ធី សុវណ្ណថា៖ បេសកកម្ម​ដើម្បី​ការ​ផ្លាស់​ប្ដូរ ទាំង​នៅ​វ័យ​ក្មេង

«ហ៊ាននិយាយ ហ៊ានលើកឡើង ហ៊ានថា ហ៊ានរិះគន់ ទោះបីយុវជនទាំងនោះស្រលាញ់គណបក្សណាក៍ដោយ គាត់​ជាប់ឆ្នោតហើយក៍ដោយ ប៉ុន្តែបើអ្នកដឹកនាំនោះ ដឹកនាំខុសពីប្រជាពលរដ្ឋចង់បាននោះ យុវជន និងប្រជាពលរដ្ឋ​មាន​សិទ្ធិក្នុងការរិះគន់ ដើម្បីអោយមេដឹកនាំនោះ ចេះកែតំរូវរាល់ទង្វើខុសឆ្គង» នេះជាសំលេងម៉ឺងម៉ាត និងមិនបង្អង់មាត់​របស់កញ្ញា ធី សុវណ្ណថា យុវតីសម័យថ្មីមួយរូប ដែលបានល្បីខ្លាំង នៅតាមបណ្ដាញសង្គមហ្វេសប៊ុក។
Loading...
  • ដោយ: ក. សុខឃៀង ដោយ ក. ស៊ន សុខឃៀង ([email protected]) - ភ្នំពេញ ថ្ងៃទី២២ ខែមករា ឆ្នាំ២០១៤
  • កែប្រែចុងក្រោយ: January 22, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ល្បីទាំងវ័យក្មេង - មានយុវជនដែលលេងហ្វេសប៊ុកតិចណាស់ ដែលមិនសូវស្គាល់កញ្ញា ធី សុវណ្ណថា យុវតីវ័យក្មេង ដែលមើលទៅហាក់ដូចជាដើរតួនាទីច្រើនដូចជា អ្នករាយការណ៍ព័ត៌មានទាន់ហេតុការណ៍ ពីទិដ្ឋភាពសង្គមខែ្មរ រាយ​ការណ៍ពីសកម្មភាពគណបក្សសង្គ្រោះជាតិ ឬពេលខ្លះដើរតួជាអ្នករកមូលនិធិក្រៅប្រទេស សំរាប់ជួយ​ដល់​ប្រជា​ពលរដ្ឋក្រីក្រ តាមប្រពន្ធ័ផ្សព្វផ្សាយហ្វេសប៊ុកផ្ទាល់ខ្លួន។ ហើយពេលខ្លះ គេក៏បានសង្កេតឃើញថា ការនិយាយស្តី​រិះគន់ចំៗ និងធ្វើការវាយប្រហារដោយត្រង់ៗ ទៅរដ្ឋាភិបាលគ្រប់គ្រងដោយគណបក្សប្រជាជនកម្ពុជា ដោយគ្មាន​ការ​ញញើត ឬភ័យខ្លាចសូម្បីបន្តិចណាឡើយ។

ក្នុងបទសម្ភាសន៍មួយ ជាមួយទស្សនាវដ្តី មនោរម្យព័រអាំងហ្វូ យុវតីស្រដីមុតរូបនេះ បានពន្យល់ថា «ស្របពេលគ្រប់​អាយុ​បោះឆ្នោត ១៨ឆ្នាំ នៃការបោះឆ្នោតជ្រើសរើសតំណាងរាស្រ្តនីតិកាលទី៥ ឆ្នាំ២០១៣ កន្លងទៅនេះ គឺដល់ពេល​ដែលសន្លឹកឆ្នោតរបស់ខ្ញុំ មានតំលៃ ក្នុងការបង្ហាញឆន្ទៈស្រលាញ់ពេញចិត្ត ទៅលើគោលនយោបាយទាំងប្រាំពីរ របស់គណបក្សសង្គ្រោះជាតិ ដោយចង់ប្តូរមេដឹកនាំថ្មី»។ ជាពិសេស សុវណ្ណថា បាននិយាយចំៗ មិនគាំទ្រ និងមិន​ពេញចិត្ត លើគណបក្សកាន់អំណាច ព្រោះតែឃើញពី ភាពអសកម្ម នៅក្នុងសង្គម អំពើអយុតិ្តធម៌ ការកេងប្រវណ្ឌ័​បន្លំ​ដីធ្លី រំលោភ​បំពានពីប្រជាពលរដ្ឋខែ្មរស្លូតត្រង់ បានកើតឡើងយ៉ាងព្រោងព្រាត នៅលើទឹកដីកំណើតរបស់នាង។

