តឺនីស៖ ម្ចាស់​ការពារ​ដំណែង​ជើង​ឯក អេនឌី ម៉ួរេ ធ្លាក់​វគ្គ​១​ភាគ​៤

កីឡាករលំដាប់លេខ១ ចក្រភពអង់គ្លេស និងជាម្ចាស់ការពារដំណែងជើងឯក «យូអេសអូផិន» (US Open) អេនឌី មួរ៉េ (Andy Murray) បានធ្លាក់ក្រោមថ្វីដៃកីឡាករលេខ៩ របស់ស្វីស ស្តែនីស្លាស វ៉ាវរីនកា (Stanislas Wawrinka) ក្នុងវគ្គ​១ភាគ៤ផ្តាច់ព្រ័ត្រ កាលពីថ្ងៃព្រហស្បត៏។
Loading...
  • ដោយ: វិន ជីវ័ន្ត
  • កែប្រែចុងក្រោយ: September 06, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករលំដាប់លេខ១ ចក្រភពអង់គ្លេស និងជាម្ចាស់ការពារដំណែងជើងឯក «យូអេសអូផិន» (US Open) អេនឌី មួរ៉េ (Andy Murray) បានធ្លាក់ក្រោមថ្វីដៃកីឡាករលេខ៩ របស់ស្វីស ស្តែនីស្លាស វ៉ាវរីនកា (Stanislas Wawrinka) ក្នុងវគ្គ​១ភាគ៤ផ្តាច់ព្រ័ត្រ កាលពីថ្ងៃព្រហស្បត៏។


កីឡាករ អេនឌី មួរ៉េ បោកបំបែករ៉ាកែតគាត់ចោល ក្រោពេលប្រកួតចាញ់។ (រូបថត Getty Images)

មួរ៉េ បានចាញ់៣សិតផ្ទួនៗ ដោយលទ្ធផល ៦-៤, ៦-៣ និង ៦-២ នៅក្នុងកីឡាដ្ឋាន អាទថើ អាស (Arthur Ashe Stadium) សហរដ្ឋអាមេរិក។

កីឡាករលេខ៣ពិភពលោក មួរ៉េ បានប្រាប់ដល់វិទ្យុប៊ីប៊ីស៊ី៥ (BBC Radio 5) ថា៖ «វាជាថ្ងៃដ៏អាក្រក់បំផុតសម្រាប់ខ្ញុំ។ គាត់ (វ៉ាវរីនកា) លេងបានយ៉ាងល្អ ហើយល្អខ្លាំងណាស់។ គាត់វាយចេញ និងធ្វើការវាយបកយ៉ាងលឿន ហើយទីបំផុតគាត់​អាច​ទទួលជ័យជំនះ។ គាត់លេងបានល្អណាស់។»

ក្នុងការប្រកួតមួយដ៏ធំ ដែលមនុស្សជាច្រើនបានព្យាករណ៏ថា នឹងអាចឈានដល់សិតទី៥នោះ ជាក់ស្តែងវាចំណាយ​ពេល​ត្រឹមតែ ២ម៉ោង ១៥នាទី តែប៉ុណ្ណោះ សម្រាប់កីឡាករ វ៉ាវរីនកា ក្នុងការយកឈ្នះកីឡាករជើងខ្លាំង នៅក្នុងទីក្រុងញ៉ូយ៉ក។

កីឡាករវ័យ ២៨ឆ្នាំ វ៉ាវរីនកា នឹងឡើងទៅកាន់វគ្គពាក់កណ្តាលផ្តាច់ព្រ័ត្រ ហ្រ្គែនស្លាម (Grand Slam) ជាលើកដំបូង ខណៈ​ដែលគាត់អាចនឹងជួបកីឡាករ លេខ១ពិភពលោក ណូវ័ក ឌីចូកូវីក (Novak Djokovic) ឬកីឡាករលេខ ២១ពិភពលោក មីកហែល យ៉ូស្នី (Mikhail Youzhny)។

មួរ៉េ វ័យ ២៦ឆ្នាំ ដែលបានឈ្នះពានរង្វាន់ដ៏ធំ «យូអេសអូផិន» កាលពីឆ្នាំមុននោះ មិនអាចធ្វើបានល្អទេនៅឆ្នាំនេះ។

គាត់បានបន្តថា៖ «ខ្ញុំលេងបានល្អគ្រប់គ្រាន់ មុននឹងឡើងមកដល់វគ្គ១ភាគ៤នេះ។ វាមិនមែនជារឿងងាយស្រួលទេ ក្នុង​ការធ្វើវា ខណៈដែលសល់កីឡាករតែ ៨នាក់គត់ ដែលឈានមកដល់វគ្គនេះ។»

មួរ៉េ បានបន្ថែមថា៖ «ខ្ញុំលេងតឺនីសបានល្អបំផុត នៅក្នុងការប្រកួតធំៗ ក្នុងរយះពេល ៣ឆ្នាំចុងក្រោយនេះ។ ប៉ុន្តែថ្ងៃនេះ វាប្រហែលជាមិនមែនជាថ្ងៃល្អសម្រាប់ខ្ញុំទេ។»

រីឯ វ៉ាវរីនកា ក៏បានបន្ថែមដែរថា៖ «វាជារឿងមួយដ៏អស្ចារ្យសម្រាប់ខ្ញុំ ដែលបានឡើងទៅកាន់វគ្គពាក់កណ្តាល​ផ្តាច់ព្រ័ត្រ​ហ្គ្រែនស្លាម។ ជាពិសេសនៅពេលអាចយកឈ្នះ អេនឌី មួរ៉េ ដែលជាម្ចាស់ការពារដំណែងជើងឯកផងនោះ៕»

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៦ ខែកញ្ញា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...