កូរ៉េខាងត្បូង មិនជឿថា ព្យុងយ៉ាង មាន​សមត្ថភាព​ភ្ជាប់​គ្រាប់​នុយក្លេអ៊ែរ

រដ្ឋមន្ត្រីការពារជាតិ នៃប្រទេសកូរ៉េខាងត្បូង បានប្រកាសនៅថ្ងៃសុក្រទី១២ខែមេសានេះ ថា«នៅសង្ស័យ» ពីសមត្ថភាពរបស់កូរ៉េខាងជើង ក្នុងការបាញ់កាំជ្រួចបញ្ជាពីចម្ងាយ មានភ្ជាប់ក្បាលគ្រាប់នុយក្លេអ៊ែរ ដូចទៅនឹងការអះអាងរបស់របាយការណ៍«ព័ត៌មានយោធា» របស់អ្នកតំណាងរាស្ត្រអាមេរិកាំង ដែលចេញផ្សាយមកមុនហ្នឹង។
Loading...
  • ដោយ: សេក មនោរកុមារ
  • កែប្រែចុងក្រោយ: April 12, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រដ្ឋមន្ត្រីការពារជាតិ នៃប្រទេសកូរ៉េខាងត្បូង បានប្រកាសនៅថ្ងៃសុក្រទី១២ខែមេសានេះ ថា«នៅសង្ស័យ» ពីសមត្ថភាព​របស់កូរ៉េខាងជើង ក្នុងការបាញ់កាំជ្រួចបញ្ជាពីចម្ងាយ មានភ្ជាប់ក្បាលគ្រាប់នុយក្លេអ៊ែរ ដូចទៅនឹងការអះអាង​របស់​របាយការណ៍«ព័ត៌មានយោធា» របស់អ្នកតំណាងរាស្ត្រអាមេរិកាំង ដែលចេញផ្សាយមកមុនហ្នឹង។


កាំជ្រួចរបស់កូរ៉េខាងជើង ក្នុងក្បួនព្យុហយាត្រានៅទីក្រុងព្យុងយ៉ាង។

«ប្រទេសកូរ៉េខាងជើង បានឈានទៅដល់ការសាកល្បងនុយក្លេអ៊ែរ បីដង ប៉ុន្តែវានៅតែជាការសង្ស័យនៅឡើយ ដែល​ថាកូរ៉េខាងជើង បានផលិតក្បាល់គ្រាប់នុយក្លេអ៊ែរ ដែលមានទំហំតូច និងស្រាល ហើយអាចដាក់តម្លើងនៅលើ​កាំជ្រួច​បាននោះ» នេះជាការប្រកាសអោយដឹង របស់អ្នកនាំពាក្យក្រសួងការពារជាតិ កូរ៉េខាងត្បូង លោក គីម មីន-សេអក (Kim Min-Seok)។

«តែប្រទេសកូរ៉េខាងជើង កំពុងដើរសម្ដៅទៅរកគោលដៅនេះ ដែលនឹងអាចផលិតបាននូវ ក្បាលគ្រាប់នុយក្លេអ៊ែរ​ដ៏តូច​បំផុត ដើម្បីចាប់តម្លើងនៅលើកាំជ្រួច» លោកបានបន្ថែម។

ការពីថ្ងៃព្រហស្បត្តិ៍ ម្សិលម៉ិញ តំណាងរាស្ត្រម្នាក់នៃរដ្ឋកូឡូរ៉ាដូ (Colorado) របស់គណបក្សសាធារណរដ្ឋ លោក ដូង លាំប៊ន (Doug Lamborn) បានបញ្ជាក់នៅក្នុង របាយការណ៍ព័ត៌មានយោធាមួយ មានឈ្មោះជាភាសាអង់គ្លេស (Defense Intelligence Agency - DIA) ថា ប្រទេសកូរ៉េខាងជើង មានសមត្ថភាពធ្វើអោយមានរូបរាងតូច នូវអាវុធនុយក្លេអ៊ែរ និង​អាចចាប់តម្លើងដាក់នៅលើកាំជ្រួចបញ្ជាពីចម្ងាយបាន។ ប៉ុន្តែរបាយការណ៍បានបន្ថែមថា អាវុធទាំងនេះ នៅមាន​ប្រសិទ្ធិភាព​ខ្សោយនៅឡើយ។

អ្នកទទួលខុសត្រូវជាន់ខ្ពស់មួយរូប សុំមិនបញ្ចេញឈ្មោះបាននិយាយថា សហរដ្ឋអាមេរិកមិនគិតថា កូរ៉េខាងជើងមាន​សមត្ថភាពដល់កម្រិតណ្នឹងទេ។

ចំណែកមន្ទីរប៉ង់តាហ្គោន បានលើកបញ្ជាក់ថា វាជាភាពមិនជាក់លាក់ និងជាកំហុសមួយ ដែលលើកមកនិយាយថា របប​ទីក្រុងព្យុងយ៉ាង បានសាកល្បងបានទាំងស្រុងនោះ នូវប្រភេទអាវុធបង្ហាញដោយអ្នកតំណាងរាស្ត្រនោះ។

បស្ចឹមលោក កំពុងតែគិតថា កូរ៉េខាងជើងទំនងជានឹងបាញ់សាកល្បង នៅក្នុងពេលឆាប់ៗនោះ នូវកាំជ្រួចទាំងនេះ ក្នុង​ខណៈដែលសភាពតានតឺង កំពុងកើតមានយ៉ាងខ្លាំងនៅលើឧបទ្វីបកូរ៉េ។ ប្រទេសកុម្មុយនីស បានចល័តកាំជ្រួច​រយៈ​មធ្យម ម៉ូស៊ូដង់ (Musudan) ចំនួនពីដើម ទៅកាន់តំបន់ឆ្នេរខាងកើតរបស់ខ្លួន បើទោះជាមានការប្រកាស មិនសប្បាយ​ចិត្ត របស់ប្រទេសចិត្តដែលជាសម្ព័ន្ធមិត្តខ្លួននោះក៏ដោយ។ កាំជ្រួចម៉ូស៊ូដង់ អាចបាញ់បានចម្ងាយ ៤០០០គីឡូម៉ែត្រ រហូតទៅ​ដល់មូលដ្ឋានយោធាអាមេរិក ស្ថិតនៅលើកោះហ្គាម (Guam) កណ្ដាលមហាសមុទ្រប៉ាស៊ីភីក។

ប្រភពជាច្រើន រួមនឹងអ្នកជំនាញផង បាននិយោបាយថា ការបាញ់កាំជ្រួច អាចនឹងធ្វើនៅជុំវិញថ្ងៃទី១៥មេសាខាងមុខ ដែលជាថ្ងៃខួបកំណើតនៃបីតាស្ថាបនិក របស់ប្រទេស លោកគីម អ៊ីល ស៊ុង (Kim Il-Sung)៕

-------------------------------------------------------
ដោយ សេក មនោរកុមារ - ប៉ារីស​ ថ្ងៃទី១២ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...