ស្ថិតក្នុងវ័យ១៨ ឈានចូល១៩ឆ្នាំ កំពស់ខ្ពស់ និងសម្បុរសស្រអែមទៀតនោះ ធីសុវណ្ណថា ជាយុវតីរៀនថ្នាក់ទី១១ នៅសាលាឯកជនបែបគ្រស្តិសាសនា (Cambodia Adventist School ) ថែមជាកូនច្បង ក្នុងចំណោមបងប្អូនប្រុស៣​នាក់។ ហើយសព្វថៃ្ងនេះ នាងតែងឆ្លៀតពេលទំនេរពីការសិក្សា ធ្វើការអំពាវនាវ ពីសប្បរសជនក្រៅប្រទេស ទទួល​ទូរសព្ទ័​ទៅ​ទទួលលុយ និងយកលុយនោះទៅជូនដល់ជនរងគ្រោះ ដូចជានៅមន្ទីរពេទ្យ ឬតាមខេត្តនានាជាដើម។

នៅលើទំព័រហ្វេសប៊ុករបស់នាង ដែលមានអ្នកតាមដានច្រើនជិត ២០ម៉ឺននាក់នោះ គេបានសង្កេតឃើញមានពាក្យ​ជេរប្រមាថ និងរិះគន់របស់អ្នកផ្តល់មតិ (COMMENT) ជាច្រើន ចំពោះនាង។ អ្នកខ្លះចោទប្រកាន់ថា ជាសាច់ញាតិ​របស់​បក្សសង្គ្រោះជាតិ ជាកូនរបស់លោកកឹមសុខា ឬ ជាក្មួយលោក សម រង្ស៉ី ដែលតាមពិត នាងគ្រាន់តែស្ថិត​នៅ​ក្នុង​គ្រួសារ ជាអ្នកជំនួញសាមញ្ញតែប៉ុណ្ណោះ។ ហើយពេលខ្លះ គេថានាងតាំងខ្លួនចង់ល្បីក្នុងឆាកនយោបាយ និង​លាប​ពណ៌នាងថាជាអ្នកញុះញង់ អោយខែ្មរឈ្លោះគ្នានោះថែមទៀត។

តែយ៉ាងណាក៏ដោយ ក៏សុវណ្ណថា កញ្ញានៅតែបន្តសកម្មភាពមនុស្សធម៌ សកម្មភាពស្រលាញ់ខែ្មរដូចគ្នា ដើម្បីស​បញ្ជាក់ថា នាងមិនបានធ្វើអ្វី ដូចដែលគេយល់ច្រឡំនោះទេ។ ចំពោះការចូលរួមក្នុងរឿងនយោបាយ នាងបាន​អះអាង​ច្បាស់ៗថា ការចូលរួមនេះ ចង់អោយយុវជនទាំងអស់ ក្រោកឈរ ហ៊ាននិយាយ ហ៊ានតវ៉ារាល់អ្វី ដែលយុវជន​ទាម​ទារ​ចង់បានពីរដ្ឋាភិបាល។

ចូលដល់សំនួរផ្ទាល់ខ្លួនថា សុវណ្ណថា មានសង្សារនៅ? នាងដូចនិយាយឆ្លើយតបទាំងអៀននិងបង្អូសសំលេងថា នាង​អត់ទាន់គិតរឿងនេះទេ តែអោយមនុស្សប្រុសម្នាក់នោះជាខែ្មរដូចគ្នា និងមានឆន្ទះស្រលាញ់ជាតិដូចនាងដែរ។ ហើយ​នៅថៃ្ងអនាគត សុវណ្ណថា មានគំរោងចង់សិក្សាជំនាញទំនាក់ទំនងការទូត និងចង់ក្លាយជាអ្នកនយោបាយ​ទៀត​ផង៕

--------------------------------------
ដោយ ក. ស៊ន សុខឃៀង (ទំនាក់ទំនង៖ [email protected]) - ភ្នំពេញ ថ្ងៃទី២២ ខែមករា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...