«ស្រាត»​ដើម្បី​រំខាន​កម្មវិធី​បង្ហាញ​ម៉ូដ ​នៃ​យីហោ​ខោ​អាវ​ដ៏​ធំ​មួយ​(VDO)

ម្ចាស់ឆ្នៃម៉ូដជនជាតិអ៊ីតាលី នៃយីហោដូស្សេ ហ្គាបាណា (Dolce & Gabbana) បានបង្ហាញរចនាម៉ូដថ្មី នៃខោអាវសម្លៀកបំពាក់រដូវក្ដៅ នៅក្នុងសប្ដាហ៍កន្លងមកនេះ ក្នុងទីក្រុងមីឡង់ ។ តែពិធីនេះ ត្រូវបានឆាឆៅរំខានដោយ បុរសម្នាក់ ដែលមានដងខ្លួនស្រាត«ននលគោក» រត់ចេញមកក្នុងឆាកសម្ដែង !!!
Loading...
  • ដោយ: ឈូករ័ត្ន
  • កែប្រែចុងក្រោយ: June 29, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ម្ចាស់ឆ្នៃម៉ូដជនជាតិអ៊ីតាលី នៃយីហោដូស្សេ ហ្គាបាណា (Dolce & Gabbana) បានបង្ហាញរចនាម៉ូដថ្មី នៃខោអាវសម្លៀក​បំពាក់រដូវក្ដៅ នៅក្នុងសប្ដាហ៍កន្លងមកនេះ ក្នុងទីក្រុងមីឡង់ ។ តែពិធីនេះ ត្រូវបានឆាឆៅរំខានដោយ បុរសម្នាក់ ដែលមាន​ដងខ្លួនស្រាត«ននលគោក» រត់ចេញមកក្នុងឆាកសម្ដែង !!!

ព្រឹត្តិការណ៍ បានកើតឡើង នៅពេលដែលម្ចាស់ឆ្នៃម៉ូដទាំងពីរនាក់ នៃយីហោអ៊ីតាលី លោក ដូម៉េនីកូ ដូស្សេ (Domenico Dolce) និងស្ទែហ្វាណូ ហ្គាបាណា (Stefano Gabana) ចេញមកសម្ដែងគាវរកិច្ចនៅចំពោះសាធារណជន អមដំណើរ​ដោយ​ក្រុមអ្នកបង្ហាញម៉ូដរបស់ពួកគាត់ផង ក្នុងក្ដីសង្ឃឹមពីភាពជោគជ័យនៃកម្មវិធីរបស់ខ្លួន។

តែដឹងអី បុរសម្នាក់ដែលមិនមានស្លៀកពាក់អ្វីទាល់តែសោះ បានរត់ឡើងមកលើឆាក បង្កឲ្យមានការភ្ញាក់ផ្អើលមួយឡើង។ ទស្សនិកជនម្នាក់ បានថតពីព្រឹត្តិការណ៍នេះ ហើយបានយកវាមកដាក់នៅគេហទំព័រចែកផ្សាយវីដេអូ យូធូប (YouTube)។ នៅក្នុងវីដេអូនោះ គេឃើញបុរសដ៏អស្ចារ្យ បានរត់ចូលឡើងទៅលើឆាក ជាមួយនឹងខោអាវចុងក្រោយរបស់គាត់ នៅជាប់​នឹងជើងនៅឡើយ។

ហើយបុរសនេះ ថែមទាំងមានឱកាសឈប់ឲ្យគេថតរូបគាត់ មុននឹងត្រូវបានកងសន្តិសុខ​ចាប់គាត់​បានទៀតផង។ ក្រុម​ដែលដើររំខាន ក្នុងកម្មវិធីបែបនេះ គេតែងឲ្យឈ្មោះជាភាសាអង់គ្លេសថា «ស្ទ្រីកឺ (streakers)»។ តែមិនសូវបានឃើញ​នៅ​លើឆាកបង្ហាញម៉ូដទេ តែគេឃើញច្រើនលើសលប់ នៅតាមការប្រកួតបាល់ទាត់ និងប្រកួតបាល់អោប «រ៉ាប៊ី (rugby)»។

សូមបញ្ជាក់ថា អ្នកច្នៃម៉ូដរបស់យីហោដ៏ល្បីនេះ ត្រូវបានតុលាការកាត់ទោសឲ្យជាប់ពន្ធនាគារ ២០ខែ ពីបទបន្លំពន្ធដារ កាលពីថ្ងៃទី១៩ខែមិថុនាកន្លងមក។ គេនៅមិនទាន់ដឹងថា តើចូលមករំខាននេះ មានជាប់ទាក់ទងនឹងសាលក្រមនេះដែរ ឬយ៉ាងណានោះទេ៕

សូមទស្សនាវីដេអូនេះ ដូចតទៅ៖

------------------------------------------------
ដោយ ឈូករ័ត្ន - ប៉ារីស​ ថ្ងៃទី២៨ ខែមិថុនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...