ហ៊ុន សែន ជា​«បុរស​ថ្ពាល់​ផ្អែម» ព្រោះទទួល​ការ​ថើប​ពិបាក​លាង

នៅចំពោះក្រុមកម្មករ-កម្មការិនី ច្រើនពាន់នាក់ ក្នុងព្រឹកថ្ងៃទី២១ ខែមីនានេះ លោកនាយករដ្ឋមន្ត្រី ហ៊ុន សែន បានថ្លែងអួតអាងថា លោកប្រហែលក្លាយជា «បុរសថ្ពាល់ផ្អែម» ដោយលោកសំដៅលើ មានការថើបថ្ពាល់លោកយ៉ាងច្រើន ទាំងក្នុងប្រទេស និងថែមទៅដល់ប្រទេសអូស្ត្រាលី នោះផង។ តែលោកបានត្អូញត្អែរថា ការថើបនៅលើកោះអូស្ត្រាលី ពិបាកលាងជម្រះជាទីបំផុត។
ហ៊ុន សែន ជា​«បុរស​ថ្ពាល់​ផ្អែម» ព្រោះទទួល​ការ​ថើប​ពិបាក​លាង
លោកនាយករដ្ឋមន្ត្រី ហ៊ុន សែន ទទួលបាន«ការថើប» ដែលលោកត្អូញត្អែរថា ពិបាកលាងជ្រះ។ (រូបថតលើហ្វេសប៊ុក)
Loading...
  • ដោយ: មនោរម្យ.អាំងហ្វូ ([email protected]) - ភ្នំពេញ ថ្ងៃទី២១ មីនា ២០១៨
  • កែប្រែចុងក្រោយ: March 21, 2018
  • ប្រធានបទ: នយោបាយខ្មែរ
  • អត្ថបទ: មានបញ្ហា?
  • មតិ-យោបល់

«សូមបញ្ជាក់ជូនក្មួយៗ ដែរថា បន្តិចទៀត ពូប្រហែលជា ទៅជាបុរសថ្ពាល់ផ្អែម» នេះ ជាការលើកឡើង របស់លោកនាយករដ្ឋមន្ត្រី ហ៊ុន សែន ដើម្បីពន្យល់ពីការចូលចិត្ត «ថើបថ្ពាល់»​លោក ពីសំណាក់អ្នកគាំទ្រ​​របស់លោក ជាស្ត្រី ដ៏ច្រើនពោរពាស។ លោកបានលើកយកករណី «ថើបថ្ពាល់» របស់លោកនេះ មកបញ្ជាក់ នៅក្នុងពិធីជួបជាមួយកម្មករ កម្មការិនីប្រមាណជាង ១៥ពាន់នាក់ មកពីរោងចក្រ សហគ្រាសចំនួន៥ នៅភូមិជ្រៃកោង ផ្លូវវេងស្រេង ខណ្ឌពោធិ៍សែនជ័យ នាព្រឹកថ្ងៃទី២១ ខែមីនា ឆ្នាំ២០១៧នេះ។

លោកបានថ្លែង ដោយមោទនភាពថា៖ «មិនមែនថើប នៅកន្លែងហ្នឹង [ក្នុងពិធីជំនួប ជាមួយកម្មករ កម្មការិនី] ទេ។ ទៅអូស្ត្រាលីហ្ន៎! ថើបនៅអូស្ត្រាលី គឺជាថើប ដែលពិបាកលាងជាងគេ។ ព្រោះថា ការ៉េមរបស់ក្មួយៗ នៅទីនេះ ខ្លះអត់មានការ៉េមទេ ខ្លះមានការ៉េមដែរ តែមិនសូវជាជាប់ទេ។ ការ៉េមនៅអូស្ត្រាលី ពេលដែលថើបហើយ ទាល់តែឡើងចូលអូតែល ដុសចេញ។ អត់មានយក​កន្សែង​យកមកជូត ដាច់ទេ។»។

ប្រមុខរដ្ឋាភិបាលកម្ពុជា បានបន្តថា៖ «ក្មួយៗនៅឯណោះ ក៏មានការថើប ហើយក៏សូមផ្ដាំផ្ញើរពីទីនេះ ចំពោះក្មួយៗ ចំពោះប្រជាពលរដ្ឋរបស់យើង នៅអូស្ត្រាលី ក៏ដូចជានូវែលហ្សេឡង់ ដែលបានអញ្ជើញមកច្រើនកុះករ ក្នុងការទទួលបដិសណ្ឋារកិច្ច ក្នុងឋានៈជាមេដឹកនាំប្រទេសជាតិមួយ ទៅប្រជុំនៅប្រទេសអូស្ត្រាលី។ វត្តមានរបស់បងប្អូន ដែលមាននៅទីនោះ គឺបង្ហាញពីការគាំទ្រ ដ៏ជាក់លាក់ ចំពោះព្រះរាជាណាចក្រកម្ពុជា ដែលមានមេដឹកនាំរបស់ខ្លួន ទៅកាន់ប្រទេសអូស្ត្រាលី។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...