ​ព្រាង​លិខិត​ហើយ​ស្រេច​សម្រាប់​ទៅ​ក្រុមប្រឹក្សា​ សន្តិសុខ បើ​មាន​ការ​ចាំបាច់ ហើយ​ជួនកាល​មិន​ចាំបាច់​វែង​ឆ្ងាយ​ផង ឥឡូវ​គេ​នឹង​សើរើ​នូវ​គណៈកម្មការ​បេតិកភណ្ឌ​ពិភពលោក បើ​ថា​វា​ដល់​ចិត្ត​ហើយ គឺ​ថា ត្រូវ​រុញ​លិខិត​ហ្នឹង​ទៅ​ក្រុមប្រឹក្សា​សន្តិសុខ»។

រដ្ឋលេខាធិការ​ក្រសួង​វប្បធម៌​និង​វិចិត្រ​សិល្បៈ លោក ជុច ភឿន មាន​ប្រសាសន៍​ឲ្យ​វិទ្យុ​អាស៊ីសេរី​ដឹង​ថា កម្ពុជា​បាន​ដឹង​ពិត​ប្រាកដ​ថា បាន​បាត់​សិលា​ចារឹក​សំខាន់ៗ​មួយចំនួន​ដែល​ភាគី​ថៃ​បាន​យក​ទៅ។

លោក ជុច ភឿន បាន​បញ្ជាក់​ថា ៖ «តាម​ដែល​ជាក់ស្ដែង​មក​ហ្នឹង​វា​បាត់​ សិលា​ចារឹក... រួច​ហើយ​សរសរ​ដែល​លម្អ​នៅ​តាម​ដង​ផ្លូវ​ហ្នឹង​វា​បាត់​ច្រើន​ណាស់ ស្ទើរតែ​អស់​រលីង។ យើង​មិន​ដឹង​ថា អ្នក​ណា​យ​កទេ ប៉ុន្តែ​ខ្ញុំ​ជឿ​ថា វត្ថុ​ដែល​សំខាន់​គឺ​សិលា​ចារឹក ថៃ​យក​ផន់​យើង អ្វី​ដែល​គេ​អាច​យក​បាន។ សមាសភាព​ស្ថាបត្យកម្ម​ផ្សេងៗ ខ្ញុំ​ក៏​មិន​ដឹង​ថា បាត់​ស្អី​នៅ​អី​ទេ​ណា៎! ពីព្រោះ​ថា តុលាការ​ឡាអេ​និយាយ​ជា​ច្របល់​អ៊ីចឹង​ទៅ អត់​ថា​បាត់​អីៗ​ទេ គ្រាន់តែ​ដាក់​ថា ឲ្យ​ថៃ​ត្រូវ​សង​មក​វិញ»។

ប្រាសាទ​ព្រះវិហារ​ត្រូវ​បាន​គណៈកម្មាធិការ​បេតិកភណ្ឌ​ពិភពលោក​បាន​ សម្រេច​ដាក់​បញ្ចូល​ទៅ​ក្នុង​បញ្ជី​បេតិកភណ្ឌ​ពិភពលោក​កាល​ពី​ខែ​កក្កដា ឆ្នាំ​២០០៨។ បន្ទាប់​មក​នៅ​ថ្ងៃ​ទី​១៥ ខែ​កក្កដា​ដដែល​នោះ កង​ទាហាន​ឈុត​ខ្មៅ​ថៃ​រាប់​រយ​នាក់​បាន​ចូល​មក​លុកលុយ​ទី​វត្ត​ខ្មែរ​ជិត​ តំបន់​ប្រាសាទ​ព្រះវិហារ នាំ​ឲ្យ​មាន​ការ​ប្រឈម​មុខ​ដាក់​គ្នា​រវាង​កង​ទ័ព​ខ្មែរ​ថៃ​មក​ទល់​ បច្ចុប្បន្ន។

