កម្ពុជា​គ្រោង​ប្ដឹង​ទៅ​តុលាការ​អន្តរជាតិ​ពី​រឿង​ប្រាសាទ​ព្រះវិហារ

http://www.rfa.org/khmer/indepth/cam_ ... rdict-02172011054017.html
ដោយ សុខ សេរី
2011-02-17

រដ្ឋាភិបាល​កម្ពុជា មាន​ផែនការ​ផ្ញើ​ពាក្យ​បណ្ដឹង​ជា​ផ្លូវការ​ទៅ​តុលាការ​យុត្តិធម៌​អន្តរជាតិ នៅ​ក្នុង​ទីក្រុង​ទ្បាអេ ប្រទេស​ហុល្លង់ នៅ​ពេល​ខាង​មុខ​ឆាប់ៗ​នេះ ដើម្បី​ឲ្យ​តុលាការ​នេះ​ជួយ​បក​ស្រាយ និង​ពន្យល់​អំពី​សាលក្រម​កាល​ពី​ឆ្នាំ​១៩៦២ ដែល​បាន​កាត់​ក្ដី​ឲ្យ​កម្ពុជា ឈ្នះ​ក្ដី​ទល់​នឹង​ភាគី​ថៃ លើ​សំណុំ​រឿង​ប្រាសាទ​ព្រះវិហារ កន្លង​មក។

ពាក្យ​បណ្ដឹង​នេះ កំពុង​ត្រូវ​បាន​អ្នក​ច្បាប់​របស់​រដ្ឋាភិបាល​កម្ពុជា កំពុង​តែ​រៀបចំ​ចងក្រង និង​ផ្ញើ​ទៅ​តុលាការ​យុត្តិធម៌​អន្តរជាតិ នៅ​ក្រោយ​ពី​កិច្ចប្រជុំ​ថ្នាក់​រដ្ឋមន្ត្រី​ការបរទេស​អាស៊ាន នៅ​ទី​២២ ខែ​កុម្ភៈ នៅ​ក្នុង​ប្រទេស​ឥណ្ឌូណេស៊ី បាន​ឈាន​ដល់​ទី​បញ្ចប់​ខាង​មុខ​នេះ។

លោក​នាយករដ្ឋមន្ត្រី ហ៊ុន សែន ប្រទេស​កម្ពុជា បាន​មាន​ប្រសាសន៍​នៅ​ក្នុង​សន្និសីទ​កាសែត នៅ​ថ្ងៃ​ទី​១៧ ខែ​កុម្ភៈ នៅ​ឯ​វិមាន​សន្តិភាព​នៅ​ក្នុង​ទីក្រុង​ភ្នំពេញ​ថា កម្ពុជា​មិន​សុំ​ឲ្យ​តុលាការ​យុត្តិធម៌​អន្តរជាតិ​នេះ កាត់​ក្ដី​ជា​ថ្មី​ទេ ប៉ុន្តែ​សុំ​ឲ្យ​បក​ស្រាយ​សាលក្រម ឆ្នាំ​១៩៦២។

លោក​នាយករដ្ឋមន្ត្រី​បាន​ថ្លែង​ថា ៖ «ខាង​ភាគី​ថៃ​ថា បាន​ត្រៀម​ខ្លួន​ហើយ​ដែរ។ បើ​យើង​ធ្វើ​យ៉ាង​ដូច្នេះ​វា​ស្រួល កម្ពុជា​ក៏​ស្រួល ថៃ​ក៏​ស្រួល​ក្នុង​ផ្នែក​រាជរដ្ឋាភិបាល។ ឥឡូវ​ឧទាហរណ៍​ថា គេ​បក​ស្រាយ​ទៅ​ថា ហ្នឹង​ជា​ដី​របស់​ថៃ យើង​សុខ​ចិត្ត​ចេញ​ថា ហ្នឹង​ដី​របស់​ថៃ ហើយ​បើ​សិន​គេ​បកស្រាយ​ថា ហ្នឹង​ជា​ដី​កម្ពុជា អា​ហ្នឹង​ត្រូវ​កម្ពុជា​យក»។

លោក ហ៊ុន សែន បាន​ប្រកាស​ឲ្យ​ដឹង​ដូច្នេះ គឺ​ក្រោយ​ពេល​ដែល​លោក​បាន​ជួប​ជាមួយ​ឧបនាយករដ្ឋមន្ត្រី​ថៃ លោក ត្រៃរុង ស៊ូវ៉ាន់គិរី (Trairong Suwankiri) ដែល​មក​បំពេញ​ទស្សនកិច្ច​នៅ​ក្នុង​ប្រទេស​កម្ពុជា នៅ​ថ្ងៃ​ទី​១៧ ខែ​កុម្ភៈ ដើម្បី​មក​ចូល​រួម​ពិធី​តាំង​ពិព័រណ៍​ពាណិជ្ជកម្ម​រវាង​កម្ពុជា-​ថៃ នៅ​មជ្ឈមណ្ឌល​ពាណិជ្ជកម្ម​កោះ​ពេជ្រ នៅ​ក្នុង​ទីក្រុង​ភ្នំពេញ។

អ្នក​វិភាគ​នយោបាយ​នៅ​ក្នុង​ប្រទេស​កម្ពុជា លោក​បណ្ឌិត សុខ ទូច បាន​មាន​ប្រសាសន៍​ថា នេះ​ជា​ជម្រើស​ថ្មី​មួយ​ដែល​ល្អ​សម្រាប់​កម្ពុជា ៖ «ដូច្នេះ ​យក​អា​ហ្នឹង​បក​ស្រាយ​មក​វិញ​មក ហើយ​យើង​យក​គោលការណ៍​មក​អនុវត្ត អា​ហ្នឹង​ជោគជ័យ​តែម្ដង ពីព្រោះ​យើង​ដឹង​ហើយ​ថា គ្មាន​ប្រទេស​ណា​ដែល​មិន​រក​ផល​ចំណេញ​ឲ្យ​ប្រទេស​ខ្លួន​ទេ»។

ឯកសារ​របស់​រាជបណ្ឌិត​សភា​ប្រទេស​កម្ពុជា ដែល​បាន​ចងក្រង​សំណុំ​រឿង​ប្រាសាទ​ព្រះវិហារ បាន​ចែង​ថា តុលាការ​យុត្តិធម៌​អន្តរជាតិ​បាន​ជម្រះ​រឿង​ក្ដី​នៅ​ថ្ងៃ​ទី​១៥ ខែ​មិថុនា ឆ្នាំ​១៩៦២ សម្រេច​ឲ្យ​ខ្មែរ​បាន​ទទួល​ជ័យជម្នះ​ក្នុង​រឿង​ក្ដី​នេះ។ ដំបូង​ប្រទេស​ថៃ បាន​បដិសេធ​ចំពោះ​សាលក្រម​នេះ។ ប៉ុន្តែ​នៅ​ទី​បញ្ចប់ នៅ​ថ្ងៃ​ទី​២១ ខែ​មិថុនា ឆ្នាំ​១៩៦២ លោក​សេនា​ប្រមុខ សារិត ថាណារ័ត្ន (Sarit Thanarat) បាន​ថ្លែង​ថា ប្រទេស​របស់​លោក​លំឱនកាយ​ទទួល​សេចក្ដី​សម្រេច​របស់​តុលាការ​អន្តរជាតិ ដើម្បី​គោរព​តាម​កិច្ចសន្យា​ធម្មនុញ្ញ​សហប្រជាជាតិ។

ការ​ប្ដឹង​ទៅ​តុលាការ​យុត្តិធម៌​អន្តរជាតិ ត្រូវ​បាន​មេដឹកនាំ​ប្រទេស​កម្ពុជា លោក ហ៊ុន សែន បាន​ពណ៌នា​ថា គឺ​ជា​ជម្រើស ឬ​ច្រក​មួយ​ទៀត ក្រោយ​ពី​ការ​ប្ដឹង​ទៅ​ក្រុមប្រឹក្សា​សន្តិសុខ​អង្គការ​សហប្រជាជាតិ និង​សមាគម​អាស៊ាន ជា​ភាគី​ទី​៣ ដើម្បី​ដោះស្រាយ​ចំពោះ​អ្វី​ដែល​កម្ពុជា បាន​ចោទ​ថា ជា​ការ​ឈ្លានពាន​របស់​កងទ័ព​ថៃ៕

នាយករដ្ឋមន្ត្រី​​​ជំរុញ​ឲ្យ​ថៃ​ចុះ​ហត្ថលេខា​លើ​កិច្ច​ព្រមព្រៀង​ឈប់​បាញ់

http://www.rfa.org/khmer/indepth/kh_p ... ement-02172011034441.html

ដោយ សុខ សេរី
2011-02-17

លោក​នាយករដ្ឋមន្ត្រី ហ៊ុន សែន នៅ​ថ្ងៃ​១៧ កុម្ភៈ បាន​ទទូច​សុំ​ឲ្យ​ភាគី​ថៃ ចូល​រួម​ចុះ​ហត្ថលេខា​ជាមួយ​ភាគី​កម្ពុជា ដោយ​មាន​ភាគី​ទី​៣ ចូល​រួម​លើ​កិច្ច​ព្រមព្រៀង​ឈប់​បាញ់​ជា​អចិន្ត្រៃយ៍ តាម​សេចក្ដី​សម្រេច​របស់​ក្រុមប្រឹក្សាសន្តិសុខ​របស់​អង្គការ​សហ​ប្រជាជាតិ ដែល​បាន​ធ្វើ​ឡើង​កាល​ពី​ថ្ងៃ​ទី​១៤ ខែ​កុម្ភៈ កន្លង​ទៅ​នេះ នៅ​ក្នុង​ទីក្រុង​ញូវយ៉ក សហរដ្ឋ​អាមេរិក។

រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង និង​រដ្ឋមន្ត្រី​ក្រសួង​ការបរទេស​ថៃ លោក កាស៊ិត ភីរម្យ (Kasit Piromya) គ្រោង​នឹង​ទៅ​ចូល​រួម​នៅ​ក្នុង​កិច្ច​ប្រជុំ​ជា​បន្ទាន់​មួយ​ថ្នាក់​ រដ្ឋមន្ត្រី​ការបរទេស​អាស៊ាន នៅ​ក្នុង​ទីក្រុង​ហ្សាកាតា (Jakarta) ប្រទេស​ឥណ្ឌូណេស៊ី នៅ​ថ្ងៃ​ទី​២២ ខែ​កុម្ភៈ សប្ដាហ៍​ក្រោយ​នេះ តាម​សំណើ​របស់​កម្ពុជា។

រដ្ឋមន្ត្រី​ក្រសួង​ការបរទេស​ឥណ្ឌូណេស៊ី លោក ម៉ាទី ណាតាទ្បេហ្គាវ៉ា (Marty Natalegawa) កំពុង​ស្ថិត​នៅ​ក្នុង​វេន​ធ្វើ​ជា​ប្រធាន​របស់​សមាគម​អាស៊ាន នៅ​ពេល​នេះ។

