ព្រីមែលីក បំពាក់​បច្ចេកវិទ្យា​បន្ទាត់​ទី នៅ​រដូវ​កាល​ថ្មី​នេះ

រដូវកាលបាល់ទាត់ព្រីមែលីក (Premier League) ឆ្នាំ ២០១៣-២០១៤ ដែលនឹងចាប់ផ្តើមនៅចុងសប្តាហ៏នេះ នឹងក្លាយ​ជា​ប្រវត្តិសាស្ត្របាល់ទាត់ថ្មីមួយទៀត ខណៈដែលបច្ចេកវិទ្យាបន្ទាត់ទី (Goal-line technology) នឹងដាក់ដំណើរជាផ្លូវការ​លើក​ដំបូង។
Loading...
  • ដោយ: វិន ជីវ័ន្ត
  • កែប្រែចុងក្រោយ: August 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រដូវកាលបាល់ទាត់ព្រីមែលីក (Premier League) ឆ្នាំ ២០១៣-២០១៤ ដែលនឹងចាប់ផ្តើមនៅចុងសប្តាហ៏នេះ នឹងក្លាយ​ជា​ប្រវត្តិសាស្ត្របាល់ទាត់ថ្មីមួយទៀត ខណៈដែលបច្ចេកវិទ្យាបន្ទាត់ទី (Goal-line technology) នឹងដាក់ដំណើរជាផ្លូវការ​លើក​ដំបូង។


ម៉ាស៊ីនដែលចាំពិនិត្យថតពីគ្រាប់បាល់។ (រូបថត Reuters)

ប្រព័ន្ធបចេ្ចកវិទ្យានេះ ត្រូវបានដាក់សាកល្បងនៅក្នុងការប្រកួត ហ្វីហ្វាក្លិបវើលខាប់ (FIFA Club World Cup) នៅ​ប្រទេស​ជប៉ុន កាលពីឆ្នាំមុន និងបានដាក់នៅក្នុងការប្រកួត ខុនហ្វេដឺរ៉េសិនខាប់ (Confederations Cup) នៅប្រទេសប្រេស៊ីលថ្មីៗ​នេះផងដែរ ប៉ុន្តែនៅក្នុងព្រឹត្តិការណ៏ធំៗទាំង២នោះ ពុំមានគ្រាប់បាល់ណា ដែលកាត់សេចក្តីពុំដាច់ស្រេចនោះឡើយ។

ដូច្នេះប្រព័ន្ធបច្ចេកវិទ្យានេះ នឹងត្រូវបានគេយកមកដាក់ដំណើរជាផ្លូវការនៅក្នុងក្របខ័ណ្ឌ ព្រីមែលីកវិញម្តង ដែលមានការ​ប្រកួតសរុបទាំងអស់ ៣៨០ប្រកួតក្នុងមួយរដូវកាល ហើយនឹងត្រូវចាប់ផ្តើមប្រកួតនៅថ្ងៃសៅរ៏សប្តាហ៏នេះ ខណៈដែល​លីកកំពូលរបស់អង់គ្លេស បានក្លាយជាលីកដំបូងគេបង្អស់ ដែលប្រើប្រាស់បច្ចេកវិទ្យានេះ។

ទទឹមនឹងការមកដល់របស់វា បច្ចេកវិទ្យាបន្ទាត់ទី នឹងធ្វើឲ្យការប្រកួតធំៗ នៅលីកកំពូលរបស់ពិភពលោក (ព្រីមែលីក) កាន់តែមានភាពប្រសើរជាងមុន ខណៈដែលវានឹងបន្ថែមជំនួយដល់លោកអាជ្ញាកណ្តាល ពីលើការកាត់ក្តីនានាដូចជា មិនឲ្យអ្នកចាំទីចាប់បាល់ នៅពេលដែលកីឡាករមិត្តរួមក្រុមបញ្ជូនបាល់ឲ្យ ឬអ្នកចាំទីពន្យាពេលជាដើម ដែលច្បាប់នោះ​ត្រូវបានបង្កើតឡើងតាំងតែពីឆ្នាំ១៩៩២។

ក្រុមហ៊ុន ដែលផលិតបច្ចេកវិទ្យានេះ ជាក្រុមហ៊ុនរបស់ចក្រភពអង់គ្លេស មានឈ្មោះថា «ភ្នែកស្ទាំង» (Hawk-Eye) ហើយ​វាត្រូវបានគេជ្រើសរើសពីលើក្រុមហ៊ុនអាឡឺម៉ង់ «ត្រួតពិនិត្យទី» (GoalControl) ដើម្បីដាក់ដំណើរការគ្រប់​កីឡាដ្ឋាន​បាល់​ទាត់ទាំងអស់ នៅក្នុងក្របខ័ណ្ឌព្រីមែលីករបស់អង់គ្លេស។

កំឡុងពេល ដែលរដូវកាលបានបញ្ចប់កន្លងមកនេះ ក្រុមហ៊ុនបានបំពាក់កាមេរ៉ា បន្ថែមទៀត ទៅលើកីឡាដ្ឋានក្រុម​បាល់​ទាត់ ទាំង២០ក្រុមនោះ ដែលចាប់ផ្តើមពីកីឡាដ្ឋាន អូលត្រាហ្វដ (Old Trafford) របស់ក្រុមម្ចាស់ជើងឯក ម៉ែនឆេស្ទើ យូណៃធីត (Manchester United) រហូតដល់កីឡាដ្ឋាន ឃេស៊ី (KC Stadium) របស់ក្រុម ដែលទើបតែឡើងមកកាន់លីក​កំពូលថ្មីៗ ហ៊ុលស៊ីធី (Hull City)។

ប្រព័ន្ធបច្ចេកវិទ្យា របស់ភ្នែកស្ទាំង នឹងប្រើប្រាស់កាមេរ៉ាធំៗ ចំនួន១៤គ្រឿង (៧គ្រឿង សម្រាប់ចាប់គ្រាប់បាល់បញ្ចូលទី)។ គ្រប់ចលនាបាល់ក្នុងការប្រកួត នឹងត្រូវបានកាមេរ៉ាចាប់យក នឹងបញ្ជូនទៅកាន់ប្រព័ន្ធកុំព្យូទ័រទាំងអស់។ ជាពិសេស នៅ​ពេលដែលបាល់ឆ្លងផុតបន្ទាត់ទី នឹងមានសញ្ញាមួយ ដែលផ្តល់ជាសម្លេងទៅដល់កាស​ពាក់ត្រចៀក​របស់​លោកអាជ្ញា​កណ្តាលក្នុងទីលាន ត្រឹមតែរយះពេល ១វិនាទីតែប៉ុណ្ណោះ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៣ ខែសីហា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...