អេមើតុន នឹង​ធ្វើ​ជា​ប្រធាន​ក្រុម​អូស្ត្រាលី ប្រកួត​ជា​មួយ​ម៉ែនញូ

អតីតខ្សែបម្រើក្រុមប្លែកបឺន (Blackburn) ប្រែត អេមើតុន (Brett Emerton) នឹងធ្វើជាប្រធានក្រុម អេលីកអលស្តា (A-League All Stars) របស់ប្រទេសអូស្ត្រាលី ក្នុងការប្រកួតមិត្តភាពតតាំងជាមួយក្រុមម្ចាស់ជើងឯកព្រីមែលីក (Premier League) ម៉ែនឆេស្ទើ យូណៃធីត (Manchester United) នៅថ្ងៃសៅរ៏ ទី២០ ខែកក្កដានេះ។
អេមើតុន នឹង​ធ្វើ​ជា​ប្រធាន​ក្រុម​អូស្ត្រាលី ប្រកួត​ជា​មួយ​ម៉ែនញូ
កីឡាករប្រែត អេមើតុន ខ្សែបម្រើរបស់ក្រុមប្លែកប៊ើន។ (រូបថត AAP)
Loading...
  • ដោយ: វិន ជីវ័ន្ត - ភ្នំពេញ ថ្ងៃទី១៥ ខែកក្កដា ឆ្នាំ២០១៣
  • កែប្រែចុងក្រោយ: July 15, 2013
  • ប្រធានបទ: បាល់ទាត់
  • អត្ថបទ: មានបញ្ហា?
  • មតិ-យោបល់

កីឡាករវ័យ ៣៤ឆ្នាំរូបនេះ បច្ចុប្បន្នលេងឲ្យក្រុមស៊ីដនី អេហ្វស៊ី (Sydney FC) បន្ទាប់ពីគាត់ចំណាយពេលអស់៩ឆ្នាំ នៅក្នុង​កីឡាដ្ឋាន អេវ៉ូដផាក (Ewood Park)។ ជាមួយនឹងបទពិសោធដ៏ច្រើនរបស់គាត់ នៅក្នុងប្រទេសអង់គ្លេសនេះ បានធ្វើឲ្យ​លោកគ្រូបង្វឹក អេនចេ ផូសតេកូកឡូ (Ange Postecoglou) សម្រេចចិត្តឲ្យរូបគាត់ ដឹកនាំតារាឆ្នើមប្រចាំលីកអូស្ត្រាលី ក្នុង​ការប្រកួតនាកីឡាដ្ឋាន អេអិនស្ស៊ិដ (ANZ Stadium)។

អេមើតុន ដែលបានចូលលេងឲ្យក្រុមប្លែកបឺន ប្រមាណជិត២៥០ប្រកួត បាននិយាយថា គាត់ពិតជារីករាយ និងមាន​កិត្តិយសខ្លាំងណាស់ ដែលបានធ្វើជាប្រធានក្រុម ក្នុងការប្រកួតជាមួយក្រុមដ៏ធំបំផុតរបស់ពិភពលោក (ម៉ែនញូ) និងជា​ក្រុមដ៏មានប្រជាប្រិយភាពបំផុត។

ខ្សែបម្រើរូបនេះ បាននិយាយ​នៅលើគេហទំព័រ របស់សហព័ន្ធបាល់ទាត់ ប្រទេសអូស្ត្រាលី (FFA) ថា៖ «វាជាកិត្តិយស​ដ៏​ធំធេងបំផុត ដែលខ្ញុំជាប់ឈ្មោះជាប្រធានក្រុម របស់តារាឆ្នើម ជម្រើសមកពីក្រុមខ្លាំងៗ ប្រទេសអូស្ត្រាលី ដែលវានឹង​ក្លាយ​ជាយប់ ដ៏ពិសេសមួយ សម្រាប់បាល់ទាត់ប្រទេសអូស្ត្រាលី។»

គាត់បានបន្តថា៖ «មានកីឡាករល្អៗជាច្រើន នៅក្នុងក្រុមនេះ ហើយវាពិតជារំភើប ដែលបានដឹកនាំសមាជិកក្រុម នៅមុខ​ហ្វូងមនុស្សប្រមាណ ៨៤០០០នាក់។ ម៉ែនឆេស្ទើ យូណៃធីត ជាក្រុមបាល់ទាត់ដ៏ធំមួយ ហើយយើងទាំងអស់គ្នា​ កំពុង​តែ​រងចាំយ៉ាងអន្ទះសារ សម្រាប់ការប្រកួតមួយនេះ។»

រីឯគ្រូបង្វឹក លោកផូសតេកូកឡូ បាននិយាយថា ដោយសារតែ អេមើតុនមានបទពិសោធន៏ច្រើននៅក្នុង​លីកកំពូល​ប្រទេស​អង់គ្លេស ទើបគាត់ក្លាយជាបេក្ខភាពដ៏សាកសមបំផុត ក្នុងការពាក់ក្រវ៉ាត់ដៃប្រធានក្រុម។

គ្រូបង្វឹករូបនេះ បានពន្យល់ថា៖ «អេមើតុន ជាកីឡាករដែលមានបទពិសោធន៏ដ៏ច្រើនបំផុត សម្រាប់យើង ហើយគាត់ធ្លាប់​លេងក្នុងការប្រកួតធំៗ ឬការប្រកួតកំរិតមួយខ្ពស់ ដូច្នេះវាពិតជាអស្ចារ្យ ដែលបានរូបគាត់ធ្វើជាប្រធានក្រុម។ ជាពិសេស គាត់កីឡាករដែលពុំសូវមានភាពឆេវឆាវ និងមានភាពមានការគោរពខ្ពស់ ចំពោះគូប្រកួត។ ការប្រកួតជាមួយ ក្រុមម៉ែនញូ ជាឱកាសដ៏ធំបំផុត ដូច្នេះគាត់ក៏ជាបេក្ខជនដ៏សាកសមបំផុតដែរ ក្នុងការដឹកនាំក្រុមនៅលើទីលានប្រកួត៕»

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...