លោក​នាយករដ្ឋមន្ត្រី ហ៊ុន សែន ប្រទេស​កម្ពុជា នៅ​ក្នុង​សន្និសីទ​កាសែត​រយៈពេល​ជិត ២​ម៉ោង​នៅ​ឯ​វិមាន​សន្តិភាព​នៅ​ក្នុង​ទីក្រុង​ភ្នំពេញ នៅ​ថ្ងៃ​ទី​១៧ ខែ​កុម្ភៈ បាន​មាន​ប្រសាសន៍​ថា ភាគី​ថៃ ត្រូវ​តែ​មាន​ឆន្ទៈ​ក្លាហាន​ចូល​រួម​ចុះ​ហត្ថលេខា​លើ​កិច្ច​ព្រមព្រៀង​ឈប់​ បាញ់​ជា​អនាចិន្ត្រៃយ​នេះ។

លោក ហ៊ុន សែន បាន​ថ្លែង​ដូច្នេះ ៖ «មួយ​ចោទ​ថា មួយ​បាញ់​មុន ខាង​ណេះ​ចោទ​ថា ខាង​ណោះ ខាង​ណោះ​ចោទ​ថា ខាង​ណេះ។ អ៊ីចឹង​សុំ​កុំ​ខ្លាច​ហៅ​អ្នក​ទី​៣ មក​ពិនិត្យ។ ខ្ញុំ​ប៉ាន់​ស្មាន​ទុក​ជា​មុន ភាគី​ថៃ នឹង​មិន​ព្រម​លើ​ចំណុច​ទី​៤​នេះ​ទេ ប៉ុន្តែ​ខ្ញុំ​សុំ​ប្រកាស​ទុក​មុន​ឲ្យ​ហើយ បើ​ភាគី​ថៃ មិន​ព្រម​លើ​ចំណុច​ទី​៤ ឲ្យ​មាន​ការ​ត្រួត​ពិនិត្យ​បទ​ឈប់​បាញ់​ដោយ​បណ្ដា​ប្រទេស​អាស៊ាន កម្ពុជា​សូម​ស្វាគមន៍​ទទួល​យក​កងទ័ព​នៃ​បណ្ដា​ប្រទេស​អាស៊ាន មក​នៅ​លើ​ទឹក​ដី​របស់​ខ្លួន​តែ​ម្នាក់​ឯង​ជា​ឯកតោ​ភាគី ដើម្បី​ឲ្យ​គេ​មក​ធ្វើ​ជា​ប៉ូលិស​ត្រួត​ពិនិត្យ​កងទ័ព​កម្ពុជា»។

កិច្ច​ព្រមព្រៀង​នោះ គឺ​បាន​ផ្ដួចផ្ដើម​ចេញ​ពី​ភាគី​កម្ពុជា ដែល​មាន​ចំណុច​សំខាន់ៗ​ចំនួន​៤ ដូច​ត​ទៅ ៖

ទី​១ ភាគី​កម្ពុជា និង​ថៃ ព្រមព្រៀង​គ្នា​ឈប់​បាញ់​ជា​ស្ថាពរ និង​ជា​អចិន្ត្រៃយ៍ ទី​២ រក្សា​ស្ថានភាព​ដដែល​នៃ​ទីតាំង​ឈរ​ជើង​រៀងៗ​ខ្លួន មិន​ចល័ត​កង​កម្លាំង​យោធា គឺ​រង់ចាំ​ដំណោះស្រាយ​នៃ​ការ​បោះ​បង្គោល​ព្រំដែន​រវាង​កម្ពុជា និង​ថៃ ទី​៣ ភាគី​កម្ពុជា និង​ថៃ លើក​ទឹក​ចិត្ត​ឲ្យ​មេបញ្ជាការ​យោធា​នៅ​សមរភូមិ​ជួរ​មុខ​ពិភាក្សា និង​សហការ​គ្នា ដើម្បី​រក្សា​ស្ថិរភាព​នៅ​ព្រំដែន និង​ទី​៤ ភាគី​កម្ពុជា និង​ថៃ ស្នើ​សុំ​ឲ្យ​ភាគី​ទី​៣ មក​ត្រួត​ពិនិត្យ​បទ​ឈប់​បាញ់ ដែល​មាន​តំណាង​មក​ពី​ប្រទេស​អាស៊ាន ជា​ស៊ីវិល ឬ​យោធា ឬ​នគរបាល ឬ​ជា​ក្រុម​ចម្រុះ លើកលែង​តែ​តំណាង​ប្រទេស​មក​ពី​កម្ពុជា និង​ថៃ ជា​ភាគី​ជម្លោះ។

អ្នក​វិភាគ​នយោបាយ​នៅ​កម្ពុជា លោក​បណ្ឌិត សុខ ទូច បាន​មាន​ប្រសាសន៍​ថា លោក​ពិបាក​ជឿ​លើ​ភាគី​ថៃ ក្នុង​ការ​ទទួល​យក​កិច្ច​ព្រមព្រៀង​នេះ ៖ «ពីព្រោះ ​យើង​មិន​ដឹង​ថា តើ​អ្នក​ណា​ដែល​នៅ​ពី​ក្រោយ​ទីក្រុង​បាងកក ដែល​ជា​អ្នក​ដោះស្រាយ។ យើង​រក​តួ​អង្គ​អត់​ឃើញ ពីព្រោះ​យើង​ដឹង​ហើយ​ថា អាភីស៊ិត និយាយ​ទៅ​តាម​អ្នក​នយោបាយ ហើយ​អ្នក​នៅ​ពី​ក្រោយ​នោះ​គឺ​ស្រមោល​មួយ​ដែល​យើង​ពិបាក​និយាយ»។

ប្រមុខ​រដ្ឋាភិបាល​កម្ពុជា លោក ហ៊ុន សែន បាន​បញ្ជាក់​ថា សេចក្ដី​ព្រាង​នៃ​កិច្ច​ព្រមព្រៀង​នេះ គឺ​រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង កំពុង​តែ​ចងក្រង​ឯកសារ ហើយ​លោក​បាន​ផ្ញើ​សារ​នេះ តាម​រយៈ​ឧបនាយករដ្ឋមន្ត្រី​ថៃ លោក ត្រៃរុង ស៊ូវ៉ាន់គិរី (Trairong Suwankiri) ដែល​មក​ទស្សនកិច្ច​នៅ​កម្ពុជា នៅ​ថ្ងៃ​ទី​១៧ ខែ​កុម្ភៈ​នេះ៕

លោក ហ៊ុន សែន ៖ "គ្មាន​អន្តរាគមន៍​សម្រាប់​ជនជាតិ​ថៃ​២​នាក់​ជាប់​ទោស​នោះ​ទេ"

http://www.khmer.rfi.fr/cambodia/2011 ... 2%80%8B%E1%9E%91%E1%9F%81

កម្ពុជា​-ថៃ -
អត្ថបទចុះ​ផ្សាយ​នៅ​ថ្ងៃ ព្រហស្បតិ៍ 17 កុម្ភៈ 2011 - ព័ត៌មានទើប​កែប្រើ​លើកចុងក្រោយ​ ថ្ងៃ ព្រហស្បតិ៍ 17 កុម្ភៈ 2011

ដោយ លាង ដឺលុច

តុលាការ​កម្ពុជា​បាន​កាត់ទោស​ជនជាតិ​ថៃ​២​នាក់​ពី​បទ​ឆ្លងដែន​ ខុស​ច្បាប់ និង​បទ​ចារកម្ម។ នៅ​ថ្ងៃនេះ​លោក​នាយក​រដ្ឋមន្ត្រី​ ហ៊ុន សែន​ បាន​ប្រកាស​ហើយ​ថា លោក​នឹង​មិន​ធ្វើ​អន្តរាគម​ក្នុង​សំណុំ​រឿង​នេះ​ទេ មុន​ជន​ជាប់​ចោទ​ទាំងពីរ​នាក់​ជាប់​ទោស​២​ភាគ​៣​សិន។ រហូត​ដល់​ពេលនេះ ជនជាតិ​ថៃ​ទាំងពីរ​នាក់​នោះ​នៅ​មិន​ទាន់​ប្តឹង​ឧទ្ធរណ៍​នៅ​ឡើយ​ទេ។


http://telechargement.rfi.fr.edgesuit ... 2/HUNSEN_THAIS_170211.mp3

បើ​ស្តាប់​ប្រសាសន៍​លោក​នាយក​រដ្ឋមន្ត្រី​ខ្មែរ ​ហ៊ុន សែន​ នៅ​ថ្ងៃ​នេះ ក្តីសង្ឃឹម​សម្រាប់​ជនជាតិ​ថៃ​ពីរ​នាក់​ដែល​កំពុង​ជាប់ឃុំ​នៅក្នុង​មន្ទីរ​ ឃុំឃាំង​ព្រៃស​នោះ ថា​នឹង​អាច​មាន​ការ​សម្របសម្រួល​ផ្នែក​ការទូត ឬ​នយោបាយ ដើម្បី​ពួកគេ​អាច​មាន​សេរីភាព​ក្នុង​ពេលឆាប់ៗ​នោះ ទំនង​ជា​មិនមាន​នោះ​ឡើយ។

នៅក្នុង​សន្និសីទ​កាសែត​ដ៏​កម្រ​មួយ​ដែល​ធ្វើ​ដោយ​លោក​នាយក​រដ្ឋមន្ត្រី​ ផ្ទាល់ នៅ​ព្រឹក​ថ្ងៃ​ព្រហស្បតិ៍​១៧​កុម្ភៈ​នេះ ប្រមុខ​រដ្ឋាភិបាល​កម្ពុជា​បាន​រម្លឹក​អំពី​ករណី​ជនជាតិ​ថៃ​២​នាក់​ដែល​បាន​ ជាប់​ក្នុង​ពន្ធនាគារ​ព្រៃស ដោយ​អំណាច​សាលក្រម​សាលា​ដំបូង​រាជធានី​ភ្នំពេញ​ម្នាក់​៨​ឆ្នាំ និង​ម្នាក់​ទៀត​៦​ឆ្នាំ​នោះ ថា​លោក​នឹង​មិន​ទទួល​យក​ការ​បញ្ចុះបញ្ចូល​សុំ​ព្រះរាជ​លើកលែង​ទោស​សម្រាប់​ ជនជាតិ​ថៃ​ទាំងពីរ​នាក់​នេះ​ទេ។ លោក​ ហ៊ុន សែន​ បាន​បញ្ជាក់​ថា ម្តង​នេះ​ត្រូវ​អនុវត្ត​ច្បាប់​ត្រឹមត្រូវ។ ការ​ពិចារណា​អំពី​ការលើកលែង​ទោស​ណា​មួយ​អាច​ធ្វើ​ទៅ​បាន​នោះ សម្រាប់​លោក​នាយក​រដ្ឋមន្ត្រី ជនជាតិ​ថៃ​ទាំងពីរ​នាក់​ត្រូវ​អនុវត្ត​ទោស​២​ភាគ​បី​សិន​តាម​ច្បាប់​សិន។

