តុល្យភាព​នៃ​ព្យុះ​​សមុទ្រ​​នៅ​​ហ្វីលីពីន៖ ស្លាប់​ជាង​៦​ពាន់ និង​បាត់​ខ្លួន​ជិត​២​ពាន់

ចំនួនជនរងគ្រោះដល់ជីវិត នៅក្នុងព្យុះសមុទ្រ ហៃយ៉ាន ដែលបានចូលមកទន្រ្ទាននិងបង្កវិនាសកម្មយ៉ាងធំធេង នៅ​ថ្ងៃទី៨ខែវិច្ឆិកាកន្លងមកនោះ បានធ្វើឲ្យបញ្ជីតុល្យភាពក្រោយព្រឹត្តិការណ៍នេះ មានទម្ងន់កាន់តែខ្លាំងឡើង។ បើតាម​តុល្យភាពផ្លូវការដែលបានផ្សាយនៅថ្ងៃសុក្រនេះ ដោយរដ្ឋាភិបាលហ្វីលីពីន បានឲ្យដឹងថា មនុស្សស្លាប់​មានច្រើន​ជាង៦០០០នាក់ និងបាត់ខ្លួនមានជិត ២០០០នាក់ ផ្សេងទៀត។
Loading...
  • ដោយ: កេសរ កូល
  • កែប្រែចុងក្រោយ: December 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ចំនួនជនរងគ្រោះដល់ជីវិត នៅក្នុងព្យុះសមុទ្រ ហៃយ៉ាន ដែលបានចូលមកទន្រ្ទាននិងបង្កវិនាសកម្មយ៉ាងធំធេង នៅ​ថ្ងៃទី៨ខែវិច្ឆិកាកន្លងមកនោះ បានធ្វើឲ្យបញ្ជីតុល្យភាពក្រោយព្រឹត្តិការណ៍នេះ មានទម្ងន់កាន់តែខ្លាំងឡើង។ បើតាម​តុល្យភាពផ្លូវការដែលបានផ្សាយនៅថ្ងៃសុក្រនេះ ដោយរដ្ឋាភិបាលហ្វីលីពីន បានឲ្យដឹងថា មនុស្សស្លាប់​មានច្រើន​ជាង៦០០០នាក់ និងបាត់ខ្លួនមានជិត ២០០០នាក់ ផ្សេងទៀត។


កោះមួយ ដែលត្រូវខ្យល់ព្យុះបក់ពង្រាប បង្កមហន្តរាយយ៉ាងធ្ងន់ធ្ងរ។ (រូបថត REUTERS/Erik De Castro)

គ្រោះធម្មជាតិ - ក្រុមប្រឹក្សាគ្រប់គ្រង់និងកាត់បន្ថយគ្រោះធម្មជាតិ ដែលជាស្ថាប័នមួយរបស់រដ្ឋាភិបាល​នៃប្រទេស​ហ្វីលីពីន បានផ្សាយឲ្យដឹងថា តុល្យភាពផ្លូវការនៃគ្រោះថ្នាក់ បង្កដោយព្យុះសមុទ្រ ហៃយ៉ាន បានបង្ហាញពីតួលេខ​ច្បាស់លាស់មួយ៖ អ្នកស្លាប់ ៦០០០នាក់។

ព្យុះសមុទ្រ ហៃយ៉ាន បានក្លាយជាព្យុះមួយ ដែលបានបង្កវិនាសកម្មយ៉ាងរង្គាលជាងគេ នៅក្នុងចំណោមព្យុះដែល បោកបក់មានកម្លាំងខ្លាំងទៅលើផែនពសុធា។ ហៃយ៉ាន ក៏ត្រូវបានកត់ត្រាថា ជាខ្យល់ព្យុះដ៏សាហាវលើកទីមួយដែរ នៅក្នុងប្រវត្តិសាស្ត្រនៃកោះហ្វីលីពីនកន្លងមក។

ក្រុមប្រឹក្សា បានរាប់ឃើញមានជនរងគ្រោះដោយបាត់ខ្លួន មានចំនួន ១៧៧៩នាក់។

បណ្ដាជនជាង៤លាននាក់ បានបាត់បង់ផ្ទះសម្បែងរបស់ពួកគេ ជាពិសេសបណ្ដាជនដែលរស់នៅលើ កោះ លីត (Leyte) និងសាមារ (Samar)។ ខ្យល់ព្យុះ ហៃយ៉ាន បានបោកបក់ក្នុងល្បឿនលឿនជាង ៣០០គីឡូម៉ែត្រ ក្នុងមួយ​ម៉ោង ហើយបានបង្កឲ្យមានរលកយក្សធំៗជាច្រើន ដែលប្រៀបបានទៅនឹងរលកយក្ស ស៊ូណាមី។

គួររំលឹកថា គ្រោះថ្នាក់ធម្មជាតិ ដែលបានបង្កវិនាសកម្មខ្លាំងជាងគេ នៅមុនវិនាសកម្មបង្កដោយ​ព្យុះសមុទ្រ​ហៃយ៉ាន​​នេះ ជាគ្រោះរំជួយសមុទ្រ ស៊ូណាមី កាលពីឆ្នាំ១៩៧៦ ស្ថិតនៅផ្នែកខាងត្បូងនៃប្រទេស។ គ្រោះរំជួយ​សមុទ្រនេះ បានធ្វើឲ្យមនុស្សស្លាប់រវាងពី៥ ទៅ ៨០០០នាក់៕

--------------------------------------------------------
ដោយ ៖ ក. កេសរកូល - ភ្នំពេញ ថ្ងៃទី ១៣ ខែធ្នូ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...