ជាមួយ​គ្នា​នេះ​លោក​នាយក​រដ្ឋមន្រ្តី ហ៊ុន សែន តែងតែ​ព្រមាន​រដ្ឋាភិបាល​ថៃ​ជា​បន្ត​បន្ទាប់ ដោយ​ចង់​ប្តឹង​ទៅ​ក្រុមប្រឹក្សា​សន្តិសុខ​អង្គការ​សហ​ប្រជាជាតិ​អំពី​បញ្ហា​ ក្រោយ​ពេល​មាន​ការ​ចរចា​មិន​បាន​ទទួល​ជោគជ័យ ក្នុង​ការ​ដក​កង​ទ័ព​ថៃ​ចេញ​ពី​តំបន់​ប្រាសាទ​ព្រះវិហារ​របស់​ខ្មែរ៕

J'ai reçue des commentaires sur le Yahoo,dans Questions et Réponses:

De la boue naissent les plus belles choses, qui retournent ensuite à la boue. La nature n'est qu'un éternel recommencement.

Et le bucheron est très profond aussi. Merci
Ab ovo usque and mala

J'ai reçue des commentaires sur le Yahoo, dans Questions et Réponses :

bonsoir

Dans le symbolisme bouddhique, le lotus représente la pureté du corps, de la parole et de l'esprit, comme flottant au-dessus des eaux boueuses de l'attachement et du désir. Le Bouddha est souvent représenté assis sur une feuille ou un bouton de lotus géant. Selon la légende, il serait né avec la capacité de marcher et partout où il mettait le pied, des fleurs de lotus s'épanouissaient
Dadou.

J'ai rLe lotus, symbole de la réalisation de l'être...

La réalisation des possibilités de l'être est souvent symbolisée par l'épanouissement d'une fleur à la surface des “Eaux”. Il s'agit des “Eaux primordiales” qui renferment, dans leur unité première et originelle, toutes les possibilités de réalisation. Cette fleur est habituellement un lotus en Orient, une rose ou un lis en Occident...

La fleur en général et le lotus en particulier sont des symboles de l'accomplissement spirituel de l'être, depuis les profondeurs obscures associées aux “Eaux inférieures” jusqu'à la floraison complète dans la pleine lumière des “Eaux supérieures”. Cet accomplissement émane de la semence (germe premier ou Oeuf du Monde), s'ouvre sous la forme de bouton (éclosion de l'Oeuf) et s'épanouit à la pleine floraison.

La fleur incarne le principe féminin ou passif de la manifestation qui l'assimile à un réceptacle, une coupe, un vase recevant l'influence du principe masculin ou actif. Cette distinction entre principes passif et actif se retrouve dans les différentes formes traditionnelles: Prakriti/Purusha en Inde, yin/yang en Chine, féminin/masculin en Occident. De l'union de ces deux principes naissent la manifestation de l'être et de toutes ses possibilités de réalisation dans toute forme traditionnelle.

Dans nombre de représentations, le Bouddha se tient au milieu d'un lotus à huit pétales. Il est assis sur le moyeu immobile d'une roue à huit rayons qui symbolisent les huit points cardinaux et intermédiaires représentatifs de la manifestation dans toute sa plénitude. Une roue qui évoque les représentations stylisées du lotus ou de la “rouelle celtique”, symboles de la manifestation du monde (circonférence) unie à son Principe immobile (centre).

Le Lotus éclos avec le lever du soleil, et se referme la nuit, de façon similaire, nos esprits s'ouvrent et s'épanouissent avec la lumière de la connaissance. Le Lotus pousse même dans des endroits boueux et reste magnifique et pur malgré son environnement, ce qui rappel aux bouddhisme de demeuré pur et calme dans toutes circonstances.
Sources :
Diplôme en psychologie social et religieux.eçue des commentaires sur le Yahoo,dans Questions et Réponses :

Spirit in the sky .