កាល​ពី​ថ្ងៃ​ទី​១​កុម្ភៈ សាលាដំបូង​រាជធានី​ភ្នំពេញ​បាន​កាត់ទោស​ឈ្មោះ​ វេរ៉ា ស៊ុមខ្វាមឃីត ជា​អគ្គលេខាធិការ​នៃ​បណ្តាញ​ប្រជាជន​ប្រឆាំង​អំពើ​ពុករលួយ ដែល​ជា​សកម្មជន​ក្រុម​ថៃ​អាវលឿង​ម្នាក់​ដែរ​នោះ អោយ​ជាប់​ពន្ធនាគារ​ចំនួន​៨​ឆ្នាំ និង​ពិន័យ​ជា​ប្រាក់​១​លាន​៨​សែន​រៀល និង​ស្ត្រី​ជនជាតិ​ថៃ​ម្នាក់​ទៀត​ជា​អ្នក​កាសែត​ឈ្មោះ រ៉ាត់ទ្រី ប៉ៃម៉ូតាណា ប៉ៃប៊ូន អោយ​ជាប់​ពន្ធនាគារ​៦​ឆ្នាំ និង​ពិន័យ​ប្រាក់​១​លាន​២​សែន​រៀល។ អ្នក​ទាំងពីរ​ត្រូវ​បាន​កាត់ទោស​ពី​បទ​ឆ្លងដែន​ខុស​ច្បាប់​ចូល​ទឹកដី​ កម្ពុជា​កាល​ពី​ថ្ងៃ​ទី​២៩​ធ្នូ ចូល​ក្នុង​ទីលាន​យោធា​ក្នុង​បំណង​ទុច្ចរិត និង​បទ​ធ្វើ​ចារកម្ម។

យោងតាម​ការ​អះអាង​របស់​លោក​ ប៉ិច វិច្ឆិកា ដែល​ជា​មេធាវី​របស់​ជនជាតិ​ថៃ​ទាំងពីរ​នេះ រហូត​ដល់​ពេល​នេះ កូនក្តី​របស់​លោក​នៅ​មិនទាន់​សម្រេច​ដាក់​បណ្តឹង​ឧទ្ធរណ៍​ជំទាស់​សាលក្រម​ សាលា​ដំបូង​រាជធានី​ភ្នំពេញ​នៅឡើយ​ទេ៕

Bonjour,

Veuillez trouver ci-joint la déclaration de SE Vice Premier Ministre HOR Nam Hong au Conseil de Sécurité de l'ONU.

Voila !

Attach file:

---

discours de SE HOR NAM HONG - KHM.pdf Size: 0.00 KB; Hits: 23
Discours de SE HOR NAM HONG -ENG.pdf Size: 0.00 KB; Hits: 15

ថៃ​ច្រាន​ចោល​សំណើ​របស់​កម្ពុជា​លើ​កិច្ចព្រមព្រៀង​ឈប់បាញ់

http://www.khmer.rfi.fr/Thai%20refuse ... reement%20with%20cambodia
កម្ពុជា -
អត្ថបទចុះ​ផ្សាយ​នៅ​ថ្ងៃ សុក្រ 18 កុម្ភៈ 2011 - ព័ត៌មានទើប​កែប្រើ​លើកចុងក្រោយ​ ថ្ងៃ សុក្រ 18 កុម្ភៈ 2011

ដោយ លី ម៉េងហួរ

ទី​បំផុត​ទៅ លោកនាយក​រដ្ឋមន្ត្រី​ថៃ អាភិស៊ីត វេចា​ជីវ៉ា បាន​ច្រានចោល​នូវ​សំណើ​របស់​កម្ពុជា លើ​កិច្ចព្រមព្រៀង​ឈប់​បាញ់ នៅ​តំបន់​ព្រំដែន​ព្រះវិហារ។ តាម​លោកនាយក​រដ្ឋមន្ត្រី​ថៃ វា​លឿន​ពេក​ក្នុង​ការនិយាយ​ពី​ចំណាត់ការ​ណាមួយ​លើ​ជម្លោះ​ព្រំដែន​រវាង​ កម្ពុជា និង​ថៃ។កាលពីថ្ងៃព្រហស្បតិ៍ លោកហ៊ុន សែន នាយករដ្ឋមន្រ្តីកម្ពុជា បានលើកឡើងថា កម្ពុជា នឹង ស្នើ​ឲ្យ​មាន​​ការចុះ​ហត្ថលេខា​លើ​កិច្ច​ព្រមព្រៀង ៤​ចំណុច​ស្តីពី​បទ​ឈប់បាញ់​ជា​ស្ថាពរ និង​ជា​អចិន្ត្រៃយ៍ នៅ​ព្រំដែន​កម្ពុជា-ថៃ។

http://telechargement.rfi.fr.edgesuit ... ire_Aggreement_180211.mp3

ការបដិសេធ​ដូច្នេះ បាន​ធ្វើឡើង​ភ្លាមៗ តប​នឹង​លោកនាយក​រដ្ឋមន្ត្រី ហ៊ុន សែន បាន​លើកឡើង​នូវ​ជំហរ​របស់​កម្ពុជា​លើ​បទ​ឈប់​បាញ់ ស្របតាម​សេចក្តីប្រកាស​របស់​ក្រុមប្រឹក្សាសន្តិសុខ​អង្គការសហប្រជាជាតិ។ កាលពី​ថ្ងៃ​ព្រហស្បតិ៍ ទី​១៧​កុម្ភៈ ឆ្នាំ​២០១១ លោក​ប្រមុខ​រដ្ឋាភិបាល ហ៊ុន សែន បាន​លើកឡើង​ថា នៅក្នុង​កិច្ចប្រជុំ​រដ្ឋមន្ត្រីការបរទេស​អាស៊ាន ថ្ងៃ​២២​កុម្ភៈ​ខាង​មុខ នៅ​ទីក្រុង​ហ្សាកាតា កម្ពុជា​នឹង​ស្នើ​ឲ្យមាន​ការចុះហត្ថលេខា​លើ​កិច្ច​ព្រមព្រៀង ៤ ចំណុច ស្តីពី បទ​ឈប់​បាញ់​ជា​ស្ថាពរ និង​ជា​អចិន្ត្រៃយ៍ នៅ​ព្រំដែន​កម្ពុជា-ថៃ។ កិច្ចព្រមព្រៀង​នោះ នឹងត្រូវ​ចុះហត្ថលេខា រវាង​រដ្ឋមន្ត្រី​ការបរទេស​កម្ពុជា និង​ថៃ ដោយ​មាន​អាស៊ាន​ជា​សាក្សី។

ក៏​ប៉ុន្តែ​នៅ​ថ្ងៃ​១៨​កុម្ភៈ​នេះ លោកនាយក​រដ្ឋមន្ត្រី​ថៃ អាប់​ភិស៊ី​ត បាន​ថ្លែង​តាម​កាសែត​ថៃ បាងកក​ប៉ុស្តិ៍ ថា វា​លឿន​ពេក​ក្នុង​ការការនិយាយ​ពី​ការចុះ​កិច្ចព្រមព្រៀង​ណាមួយ លើ​ជម្លោះ​ព្រំដែន​រវាង​កម្ពុជា និង​ថៃ។ ម្យ៉ាងទៀត​សំណើ​របស់​លោកនាយក​រដ្ឋមន្ត្រី ហ៊ុន សែន នៅតែ​មិន​ទាន់​ច្បាស់លាស់​នៅឡើយ។

លោកនាយក​រដ្ឋមន្ត្រី​ថៃ បានបញ្ជាក់​ថា អាស៊ាន​មិន​មាន​តួនាទី​លូកដៃ​ក្នុង​បញ្ហា​ជម្លោះ​ព្រំដែន​កម្ពុជា និង​ថៃ​ឡើយ។ ជម្លោះ​ព្រំដែន ដែល​ត្រូវ​ពិភាក្សា​ដោយ​ថៃ និង​កម្ពុជា។

ការបដិសេធ​របស់​នាយក​រដ្ឋមន្ត្រី​ថៃ លើ​សំណើ​ឲ្យមាន​ការចុះហត្ថលេខា​លើ​កិច្ច​ព្រមព្រៀង​ឈប់បាញ់​នេះ ត្រូវបាន​លោក កុយ គួង អ្នកនាំពាក្យ​ក្រសួងការបរទេស​កម្ពុជា ចាត់ទុក​ថា ភាគី​ថៃ នៅ​ល្មោភ​សង្គ្រាម និង​ចិញ្ចឹម​គំនិត​ឈ្លានពាន​ទឹកដី​កម្ពុជា។ ថៃ​ក៏​រំលោភ​លើ​អនុសាសន៍​របស់​ក្រុមប្រឹក្សា​សន្តិសុខ​អង្គការ​សហប្រជាជាតិ ដែល​ចង់ឲ្យ​មាន​ការឈប់បាញ់​ជា​អចិន្ត្រៃយ៍​នៅ​ព្រំដែន​កម្ពុជា-ថៃ។ ម្យ៉ាងទៀត ការ​ដែល​ថៃ​បដិសេធ មិន​ចង់ឲ្យ​មាន​អ្នកសង្កេតការណ៍ ឬ​អ្នកត្រួតពិនិត្យ​បទ​ឈប់​បាញ់ របស់​អាស៊ាន ចូលរួម​ក្នុង​ជម្លោះ ក៏​បង្ហាញ​ថា ថៃ​ចង់​បិទបាំង​នូវ​ពុតត្បុត​អាក្រក់​របស់​ខ្លួន ចំពោះ​ការឈ្លានពាន​លើ​កម្ពុជា ហើយ​ចោទ​ថា កម្ពុជា​ជា​អ្នកបាញ់​មុន​ទៅវិញ។

នៅថ្ងៃនេះ កាសែត​ថៃ ក៏​បាន​រាយការណ៍​ថា កងកម្លាំងប្រដាប់​អាវុធ​ភូមិន្ទ​ថៃ បានអនុម័ត​ប្រើ​ផែនការ​ការពារ​ជាតិ ដែល​មានឈ្មោះ​ថា Chakrabongse Bhuvanart។ យុទ្ធសាស្ត្រ​ថ្មី​របស់​ថៃ​ត្រូវ​ដាក់​ពង្រាយ​កងកម្លាំង​ជើងគោក ជើង​ទឹក និង​ទ័ពអាកាស​ថៃ តាម​បណ្តោយ​ព្រំដែន​កម្ពុជា ចាប់​ពី​ខេត្ត​ស៊ីសាកេត ច័ន្ទបូរី និង​ខេត្ត​ត្រាត របស់​ថៃ ជាប់​នឹង​ព្រំដែន​ខេត្តព្រះវិហារ រហូតដល់​ខេត្ត​កោះកុង របស់​កម្ពុជា។

ក្នុង​ផែនការ​នោះ ទាហាន​ថៃ​ប្រមាណ ១៥.០០០ នាក់ នឹង​ត្រូវ​កេណ្ឌ ដាក់ពង្រាយ​នៅ​ជិត​តំបន់ ដែល​ហៅថា ៤,៦ គីឡូម៉ែត្រ​ការ៉េ ជុំវិញ​ប្រាសាទ​ព្រះវិហារ។ ចំណែក​កងជើង​ទឹក ២៣.០០០ នាក់ រួម​ទាំង​កងទ័ពអាកាស​ថៃ​ជាច្រើន​នាក់​ទៀត ក៏​នឹង​ត្រូវ​ដាក់​ពង្រាយ​តាម​បណ្តោយ​ព្រំដែន​កម្ពុជា ជាមួយនឹង​យន្តហោះ​ចម្បាំង F 16 របស់​ថៃ។

