ប្រធានាធិបតី​កូរ៉េ​ខាង​ត្បូង​ចង់​បាន​«ឧទ្យាន​សន្តិភាព» នៅ​ព្រំដែន​កូរ៉េ

ប្រធានាធិបតីកូរ៉េខាងត្បូង លោកស្រី ប៉ាក ជនហេ (Park Geun-Hye) ដែលកំពុងធ្វើទស្សនកិច្ចនៅសហរដ្ឋអាមេរិក បានប្រកាសនៅថ្ងៃពុធនេះ នៅចំពោះសភាអាមេរិកថា លោកស្រីចង់ផ្ដួចផ្ដើមអោយមាន ឧទ្យានអន្តរជាតិមួយ នៅក្នុងតំបន់គ្មានយោធារវាងប្រទេសកូរ៉េទាំងពីរ។
Loading...
  • ដោយ: កេសរ កូល
  • កែប្រែចុងក្រោយ: May 08, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ប្រធានាធិបតីកូរ៉េខាងត្បូង លោកស្រី ប៉ាក ជនហេ (Park Geun-Hye) ដែលកំពុងធ្វើទស្សនកិច្ចនៅសហរដ្ឋអាមេរិក បាន​ប្រកាសនៅថ្ងៃពុធនេះ នៅចំពោះសភាអាមេរិកថា លោកស្រីចង់ផ្ដួចផ្ដើមអោយមាន ឧទ្យានអន្តរជាតិមួយ នៅក្នុងតំបន់​គ្មានយោធារវាងប្រទេសកូរ៉េទាំងពីរ។


លោកស្រី ប៉ាក ជនហេ ប្រធានាធិបតីកូរ៉េខាងត្បូង នៅក្នុងសភាអាមេរិក។

លោកស្រីនិយាយ ដោយមិនបានបញ្ជាក់លំអិត ទៅលើគម្រោងនេះថា «ខ្ញុំសង្ឃឹមនឹងធ្វើអោយមានដំណើរទៅមុខ នូវ​ឧទ្យានអន្តរជាតិមួយ នៅក្នុងតំបន់គ្មានយោធា»។ ការថ្លែងនេះ ទំនងនៅក្នុងបំណងចង់អោយ ភាពតានតឹងរវាង​ប្រទេស​លោកស្រី និងប្រទេសកូរ៉េខាងជើង មានការថយចុះ។ លោកស្រីពន្យល់ថា «វានឹងជាឧទ្យានមយយ ដែលនឹងនិយាយ​ពី​សារសន្តិភាព ទៅកាន់មនុស្សជាតិទាំងមូល»។

លោកស្រីបន្ថែមថា «តំបន់គ្មានយោធា​ ត្រូវតែមានមោទនភាពនឹងឈ្មោះរបស់វា ដូចជាតំបន់មួយ ដែលពង្រឹកសន្តិភាព ជៀសជាងការដាក់ដាំមីនបន្ថែម»។

នេះជាលើកទី៦ហើយ នៅក្នុងប្រវត្តិសាស្ត្រ ដែលប្រធានាធិបតីកូរ៉េខាងត្បូង បានថ្លែងទៅកាន់តំណាងរាស្ត្រគ្រប់រូប របស់​អាមេរិក ក្នុងកិច្ចប្រជុំសភាមួយ ដែលបានបើកធ្វើ ដើម្បីបង្ហាញនូវការរួមរួមរវាងសម្ព័ន្ធមិត្តទាំងពីរ ខណៈពេលវិបត្តិនៅលើ​ឧបទ្វីបកូរ៉េ កំពុងមានកម្ដៅនៅឡើយ។

ជំហរម៉ឺងម៉ាត់នៅចំពោះការបង្កហេតុណាមួយ របស់កូរ៉េខាងជើង


ជំនួបរវាងប្រធានាធិបតីកូរ៉េខាងត្បូង និងប្រធានាធិបតីសហរដ្ឋអាមេរិក។

បន្ទាប់ពីបានស្បថឡើងកាន់តំណែងពីខែកុម្ភះកន្លងទៅ លោកស្រី ប៉ាក ជនហេ បានធ្វើដំណើរទស្សនកិច្ច​ទៅសហរដ្ឋ​អាមេរិក ដែលជាដំណើរទស្សនកិច្ចផ្លូវការលើកទីមួយ នៅបរទេសរបស់លោកស្រី។ លោកស្រីបានជួបប្រធានាធិបតី​អាមេរិក លោកបារ៉ាក់ អូបាម៉ា ហើយបានបង្ហាញនូវជំហរម៉ឺងម៉ាត់រួមគ្នា នៅចំពោះការ​បង្ក​ហេតុរបស់ប្រទេស​កុម្មុយនីស​កូរ៉េខាងជើង។

នៅក្នុងសភាអាមេរិក លោកស្រីបានថ្លែងអះអាងថា «គ្មានការបង្កហេតុណាមួយ របស់កូរ៉េខាងជើង នឹងទទួលបាន​ជោគជ័យឡើយ»។ ពាក្យសម្ដីមួយឃ្លានេះ បានធ្វើឲ្យពួកអ្នកតំណាងរាស្ត្រអាមេរិក ងើបឈរឡើងយ៉ាងយូរ ដើម្បីទះដៃ​អបអរសាទរលោកស្រី ។ «សាធារណរដ្ឋកូរ៉េ នឹងមិនអនុញ្ញាតឲ្យកូរ៉េខាងជើង មានអាវុធនុយក្លេអ៊ែរនោះទេ។ រាល់ការបង្ក​ហេតុទាំងឡាយ របស់ទីក្រុងព្យុងយ៉ាង នឹងត្រូវបានដាមដានយ៉ាងដិតដល់ជាទីបំផុត។»

ទោះបីជាយ៉ាងណាក៏ដោយ លោកស្រីបានបញ្ជាក់រំលឹកថា «ខ្ញុំនៅតែមានជំហរមិនផ្លាស់ប្ដូរ ពីការបោះជំហានទៅមុខ នៃ​ការពង្រឹកភាពទុកចិត្តមួយ នៅក្នុងឧបទ្វីបកូរ៉េ។ ខ្ញុំនឹងមិនធ្វើនយោបាយ ចាប់ចំណាត់ខ្មាំង នៃសកម្មភាពមនុស្សធម៌ ដូច​ជាការផ្ដល់ចំណីអាហារ និងការជួយកុមារនៅកូរ៉េខាងជើងនោះឡើយ៕»

-----------------------------------------------
ដោយ ៖ កេសរកូល - ភ្នំពេញ ថ្ងៃទី០៨ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...