ក៏ប៉ុន្តែ​ផែនការ​ពង្រាយ​កងទ័ព​ថៃ តាម​បណ្តោយ​ព្រំដែន​កម្ពុជា ត្រូវបាន​លោក កុយ គួង អ្នកនាំពាក្យ​ក្រសួងការបរទេស​កម្ពុជា ចាត់ទុកថា ជា​ភស្ថុតាង បង្ហាញ​ច្បាស់​ពី​ភាព​ល្មោភ​សង្គ្រាម​របស់​ថៃ។ ផែនការ​នោះ ក៏​ជា​ការបំពាន​សេចក្តីប្រកាស​របស់​ក្រុមប្រឹក្សាសន្តិសុខ​ អង្គការសហប្រជាជាតិ​ផងដែរ។

យ៉ាងណាក៏ដោយ ក្រសួងការបរទេស​កម្ពុជា នៅ​ថ្ងៃ​១៨​កុម្ភៈ​នេះ បាន​ប្រកាស​ជា​ផ្លូវការ​ថា លោក​ប្រមុខ​ការទូត ហោ ណាំហុង នឹង​ទៅ​ចូលរួម​កិច្ចប្រជុំ​រដ្ឋមន្ត្រីការបរទេស​អាស៊ាន ក្រៅផ្លូវការ នា​ថ្ងៃ​អង្គារ​សប្តាហ៍​ក្រោយ តប​តាម​ការកោះប្រជុំ​របស់​រដ្ឋមន្ត្រីការបរទេស​ឥណ្ឌូនេស៊ី ក្នុងនាម​ជា​ប្រធាន​អាស៊ាន​ផ្លាស់​វេន។ កិច្ចប្រជុំ​នៅ​ទីក្រុង​ហ្សាកាតា នឹង​ផ្តោត​ជា​សំខាន់​ទៅលើ​ការផ្លាស់ប្តូរ​ទស្សនវិស័យ​អំពី​បញ្ហា​អន្តរជាតិ និង​ក្នុង​តំបន់ ជាពិសេស​ផ្តោតលើ​ស្ថានភាព​នៅ​តាម​ព្រំដែន​រវាង​ប្រទេស​កម្ពុជា និង​ប្រទេស​ថៃ៕

កម្ពុជា​រក្សា​ជំហរ​ដាក់​សំណើ​៤​ចំណុច​ទៅ​ក្នុង​កិច្ច​ប្រជុំ​អាស៊ាន

http://www.rfa.org/khmer/indepth/cam_ ... asean-02182011054830.html

ដោយ ដែន អយុធ្យា, 2011-02-18

មន្ត្រី​ក្រសួង​ការបរទេស​កម្ពុជា បាន​អះអាង​ថា ប្រទេស​កម្ពុជា នឹង​នៅ​តែ​រក្សា​ជំហរ​ដាក់​សំណើ ៤​ចំណុច​ចូល​ទៅ​ក្នុង​​​កិច្ច​ប្រជុំ​រដ្ឋមន្ត្រី​ការបរទេស​អាស៊ាន នៅ​ទីក្រុង​ហ្សាកាតា នៅ​ថ្ងៃ​ទី​២២ ខែ​កុម្ភៈ ដើម្បី​បញ្ចប់​ការ​ផ្ទុះ​អាវុធ​ក្នុង​ជម្លោះ​ព្រំដែន​កម្ពុជា-​ថៃ តំបន់​ប្រាសាទ​ព្រះវិហារ បើ​ទោះ​ជា​ប្រទេស​​​ថៃ បាន​បដិសេធ​បែប​ណា​​ក្ដី។

លោក កុយ គួង មន្ត្រី​នាំ​ពាក្យ​ក្រសួង​ការបរទេស​កម្ពុជា បាន​ផ្ដល់​បទសម្ភាសន៍​ឲ្យ​វិទ្យុ​អាស៊ីសេរី ដឹង​នៅ​រសៀល​ថ្ងៃ​ទី​១៨ ខែ​កុម្ភៈ​ថា កម្ពុជា​បាន​រក្សា​ជំហរ​ទាំង ៤​ចំណុច​​ដែល​លោក​នាយករដ្ឋមន្ត្រី ហ៊ុន សែន បាន​លើក​ឡើង​កាល​ពី​ថ្ងៃ​ទី​១៧ ខែ​កុម្ភៈ ស្ដី​ពី​បទ​ឈប់​បាញ់​នៅ​តំបន់​មាន​ជម្លោះ​ប្រាសាទ​ព្រះវិហារ​​ឲ្យ​នៅ​ដដែល។

លោក​ថា លោក អាភីស៊ិត វេតឆាឈីវ៉ាក់ (Abhisit Vejjajiva) នាយករដ្ឋមន្ត្រី​ថៃ គ្មាន​ហេតុផល​ណា​មួយ​ដែល​បដិសេធ​ចំពោះ​កិច្ចព្រមព្រៀង​លើ​បទ​ឈប់​បាញ់ ផ្ដើម​ដោយ​ប្រមុខ​ដឹកនាំ​រដ្ឋាភិបាល​កម្ពុជា​នោះ​ទេ បើ​ប្រទេស​​ថៃ មិន​បាន​នាំ​មុខ​ក្នុង​ការ​ផ្ទុះ​អាវុធ​នៅ​តំបន់​ជម្លោះ​តាម​ព្រំដែន​នោះ។

លោក កុយ គួង បញ្ជាក់​បន្ថែម​ដូច្នេះ ៖ «អាភីស៊ិត គាត់​ថា វា​មិន​ទាន់​ដល់​ពេល​ចុះ​កិច្ច​ព្រមព្រៀង​បទ​ឈប់​បាញ់​ជា​អចិន្ត្រៃយ៍​ទេ ហើយ​គាត់​តែង​លើក​ឡើង​ថា ទាហាន​ថៃ មិន​មែន​ជា​អ្នក​បាញ់​មុន​ទេ ចង់​​ចោទ​កម្ពុជា​ទេ​ជា​អ្នក​បាញ់​មុន ហើយ​គាត់​បដិសេធ​រឿង​អ្នក​សង្កេតការណ៍ និង​អ្នក​តាមដាន​របស់​ប្រទេស​អាស៊ាន​ទៀត ដើម្បី​បញ្ជាក់​ពី​បទ​ឈប់​បាញ់​នោះ។ ត្រង់​ចំណុច​ប៉ុន្មាន គឺ​ការ​លើក​ឡើង​របស់​លោក អាភីស៊ិត គឺ​មិន​សម​ហេតុ​ផល​ទាល់​តែ​សោះ។ បើ​គាត់​យល់​ថា ទាហាន​ថៃ មិន​មែន​ជា​អ្នក​បាញ់​មុន ដោយ​ចោទ​ថា កងទ័ព​កម្ពុជា ជា​អ្នក​បង្ក​មុន ហេតុ​អី​បាន​ជា​គាត់​បដិសេធ​ចំពោះ​កិច្ច​ព្រមព្រៀង​ពី​បទ​ឈប់​បាញ់​ជា​ អចិន្ត្រៃយ៍​នេះ? នេះ​ចំណុច​ទី​១ ហើយ​បើ​គាត់​យល់​ថា ទាហាន​គាត់​ជា​អ្នក​បាញ់​ក្រោយ កម្ពុជា​ជា​អ្នក​បាញ់​មុន ហេតុ​ម៉េច​បាន​ជា​គាត់​ខ្លាច​អ្នក​សង្កេតការណ៍​អាស៊ាន ដើម្បី​គេ​មក​ពិនិត្យ​ផ្ទៀងផ្ទាត់​ថា តើ​អ្នក​ណា​បង្ក​បាញ់​ទៅ​លើ​អ្នក​ណា​មុន​នោះ? ចំណុច​អស់​នោះ​វា​អត់​សម​ហេតុ​ផល​ទាល់​តែ​សោះ។ នេះ​ជា​ចំណុច​បញ្ជាក់​ពី​ភាព​ក្រឡេចក្រឡុច​របស់​នាយករដ្ឋមន្ត្រី​ថៃ អាភីស៊ិត នេះ»។

លោក​នាយករដ្ឋមន្ត្រី ហ៊ុន សែន កាល​ពី​ថ្ងៃ​ទី​១៨ ខែ​កុម្ភៈ បាន​ធ្វើ​សន្និសីទ​កាសែត​នៅ​វិមាន​សន្តិភាព​នៃ​គណៈរដ្ឋមន្ត្រី​ទីក្រុង​ ភ្នំពេញ បាន​លើក​ឡើង​នូវ​ជំហរ ៤​ចំណុច ដើម្បី​ត្រៀម​ដាក់​ចូល​ទៅ​ក្នុង​កិច្ច​ប្រជុំ​ជាមួយ​រដ្ឋមន្ត្រី​ការបរទេស​ អាស៊ាន នៅ​ថ្ងៃ​ទី​២២ ខែ​កុម្ភៈ នា​ប្រទេស​ឥណ្ឌូណេស៊ី គឺ​ទី​១ ភាគី​កម្ពុជា និង​ថៃ ព្រមព្រៀង​គ្នា​ឈប់​បាញ់​ជា​ស្ថាពរ និង​ជា​អចិន្ត្រៃយ៍។ ទី​២ រក្សា​ស្ថានភាព​ឲ្យ​នៅ​លើ​ទីតាំង​ឈរ​​ជើង​រៀងៗ​ខ្លួន មិន​ចល័ត​កង​កម្លាំង​យោធា គឺ​រង់ចាំ​ដំណោះស្រាយ​នៃ​ការ​បោះ​បង្គោល​ព្រំដែន​រវាង​កម្ពុជា និង​ថៃ ទី​៣ ភាគី​កម្ពុជា និង​ថៃ លើក​ទឹក​ចិត្ត​ឲ្យ​មេបញ្ជាការ​យោធា​នៅ​សមរភូមិ​ជួរ​មុខ​ពិភាក្សា និង​សហការ​គ្នា ដើម្បី​រក្សា​ស្ថិរភាព​នៅ​ព្រំដែន និង​ទី​៤ ភាគី​កម្ពុជា និង​ថៃ ស្នើ​សុំ​ឲ្យ​ភាគី​ទី​៣ មក​ត្រួត​ពិនិត្យ​បទ​ឈប់​បាញ់ ដែល​មាន​តំណាង​មក​ពី​ប្រទេស​អាស៊ាន ជា​ស៊ីវិល ឬ​យោធា ឬ​នគរបាល ឬ​ជា​ក្រុម​ចម្រុះ លើកលែង​តែ​តំណាង​ប្រទេស​មក​ពី​កម្ពុជា និង​ថៃ ដែល​ជា​ភាគី​ជម្លោះ​ចេញ។

លោក ហ៊ុន សែន បាន​ថ្លែង​ដូច្នេះ ៖ «មួយ​ចោទ​ថា មួយ​បាញ់​មុន ខាង​ណេះ​ចោទ​ថា ខាង​ណោះ ខាង​​ណោះ​ចោទ​ថា ខាង​ណេះ។ អ៊ីចឹង​សុំ​កុំ​ខ្លាច​ហៅ​អ្នក​ទី​៣ មក​ពិនិត្យ។ ខ្ញុំ​ប៉ាន់​ស្មាន​ទុក​ជា​មុន ភាគី​​ថៃ នឹង​មិន​ព្រម​លើ​ចំណុច​ទី​៤​នេះ​ទេ ប៉ុន្តែ​ខ្ញុំ​សុំ​ប្រកាស​ទុក​មុន​ឲ្យ​ហើយ បើ​ភាគី​ថៃ មិន​ព្រម​លើ​ចំណុច​ទី​៤ ឲ្យ​មាន​ការ​ត្រួត​ពិនិត្យ​បទ​ឈប់​បាញ់​ដោយ​បណ្ដា​ប្រទេស​អាស៊ាន កម្ពុជា​សូម​ស្វាគមន៍​ទទួល​​យក​កងទ័ព​នៃ​បណ្ដា​ប្រទេស​អាស៊ាន មក​នៅ​លើ​ទឹក​ដី​របស់​ខ្លួន​តែ​ម្នាក់​ឯង​ជា​ឯកតោ​ភាគី ដើម្បី​​ឲ្យ​គេ​មក​ធ្វើ​ជា​ប៉ូលិស​ត្រួត​ពិនិត្យ​កងទ័ព​កម្ពុជា»។

ទោះ​យ៉ាង​នេះ​ក្ដី លោក អាភីស៊ិត វេតឆាឈីវ៉ាក់ នាយករដ្ឋមន្ត្រី​ថៃ កាល​ពី​ថ្ងៃ​ទី​១៨ ខែ​កុម្ភៈ ត្រូវ​បាន​ប្រព័ន្ធ​ផ្សព្វផ្សាយ​ថៃ ដក​ស្រង​សម្ដី​មក​ចុះ​ផ្សាយ ដោយ​លោក​បាន​ច្រាន​ចោល​ចំពោះ​គំនិត​ផ្ដួចផ្ដើម​លើ​កិច្ចព្រមព្រៀង​ចំនួន ៤​ចំណុច ទាក់ទង​បទ​ឈប់​បាញ់ ផ្ដើម​ដោយ​ប្រមុខ​ដឹក​នាំ​​រដ្ឋាភិបាល​កម្ពុជា។

ក្រសួង​ការបរទេស​កម្ពុជា នៅ​ថ្ងៃ​ទី​១៨ ខែ​កុម្ភៈ បាន​ចេញ​សេចក្ដី​ប្រកាស​ព័ត៌មាន​ឲ្យ​ដឹង​ថា លោក​ឧបនាយក​រដ្ឋមន្ត្រី ហោ ណាំហុង រដ្ឋមន្ត្រី​ការបរទេស​កម្ពុជា នឹង​ដឹកនាំ​គណៈប្រតិភូ​ទៅ​ចូល​រួម​កិច្ច​ប្រជុំ​រដ្ឋមន្ត្រី​ការបរទេស​​​​ អាស៊ាន ក្រៅ​ផ្លូវការ នៅ​ទីក្រុង​ហ្សាកាតា ប្រទេស​ឥណ្ឌូណេស៊ី នៅ​ថ្ងៃ​ទី​២២ ខែ​កុម្ភៈ តាម​ការ​អញ្ជើញ​របស់​លោក​បណ្ឌិត ម៉ាទី ណាតាឡេហ្គាវ៉ា (Dr. Marty Natalegawa) រដ្ឋមន្ត្រី​ការ​​បរទេស​ឥណ្ឌូណេស៊ី និង​ជា​ប្រធាន​​អាស៊ាន។

សេចក្ដី​​ប្រកាស​បាន​បញ្ជាក់​ថា កិច្ចប្រជុំ​ខាង​លើ​នេះ នឹង​ផ្ដោត​ជា​សំខាន់​ទៅ​លើ​ការ​ផ្លាស់ប្ដូរ​ទស្សនវិស័យ​អំពី​បញ្ហា​ អន្តរជាតិ និង​ក្នុង​តំបន់ ជាពិសេស​ផ្ដោត​លើ​ស្ថានភាព​នៅ​តាម​ព្រំដែន​រវាង​ប្រទេស​កម្ពុជា និង​ប្រទេស​ថៃ។

កាល​ពី​ថ្ងៃ​ទី​១៧ ខែ​កុម្ភៈ ឆ្នាំ​២០១១ លោក​នាយករដ្ឋមន្ត្រី ហ៊ុន សែន បាន​លើក​ឡើង​នូវ​សេណារីយោ (ឈុត​ឆាក) ដើម្បី​ឲ្យ​មាន​ការ​ចុះ​ហត្ថលេខា​​​លើ​កិច្ច​ព្រមព្រៀង​ឈប់​បាញ់​រវាង​ កម្ពុជា និង​ថៃ។ ក៏​ប៉ុន្តែ​លោក​នាយករដ្ឋមន្ត្រី​ថៃ អាភីស៊ិត វេតឆាឈីវ៉ាក់ នៅ​ថ្ងៃ​ទី​១៨ ខែ​កុម្ភៈ ឆ្នាំ​២០១១ បាន​ច្រាន​ចោល​តាម​បណ្ដាញ​ផ្សព្វផ្សាយ ដោយ​បាន​ច្រាន​ចោល​​នូវ​ជំហរ​របស់​កម្ពុជា៕

ទាហាន​ទ័ពអាកាស យន្តហោះ​F 16 និង​ទ័ពជើងទឹក​ថៃ​២៣.០០០​នាក់​ត្រៀម​សំរាប់​សមរភូមិ​កម្ពុជា

http://www.cen.com.kh/internews/show_ ... xNmM4ZjA0NDVjYjcyOWQ5MmY1

ថ្ងៃទី 18 កុម្ភៈ 2011

យោង​តាម​កាសែត​ថៃ​បានអោយដឹងថា កងកម្លាំងប្រដាប់អាវុធ​ភូមិន្ទ​ថៃ​បានអនុម័ត​ប្រើ​ផែនការ​ការពារ​ជាតិ​ ឈ្មោះថា​Chakrabongse Bhuvanart ដែល​មាន​ការចូលរួម​ពី​ទាហាន​មក​ពី​កងកម្លាំងប្រដាប់អាវុធ​បី​ប្រភេទ​ដើម្បី​ យាម​ព្រំដែន​ថៃ​-​កម្ពុជា​ចាប់ពី​ខេត្ត​ស៊ី សាកេ​ត ចាន់​ថា​ប៊ូ​រី​និង​ត្រាត​។​

​ប្រភព​យោធា​មួយ​បាន​និយាយ​ថា​បញ្ជាការ​ជាន់ខ្ពស់ លោក​សុង​គិត​ទី ហ្សាក​ហ្កា​បា​តារ៉ា បាន​អនុម័ត​ផែនការ Chakrabongse Bhuvanart សំរាប់​ជា​យុទ្ធសាស្ត្រ​ការពារ​ជាតិ​នៅ​តំបន់​ខាងកើត​។​

​ប្រភព​បាន​និយាយថា​ទាហាន​ថៃ​ដែល​ត្រូវបាន​កេណ្ឌ​ទៅ​ដាក់​ជិត​តំបន់​៤,៦​ គីឡូម៉ែត្រ​ការ៉េ​ជុំវិញ​ប្រាសាទ​ព្រះវិហារ​នោះ​មាន​ចំនួន​ប្រមាណ​១៥.០០០​ នាក់​។​នេះ​ជា​ចំនួន​ប្រហាក់ប្រហែល​ទាហាន​កម្ពុជា​ដែល​ត្រូវបាន​ដាក់ពង្រាយ​ ក្នុង​តំបន់​។​

​ក្រោម​ផែនការ​Chakrabongse Bhuvanart កងកម្លាំង​បូព៌ា​ថៃ​នឹងធ្វើ​សកម្មភាព​តាម​ព្រំដែន​ក្នុង​ខេត្ត​ស៊ី សាកេ​ត​និង​ប្រា​ជិន ប៊ូ​រី​។​កម្លាំង​ស៊ុន​ណា​រីនឹង​ទទួលខុសត្រូវ​បណ្តា​ខេត្ត​ភាគ​ឦសាន​ ជាមួយនឹង​ផែនការ​ប្រតិបត្តិការ​ព្រះវិហារ​៥៤(Phra Viharn 54 Operation Plan)​។​

​ចំណែក​កងកម្លាំង​ម៉ា​រី​ន​របស់​ទ័ពជើងទឹក​ក្នុង​កងកម្លាំង​ការពារ​ ព្រំដែន​នៅ​ចាន់ថា​ប៊ូ​រី​និង​ត្រាត​ព្រមទាំង​កងកម្លាំងប្រដាប់អាវុធ​ផ្សេង​ ទៀត​ត្រូវបាន​ដាក់​អោយ​ត្រៀមខ្លួន​។​ជា​សរុប ទាហាន​ម៉ា​រី​ន​និង​អាកាស​២៣.០០០​នាក់​នឹង​ត្រូវ​ដាក់​ពង្រាយ​។​

​ប្រភព​ព័ត៌មាន​បន្ត​ទៀត​ថា​កងទ័ពអាកាស​នឹង​បញ្ជូន​យន្តហោះ​ប្រយុទ្ធ​ទៅ​ ល្បាត​តាម​ព្រំដែន​ក្នុងពេល​គាំទ្រ​ប្រតិបត្តិការ​ជើងគោក​។​ទ័ពអាកាស​អាច​ បញ្ជូន​យន្តហោះ​F16​ចេញពី​ខេត្ត​ណា​ខន រ៉ា​ត​ចា​ស៊ិម៉ាមក​កាន់​តំបន់​ព្រំដែន​ជិត​ប្រាសាទ​ព្រះវិហារ​នៅក្នុង​ខេត្ត ស៊ី សាកេ​ត​មិន​ដល់​១០​នាទី​ផង​។​

​ឧត្តមសេនីយ៍ អ៊ិត​ថា​ផន ស៊ូ​ប​ហាវ​ង់ មេបញ្ជាការ​ទ័ពអាកាស បាន​និយាយថា​ទោះ​ជា​កងកម្លាំង​ទ័ពអាកាស​ត្រៀម​បញ្ជូន​យន្តហោះ​F16 ក៏​លោក​ជឿ​ថា​វា​នឹង​មិន​ចាំបាច់​ធ្វើ​ដូច្នេះ​ពីព្រោះ​ការប្រឈមមុខ​រវាង​ ប្រទេស​ទាំង​២​នៅត្រឹម​“​ការប៉ះទង្គិច​តូចតាច​ប៉ុណ្ណោះ​”​។​លោក​ជឿថា​ភាគី​ ទាំង​២​នៅ​អាច​ដោះស្រាយ​ជម្លោះ​តាម​ការចរចា​អហិង្សា​។​

​អំពី​ការប៉ះទង្គិច​ជា​បន្ត​នៅ​តំបន់​ជម្លោះ រដ្ឋមន្ត្រី​ការពារជាតិ​ប្រា​វីត វង់​ស៊ូ​វ៉ុន​បាន​និយាយ​ថា​កងកម្លាំ​ង​ថៃ​នឹង​បាញ់​តប​វិញ​នៅ​ពេល​ទាហាន​ កម្ពុជា​បាញ់​លើ​ពួកគេ​ដើម្បី​ការពារ​អធិបតេយ្យ​របស់​ប្រទេស​។​

កម្ពុជា​រួម​មតិគ្នា​តែ​មួយ​ពេល​ដែល​មាន​ទំនាស់​ជាមួយ​ថៃ

http://www.voanews.com/khmer/news/Bor ... iad-Groups-116468563.html
ដោយ សុខ ខេមរា វីអូអេ ខ្មែរ | វ៉ាស៊ីនតោន ថ្ងៃសុក្រ, 18 ខែកុម្ភៈ 2011

ក្រុម​អ្នក​សង្កេតការណ៍​កម្ពុជា​និយាយ​ថា​ចលនា​ជាតិ​និយម​ដែល​ភាគី​ខ្មែរ ​ទាំង​អស់​បាន​បង្ហាញ​ឲ្យ​ឃើញ​តាម​រយៈ​សាមគ្គីភាព​ក្នុង​«សំឡេង​រួម​តែ​មួយ» ​​បាន​កើន​ឡើង​ដល់​កម្រិត​ខ្ពស់​ច្រើន​ជាង​ពេល​ណាៗ​ទាំងអស់​ក្នុង​ ប្រវត្តិសាស្ត្រ​កម្ពុជា​ ខណៈពេល​ដែល​កម្ពុជា​មាន​ជម្លោះ​ព្រំដែន​ចុង​ក្រោយ​ជាមួយ​ប្រទេស​ថៃ​កាលពី​ ដើម​ខែ​កុម្ភៈ​ឆ្នាំ​២០១១។

ស្របគ្នា​ជាមួយ​នឹង​នយោបាយ​អន្តរជាតិ​របស់​រាជ​រដ្ឋាភិបាល​កម្ពុជា​ ដឹកនាំ​ដោយ លោក​នាយក​រដ្ឋមន្ត្រី​ហ៊ុន សែន​ ក្រុម​អ្នក​នយោបាយ​កម្ពុជា​ គណបក្ស​ជំទាស់ គណបក្ស​គ្រប់គ្រង​ប្រទេស​ ពលរដ្ឋ​កម្ពុជា​ទូទៅ​ មន្ត្រី​សង្គម​ស៊ីវិល​ រាជវង្សានុវង្ស​ មន្ត្រី​រាជការ​ជាដើម​ បាន​សម្តែង​ការ​មិន​ពេញ​ចិត្ត​និង​ថ្កោលទោស​រួម​គ្នា ទៅ​នឹង​អ្វី​មួយ​ដែល​គេ​ចោទ​ប្រកាន់​ថា​ប្រទេស​​ថៃ​បាន​ឈ្លាន​ពាន​ទឹកដី​ កម្ពុជា។​ ការថ្កោល​ទោស​ព្រមៗ​គ្នា​របស់​ជនជាតិ​កម្ពុជា​ប្រឆាំង​នឹង​ថៃ​ដូច​នេះ​ ត្រូវ​គេ​ចាត់​ទុក​ថា​បាន​បង្ហាញ​ឲ្យ​ឃើញ​ជា​លើក​ដំបូង​ក្នុង​រយៈ​ពេល​ជាង​៣ ​ទសវត្សរ៍​ចុង​ក្រោយ​ថា​ទំនាស់​ផ្ទៃ​ក្នុង​ទាំងឡាយ​ត្រូវ​គេ​ទុក​ចោល​មួយ​ ឡែក​មក​គិត​គូរ​ពី​បញ្ហា​រួម​ គឺ ​បូរណភាព​ទឹក​ដី។

ដោយ​មិន​ទាន់​គិត​ពី​ទម្ងន់​ផ្លូវ​ច្បាប់​ដែល​កម្ពុជា​មាន​ប្រៀប​លើ​ ប្រទេស​ថៃ លោក ស្រី ​ជា​ វណ្ណាត​​អតីត​នាយិកា​មជ្ឈ​មណ្ឌល​អភិវឌ្ឈន៍​សង្គម​និង​ជា​អ្នក​វិភាគ​ឯករាជ្យ ​បាន​ទទួល​ស្គាល់​ថា​កម្លាំង​រួបរួម​គ្នា​ មាន​សន្ទុះ​ខ្លាំង​នៅ​ពេល​មាន​បញ្ហា​ពាក់ព័ន្ធ​នឹង​ការថែ​រក្សា​បូរណភាព​ ទឹកដី​ អធិបតេយ្យភាព​ដែន​ដី។

«ដោយសារ​ជា​ភាសា​របស់​រដ្ឋាភិបាល​ផង​ហើយ​ក៏​ស្របគ្នា​ជាមួយ​នឹង​ភាសា​ របស់​ប្រជា​ពលរដ្ឋ​ទូទៅ​ផង​ សាធារណជន​ដែរ ​ដល់​អញ្ចឹង​ហើយ​សំឡេង​របស់​ រដ្ឋាភិបាល​ ហើយ​នឹង​សំឡេង​សាធារណជន​ហ្នឹង​ស្របគ្នា​​អញ្ចឹង​ហើយ​ឲ្យ​មើល​ទៅ​ ឃើញ​សំឡេង​អ្នក​ជាតិ​និយម​ហ្នឹង​ខ្លាំងក្លា​ដោយសារ​ចេញ​ពី​បេះដូង​ ប្រជាពលរដ្ឋ​ផង​ហើយ​ក៏​ជា​គោលការណ៍​របស់​រដ្ឋាភិបាល​ស្រប​ជា​មួយ​គ្នា»។

លោកស្រី​បាន​បញ្ជាក់​បន្ថែម​ថា​ ស្ថានភាព​ព្រំដែន​ពេលនេះ ​កម្ពុជា​គ្មាន​ការ​បែកបាក់​ផ្ទៃក្នុង​ទេ​ដែល​លោកស្រី​ហៅថា​នេះ​ជា​ «កម្លាំង»​ដែល​កម្ពុជា​ អាច​តវ៉ា​ជាមួយ​ប្រទេស​ថៃ​ដោយ​ងាយ​ស្រួល។

លោក ​បណ្ឌិត​ ឡៅ ​ម៉ុងហៃ​ អតីត​អ្នកស្រាវ​ជ្រាវ​ជាន់​ខ្ពស់​នៃ​អង្គការ​សិទ្ធិ​មនុស្ស​អាស៊ី​និង​ជា​ អ្នក​វិភាគ​ឯករាជ្យ​ម្នាក់​ក្នុង​នយោបាយ​កម្ពុជា​បាន​ថ្លែង​ថា​ លោក​បាន សង្កេត​ឃើញ​ថា​ជនជាតិ​កម្ពុជា​មាន​ការជាប់​ជំពាក់​ខ្លាំង​ជាមួយ​នឹង​បញ្ហា​ ទឹកដី​ជា​យូរ​មក​ហើយ​ដោយសារ​តែ​កម្ពុជា​បាន​បាត់បង់​ទឹកដី​ច្រើន​ទាំង​ ខាងកើត​និង​ខាង​លិច។​ កត្តានេះ​ហើយ​បានជា​ធ្វើ​ឲ្យ​មាន​ការ​សស្រាក់​សស្រាំ​គាំទ្រ​រដ្ឋាភិបាល​ហើយ ​គ្មាន​សំឡេង​ប្រឆាំង។ ​ក៏ប៉ុន្តែ​លោក​ឡៅ ​ម៉ុងហៃ​បាន​ចាត់​ទុកថា​ការ​បំផុស ​ជាតិនិយម​ជ្រុល​ហួស​ពេក​អាច​ជា​រឿង​ល្អ​ផង​និង​មិន​ល្អ​ផង​ ដែល​លោក​ព្រមាន​ថា​វា​អាច​នាំ​ឲ្យ​មានផល​ប៉ះពាល់​ដូច​សម័យ​ខ្មែរ​ក្រហម។

«កាល​ជំនាន់​ខ្មែរ​ក្រហម​នោះ​ ជាតិ​និយម​ខ្លាំង​ពេក​ទៅ​ជា​ជ្រុល​ទៅ​ណាស់​ មិន​ជា ការណ៍​ល្អ​ទេ។ ​ខ្ញុំ​ថា​អាច​យក​រឿង​ហ្នឹង​ពង្រឹង​ឯកភាព​ជាតិ​ក៏​ថា​បាន​ តែ​វា​អាច​ជ្រុល។​ ហើយ​គេ​អាច​រក​មធ្យោបាយ​អី​ផ្សេង​ដើម្បី​ដោះស្រាយ​ដោយ​សន្តិវិធី​ ហើយ​ជៀស​វាង​ការ​បំផុស​បំផុល​អ្នក​ជាតិ​និយម​ខ្លាំង​ពេក​ណាស់»។

លោក​ឡៅ​ ម៉ុងហៃ​ ពុំបាន​បញ្ជាក់​ថា​ការណ៍​មិន​ល្អ​នោះ​ជា​រឿង​អ្វី​ខ្លះ​ទេ។​ ក៏​ប៉ុន្តែ​គេ​បាន​ដឹង​ថា​ក្រុម​ខ្មែរ​ក្រហម​ដែល​មិន​សូវ​មាន​អ្នក​មាន​អ្នក ​ចេះ​ដឹង​នៅ​ថ្នាក់​ក្រោម​ច្រើន​ បាន​ចាប់​ផ្តើម​កាប់​សម្លាប់​ជាតិ​សាសន៍​ខ្លួន​ឯង​អស់​ជិត​២លាន​នាក់​ក្នុង​ ទសវត្សរ៍​១៩៧០​ ក្រោយ​ពី​ចលនា​ជាតិ​និយម​មួយ​នេះ​បាន​ទទួល​ជោគជ័យ​ក្នុង​សង្គ្រាម​ហើយ ​តែ​ពុំ​មាន​រចនា​សម្ព័ន​នយោបាយ​រដ្ឋបាល​មួយ​ដ៏​រឹង​មាំ។

ក្រុម​មេដឹកនាំ​គណបក្ស​នយោបាយ​វិញ​បាន​បញ្ជាក់​ថា​បញ្ហា​ទឹកដី​ជារឿង​ សំខាន់​ជាង​រឿង​វិវាទ​នយោបាយ​ផ្ទៃក្នុង​និង​រឿង​ហេតុ​ផ្សេងៗ។​ ការរួមគ្នា​គ្រប់​និន្នាការ នយោបាយ​ដើម្បី​ពង្រឹង​ឯកភាព​ជាតិ​ឲ្យ​បាន​រឹងមាំ តតាំង​នឹង​ការ​ឈ្លាន​ពាន របស់​បរទេស​និង​ការ​ការពារ​ទឹកដី​ឲ្យ​មាន​ប្រសិទ្ធភាព​ខ្ពស់​ជារឿង​ចាំបាច់។

លោក​ សម រង្ស៊ី​ មេដឹក​នាំ​គណបក្ស​ជំទាស់​ដ៏​ធំ​ជាង​គេ​ក្នុង​ប្រទេស​កម្ពុជា​ ដែល ត្រូវ​តុលាការ​កាត់​ទោស​ថ្មីៗ​ឲ្យ​ជាប់​គុក​១២​ឆ្នាំ​ពី​បទ​ដក​តម្រុយ​ បង្គោល​ព្រំដែន កម្ពុជា-វៀតណាម​កាល​ពី​ចុង​ឆ្នាំ​២០០៩​នោះ​ កំពុង​និរទេស​ខ្លួន​នៅ​ក្រៅ​ប្រទេស។ ទោះ​ជា​ធ្លាប់​បាន​វាយ​ប្រហារ​ពាក្យ​សម្តី​ធ្ងន់ៗ​ជាមួយ​លោក​នាយក​ រដ្ឋមន្ត្រី​ហ៊ុន សែន ​អំពី​រឿង​ព្រំដែន​ជាមួយ​ប្រទេស​វៀតណាម​កាលពី​ពេល​ថ្មីៗ​នេះ​ក្តី​ ក៏​គណបក្ស​របស់​លោក​សម រង្ស៊ី បាន​ចេញ​សេចក្តី​ថ្លែង​ការណ៍​ថ្កោល​ទោស​ថៃ​ ហើយ​មាន​ជំហរ​ស្រប​នឹង​រដ្ឋាភិបាល​កម្ពុជា​ដែរ​អំពី​រឿង​ព្រំដែន​កម្ពុជា-ថៃ ​ ក្រោយ​ពី​មាន​ការវាយ​ប្រយុទ្ធ​គ្នា​រវាង​កងទ័ព​ទាំងពី​ប្រទេស​គឺ​ កម្ពុជា​និង​ថៃ​កាលពី​ថ្ងៃ​៤​​ដល់​ថ្ងៃ​៧​កុម្ភៈ​ ដែល​ធ្វើ​ឲ្យ​ខូចខាត​ប្រាសាទ​ព្រះវិហារ​ និង​ស្លាប់​របួស​ជន​ស៊ីវិល​និង​ទាហាន​មួយ​ចំនួន។

លោក ​សម រង្ស៊ី​បាន​ថ្លែង​ពី​ប្រទេស​បារាំង​ប្រាប់​វីអូអេ​សំឡេង​សហរដ្ឋ​អាមេរិក​ផ្នែក​ខេមរ​ភាសា​ថា៖

«បាទ! ​ជា​ទូទៅ​ពេល​ដែល​ប្រទេស​យើង​ប្រឈម​មុខ​នឹង​គ្រោះថ្នាក់​មក​ពី​ក្រៅ​គឺ យើង​តែង​តែ​ហើយ​ត្រូវ​តែ​រួបរួម​គ្នា​ដើម្បី​ប្រឆាំង​បរទេស​ឈ្លាន​ពាន​ ចំពោះ​បញ្ហា ផ្ទៃ​ក្នុង​នៃ​ខ្មែរ​និង​ខ្មែរ​យើង​ទុក​មួយ​អន្លើ​សិន​ក្នុង​គ្រា​អាសន្ន​ ដែល​យើង​ត្រូវ​តែ​តទល់​ជាមួយ​នឹង​បរទេស​ឈ្លាន​ពាន»។

លោក​ កឹម សុខា​ ប្រធាន​គណបក្ស​សិទ្ធិ​មនុស្ស​ដែល​ជា​គណបក្ស​ជំទាស់​ផង​ដែរ បាន​ថ្លែងថា​​នៅ​ក្នុង​ប្រព័ន្ធ​ប្រជា​ធិបតេយ្យ​សេរី​ពហុបក្ស​គណបក្ស​ ទាំងអស់​មាន ទស្សនៈ​ផ្ទុយ​គ្នា​តែ​ពេល​រឿង​ជាតិ​ធំៗ​ដូច​ជា​មាន​ការឈ្លានពាន​ពី​បរទេស​គឺ ​ត្រូវ គិត​ពី​ការរួម​សាមគ្គី​គ្នា។

«ខ្ញុំ​យល់​ថា​គ្រប់​គណបក្ស​ទាំងអស់​ គ្រប់​និន្នាការ​ ទាំងអស់​ត្រូវតែ​បង្ហាញ​ពី​ឯកភាព​ជាតិ​ដើម្បី​កុំ​ឲ្យ​បរទេស​មើល​ងាយ​យើង​ កាលណា​យើង​បែកបាក់​គ្នា​គឺ​បរទេស​ងាយ​ស្រួល​ក្នុង​ការមក​ត្រួតត្រា​យើង​ ដូច្នេះ​ជំហរ​ខ្ញុំ​ផ្ទាល់​ក៏​ដូចជា​គណបក្ស​សិទ្ធិ​មនុស្ស​ យើង​នៅតែ​មាន​ការ​រិះគន់​នូវ​ចំណុច​ខ្សោយ​ ចំណុច​ខ្វះខាត​របស់​រដ្ឋាភិបាល​ក្នុង​ការដឹក​នាំ​ប្រទេស​អញ្ចឹង​ ប៉ុន្តែ​ចំពោះ​មុខ​ការ​ប្រឈម​មុខ​ជាមួយ​ប្រទេស​ថៃ ​ប្រទេស​មួយ​ដែល​ឈ្លាន​ពាន​ខ្មែរ​តាំងពី​ដើម​មក​យើង​ត្រូវ​តែ​ឯកភាព​ជាតិ»។

លោក​ ជៀម ​យាប ​មន្ត្រី​ជាន់​ខ្ពស់​នៃ​គណបក្ស​គ្រប់​គ្រង​ប្រទេស​ និង​ជា​សមាជិក សភា​បាន​បង្ហាញ​ពី​ការ​រីករាយ​ដោយសារ​ការរួបរួម​គ្នា​សាមគ្គី​គ្នា​រវាង​ ខ្មែរ​និង​ខែ្មរ​ទាំង​ក្នុង​និង​ក្រៅ​ប្រទេស​នៅ​ពេល​មាន​ បញ្ហា​ជម្លោះ​ព្រំដែន​ជាមួយ​ប្រទេស​ថៃ។ លោក​បាន​ថ្លែង​ថា​ប្រវត្តិ​សាស្ត្រ​បាន​ បង្ហាញ​ច្បាស់​ណាស់​ពី​ផល​ប៉ះពាល់​ដល់​ការ រួបរួម​និង​ការបែក​បាក់​ ដោយ​លើក​យក​សុភាសិត​ខ្មែរ​មួយ​ឃ្លា​​យ៉ាងខ្លី​មក​បញ្ជាក់ ថា​«ខ្មែរ​រួបរួម ​ខ្មែរ​រស់​ បើ​ខ្មែរ​បែក​បាក់​ខ្មែរ​ស្លាប់»។ លោក​​ជៀម​ យាប​ថ្លែង​ដូច្នេះ ដោយ​យោល​ ថា​ភាព​គង់វង្ស​ទឹកដី​​និង​ការ​អភិវឌ្ឍ​ រីក​ចម្រើន​កើត​ឡើង​ពី​ការ ឯកភាព​ជាតិ ​តាំងពី​សម័យ​មុន​មក​ទល់​បច្ចុប្បន្ន​នេះ។

ក្រៅ​ពី​អះអាង​ថា​មាន​តែ​អ្នក​មាន​ឈាម​ខ្មែរ​ដូចគ្នា​ដែល​អាច​ជឿ​ទុក​ ចិត្ត​បាន​នោះ លោក​យាប​បាន​ទទូច​ដល់​ពលរដ្ឋ​ខ្មែរ​ថា​ «កុំ​ទុក​ចិត្ត​បរទេស​ កុំ​ទុក​ចិត្ត​មេឃ ​កុំ ទុក​ចិត្ត​ផ្កាយ»។​ លោក​ថ្លែង​ដូច្នេះ​ដោយ​យក​ឧទាហរណ៍​មក​បញ្ជាក់​ថា​ទោះ​បី​ជា មាន​ការ​ជេរ​ប្រមាថ​ រិះគន់​គ្នា​នៅទី​ក្រុង​ភ្នំពេញ​យ៉ាងណា​ក៏​ដោយ​តែ​ខ្មែរ​នៅ​តែ រួបរួម​គ្នា​បាន​ដោយសារ​បញ្ហា​បូរណភាព​ទឹក​ដី។

លោក​បណ្ឌិត ​រស់ ​ចន្ត្រា​បុត្រ​អ្នក​ប្រវត្តិ​សាស្ត្រ​ខ្មែរ​មួយ​រូប​បាន​ចាត់​ទុក​ថា​ជា​ ការណ៍​ល្អ​ដែល​កូន​ខ្មែរ​គ្រប់​រូប​មាន​ការបែង​ចែក​ច្បាស់​លាស់​ចំពោះ​ នយោបាយ​ផ្ទៃ​ក្នុង​និង​អធិបតេយ្យ​ភាព​ជាតិ​ បញ្ហា​អាយុ​ជីវិត​ជាតិ។

«ដូច្នេះ​នៅ​ក្នុង​ពេល​នេះ​ហើយ​យើង​ឃើញ​ថា​ជា​លើក​ទីពីរ​ហើយ​នៅ​ក្នុង​ អ្វី​ហៅ​ថា​អណត្តិ​របស់​សម្តេច​តេជោ​ ហ៊ុន សែន​នៅក្នុង​ពេលនេះ​គឺ​លើក​ទីពីរ​ហើយ​ដែល អ្វី​ដែល​ជា​សាមគ្គីភាព​កំពុង​តែ​បាន​រីក​ចម្រើន​ហើយ​កំពុង​តែ​បោះគ្រឹះ​ឬ​ មួយ​ថា មាន​ឫស​គល់​មួយ​យ៉ាង​ច្បាស់​លាស់​នៅ​ក្នុង​ការទប់​ទល់​នឹង​ការឈ្លាន​ពាន​ របស់​ថៃ​ហើយ​អ្វី​ដែល​ជា​សាមគ្គីភាព​នៅ​ពេល​នេះ​គឺ​ជា​សាមគ្គីភាព​មួយ​យ៉ាង​ ខ្លាំងក្លា​ សាមគ្គីភាព​មួយ​យ៉ាង​ច្បាស់លាស់​​ហើយ​ដែល​មាន​ទម្ងន់​ធ្ងន់ៗ​ ជាង​ពេល​មុនៗ​ទៅ​ទៀត»។

ក្រុមអ្នក​វិភាគ​និង​អ្នកប្រវត្តិ​សាស្រ្ត​បាន​លើក​ឡើង​ស្រដៀង​គ្នា​ថា​ ចលនា​ជាតិ​និយម​ សាមគ្គីភាព​និង​ឯកភាព​ជាតិ​ឬ​មាន​សំឡេង​តែមួយ​កើត​មាន​យ៉ាង​ខ្លាំងក្លា​ ផង​ដែរ​ក្នុង​ប្រវត្តិ​សាស្ត្រ​ដែល​ពលរដ្ឋ​ខ្មែរ​នាំគ្នា​ក្រោក​ឈរ​ឡើង​ ដើម្បី​បណ្តេញ​ បរទេស​​ចេញ​ពី​ប្រទេស​កម្ពុជា​ដូច​ជា​ ក្នុង​សតវត្សរ៍​ទី​១៩ ​និង​ទី ​២០ ការ​ទាមទារ​យក​ប្រាសាទ​ព្រះវិហារ​នៅ​ទីក្រុង​ឡាអេ​ពី​ប្រទេស​ថៃ​ឆ្នាំ​១៩៦២​ ដែល​ដឹក​នាំ​​ដោយ​សម្តេចឪ​ ព្រះ​នរោត្តម​ សីហនុ​​ និង​ការទាមទារ​បាន​ឯករាជ្យ​ពី​បារាំង​នៅ​ឆ្នាំ​១៩៥៣​​ដែល​ដឹក​នាំ​ដោយ​ សម្តេចឪ​ជា​ដើម​ផង​នោះ។ ក៏​ប៉ុន្តែ​អ្នក​វិភាគ​ខ្លះ​បាន​រិះគន់​របប​សាធារណរដ្ឋ​ខ្មែរ​របស់​លោក​សេនា ​ប្រមុខ ​លន់ ​នល់ ដែល​បាន ​អំណាច​ចេញ​ពី​ចលនា​ជាតិ​និយម​មួយ​ក្នុង​ទសវត្សរ៍​១៩៧០​ ដោយ​រដ្ឋ​ប្រហារ​ ទម្លាក់​សម្តេច​ឪ​ហើយ​បែរ​ជា​ពុំ​បាន​គិតគូរ​អភិវឌ្ឍ​ប្រទេស​តែ​បង្ក​ឲ្យ​ មាន​អំពើ​ពុក​រលួយ​ពាស​ពេញ​ប្រទេស​គិតតែ​ការបែង​ចែក​អំណាច​គ្នា​មិន​បាន​ បម្រើ​ពី​ឧត្តម​ប្រយោជន៍​ជាតិ​នោះ​ហើយ​ដែល​បង្ក​ទៅ​រក​ការបែក​បាក់​ផ្ទៃ​ ក្នុង​ជាតិ​នាំ​ប្រទេស​ធ្លាក់​ក្នុង​គ្រោះ​មហន្តរាយ​ដ៏​ធំធេង។

លោក​បណ្ឌិត​ រស់​ ចន្ត្រា​បុត្រ​បាន​បញ្ជាក់​អំពី​រឿង​ទាំង​ឡាយ​នេះ​ដូច្នេះ​ថា៖ «ដូច្នេះ​អ្វី​ដែល​ហៅ​ថា​កម្លាំង​អ្នក​ស្នេហា​ជាតិ​កម្លាំង​អ្នកជាតិ​និយម​ នៅ​ពេល​នោះ​ ត្រូវ​តែ​រុះ​រោយ​ជា​លំដាប់​លំដោយ​ដោយ​សារ​តែ​រដ្ឋាភិបាល​ លន់ ​នល់​អសមត្ថភាព​ហើយ​ដែល​មិន​ចេះ​ផ្តល់​នូវអ្វី​ដែល​ជា​សេចក្តី​សង្ឃឹម​ដល់​ ប្រជា​ពលរដ្ឋ​ផ្ទុយ​ទៅ​វិញ​មាន​តែ​បង្ក​ឲ្យ​មាន​សង្រ្គាម​រឹតតែ​ធំ​ឡើងៗ​ មាន​ការវិនាស​រិតតែ​ច្រើន​ទៅ​ទៀត»។

ទោះ​ជា​ពុំ​បាន​ពន្យល់​លម្អិត​ពី​ការបែក​បាក់​ក្នុង​ប្រវត្តិសាស្រ្ត​ កន្លង​មក​ដែល​នាំ​ឲ្យ​ខ្មែរ​រួញ​ទឹកដី​កាន់​តែ​តូច​ទៅៗ​ក្តី​ តែ​លោក ​បណ្ឌិត​ រស់ ​ចន្ត្រា​បុត្រ​បាន​លើក​យក ឧទាហរណ៍​ ក្នុង​ប្រវត្តិ​សាស្ត្រ​មួយ​ចំនួន​ទៀត​មក​បញ្ជាក់​ដូច​ជា​ការតស៊ូ​របស់​ ខ្មែរ​កើត​ចេញ​ពី​ឯកភាព​ជាតិ​ខ្ពស់​នៅ​ក្នុង​សតវត្សរ៍​ទី​១២​​ដឹកនាំ​ដោយ​ ព្រះបាទ ជ័យវរ្ម័ន​ទី៧​ដើម្បី​វាយ​បណ្តេញ​កងទ័ព​នគរ​ចម៉្បា​ពេលមាន​ការ​រំលោភ​បំពាន​ និង បំផ្លិច​បំផ្លាញ​កម្ពុជា។

ប្រទេស​កម្ពុជា​ដែល​បាន​អត់ធ្មត់​មួយ​រយៈ​យូរ​ជាមួយ​ប្រទេស​ថៃ​ ពេល​នេះ​បាន​ សម្រេច​នាំ​យក​បញ្ហា​ជម្លោះ​ព្រំដែន​ទៅ​កាន់​ក្រុម​ប្រឹក្សា​សន្តិសុខ​ អង្គការ​សហ​ប្រជាជាតិ ​(អ.ស.ប) ដើម្បី​ដោះស្រាយ​ក្រោយ​ពី​មាន​ការវាយ​ប្រយុទ្ធ​គ្នា​កាល​ពី​ថ្ងៃ​ទី៤​​ដល់​ ថ្ងៃ​ទី៧​កុម្ភៈ​ដែល​កម្ពុជា​បាន​ចោទ​ប្រកាន់​ថា​ថៃ​បាន​ឈ្លាន​ពាន​ចង់​កាន់ ​កាប់​ទឹកដី​កម្ពុជា​ក្បែរ​ប្រាសាទ​ព្រះវិហារ។​ តែ​ភាគី​ថៃ​បាន​ប្រកែក​ថា​ខ្លួន​ការពារ​បូរណភាព​ទឹកដី​របស់​ខ្លួន​ដែរ។ ក្រុម​អ្នកវិភាគ​និង​អ្នក​ប្រវត្តិសាស្រ្ត​និង​មេដឹក​នាំ​គណបក្ស​ជំទាស់​ កម្ពុជា​គាំទ្រ​រដ្ឋាភិបាល​ក្នុង​ការនាំ​យក​រឿង​ជម្លោះ​ព្រំដែន​ទៅ​កាន់​ អ.ស.ប ​តែ​ព្រមាន​ថា​ ពុំ​គួរ​រា​ថយ​មក​ចរចា​ទ្វេរភាគី​ដែល​អូស​បន្លាយ​គ្មាន​លទ្ធផល​នោះ​ទេ។ ​ពួក​គេ​បាន​អះអាង​ស្រដៀង​គ្នា​ថា​ យន្តការ​ផ្សេង​ទៀត​តាម​រយៈ​កិច្ចព្រមព្រៀង​ទី​ក្រុង​បារីស​ក៏​ជា​ជម្រើស​មួយ ​ដែរ។ អ្នក​វិភាគ​ខ្លះ​ទៀត​និយាយ​ថា​ជា​រឿង​ប្រពៃ​ដែល​កម្ពុជា​ពុំ​បាន​តស៊ូ​ក្នុង ​សមរភូមិ​២​ក្នុង​ពេល​តែ​មួយ។

ប្រទេស​កម្ពុជា​និង​ថៃ​ដែល​មាន​ជម្លោះ​ព្រំដែន​ជា​ប្រវត្តិសាស្ត្រ​នោះ​ បាន​ចាប់ផ្តើម​តានតឹង​ជាថ្មី​ទៀត​ក្រោយ​ពេល​កម្ពុជា​បាន​ដាក់​ប្រាសាទ​ ព្រះវិហារ​ចូល​ក្នុងបញ្ជី​បេតិកភណ្ឌ​ពិភពលោក​របស់​អង្គការ ​UNESCO​ កាល​ពី​ខែ​កក្កដា​ឆ្នាំ​២០០៨​ដែល​ថៃ​បាន​ជំទាស់​ដោយ​សំអាង​ថា​ដី​ក្បែរ​ បរិវេណ​ប្រាសាទ​ព្រះវិហារ​ជា​ដី​របស់​ខ្លួន​ដែរ​តែ​កម្ពុជា​វិញ​បាន​បដិសេធ​ ដោយ​យោង​តាម​ផែនទី​អន្តរជាតិ​ឆ្នាំ​១៩០៤​​និង​១៩០៧​ ដែល​ប្រទេស​សៀម​ ដែល​ពេលនេះ​បាន​ប្តូរ​ឈ្មោះ​មក​ជា​ប្រទេស​ថៃ​បាន​ទទួល​ស្គាល់​ដែរ៕

Les affrontements le long de la frontière entre la Thaïlande et le Cambodge reprennent

http://french.peopledaily.com.cn/International/7291826.html
Mise à jour 18.02.2011 08h26

Les guerres rhétoriques entre Bangkok et Phnom Penh ont commencé après l'éclatement des affrontements entre les troupes thaïlandaises et cambodgiennes à la frontière disputée mardi.

Le secrétaire du ministère thaïlandais des Affaires étrangères, Chavanont Intarakomalyasut, a déclaré à Xinhua mercredi que le Cambodge devrait respecter le résultat de la réunion avec le Conseil de sécurité des Nations Unies lundi à New York en arrêtant de tirer sur la partie thaïlandaise.

"Sans les affrontements initiés par les troupes cambodgiennes, les négociations seraient plus faciles", a indiqué M. Chavanont.

Cependant, le ministère cambodgien des Affaires étrangères a publié mercredi après-midi un communiqué, accusant la partie thaïlandaise d'initier les affrontements, ajoutant que les troupes cambodgiennes se sont abstenues de tirer en représailles.

"Pour ce qui est des recommandations du CS de l'ONU le 14 février, les troupes cambodgiennes ont fait preuve de la plus grande modération et n'ont pas répondu aux provocations des forces armées thaïlandaises", a indiqué le communiqué.

Le porte-parole de l'armée thaïlandaise, Sansern Kaewkamnerd, a déclaré n'avoir enregistré aucun mort et aucun blessé du côté thaïlandais. La partie cambodgienne ne déplore aucun mort ni aucun blessé.

Alors que M. Sansern, selon la version en ligne du Bangkok Post, a déclaré que l'intention des troupes cambodgiennes était clairement de prendre la position thaïlandaise, le Cambodge a déclaré : "Cette violation du cessez-le-feu par les forces armées thaïlandaises montre clairement que la vraie intention derrière l'insistance de la Thaïlande pour résoudre le dossier au niveau bilatéral est d'utiliser ses forces militaires supérieures pour prendre le territoire cambodgien à proximité du temple de Preah Vihear".

Après la réunion entre trois ministres des Affaires étrangères, Kasit Piromya de Thaïlande, Hor Namhong du Cambodge, et Marty Natalegawa d'Indonésie, président de l'Association des Nations d'Asie du sud-est (ASEAN), lundi à New York, le CS de l'ONU a appelé dans un communiqué la Thaïlande et le Cambodge à cesser le feu et à négocier.

Cependant, il semble que les deux parties ont interprété le résultat de la réunion différemment en favorisant leur partie respective. Alors que Bangkok affirme que les négociations bilatérales suffisent, Phnom Penh insiste pour dire que l'intervention d'une partie tiers est nécessaire pour résoudre le conflit.

Les ministres thaïlandais et cambodgien des Affaires étrangères devraient se rencontrer.