ម៉ែនឆែស្ទើ យូណាយធីត នឹង​ទៅ​កម្សាន្ដ​នៅ​អាមេរិក​នា​រដូវ​ក្ដៅ​នេះ

យោងតាមគេហទំព័រកីឡាដ៏ល្បីល្បាញ independent បានឲ្យដឹងថា ក្លឹប ម៉ែនឆែស្ទើ យូណាយធីត (Manchester United) បានប្រកាសពីគម្រោងដំណើរកម្សាន្តនារដូវក្ដៅ (Summer Tour) ខាងមុខថា ក្លឹបនឹងធ្វើដំណើរកម្សាន្ត ព្រមទាំងប្រកួតជាលក្ខណៈមិត្តភាព ដើម្បីត្រៀមបើករដូវកាលថ្មី ២០១៤/១៥ នៅសហរដ្ឋអាមេរិក។
Loading...
  • ដោយ: វន់ ដារា
  • កែប្រែចុងក្រោយ: February 05, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យោងតាមគេហទំព័រកីឡាដ៏ល្បីល្បាញ independent បានឲ្យដឹងថា ក្លឹប ម៉ែនឆែស្ទើ យូណាយធីត (Manchester United) បានប្រកាសពីគម្រោងដំណើរកម្សាន្តនារដូវក្ដៅ (Summer Tour) ខាងមុខថា ក្លឹបនឹងធ្វើដំណើរកម្សាន្ត ព្រមទាំងប្រកួតជាលក្ខណៈមិត្តភាព ដើម្បីត្រៀមបើករដូវកាលថ្មី ២០១៤/១៥ នៅសហរដ្ឋអាមេរិក។


ក្រុមកីឡាបាល់ទាត់ ម៉ែនឆែស្ទើ យូណាយធីត។ (រូបថត independent.co.uk)

បាល់ទាត់អង់គ្លេស - ក្រុមការពារជើងដំណែងឯក អ៊ីងគ្លេស ព្រីមៀលីក (English Premier League) មួយនេះ​ខក​ខានមិនបានធ្វើដំណើរកម្សាន្ដទៅអាមេរិកចាប់តាំងពីឆ្នាំ ២០១១ កន្លងមក នៅពេលនេះមិនទាន់ប្រកាស​ច្បាស់​លាស់ថាក្លឹបនឹងត្រូវប្រកួតប៉ុន្មានប្រកួតជាមួយក្រុមណាខ្លះ នៅកន្លែងណាខ្លះ នៅឡើយទេ។ ប៉ុន្ដែអ្វីដែលច្បាស់​លាស់គឺ ក្លឹបនឹងធ្វើដំណើរទៅកាន់តំបន់ជាគោលដៅមួយចំនួន នៅសហរដ្ឋអាមេរិកសម្រាប់វិស្សមកាល​រដូវក្ដៅ​ខាង​មុននេះ។

ទោះជាយ៉ាងណាក្ដី កាលវិភាគដំណើរកម្សាន្ដរបស់ ក្លឹប ម៉ែនឆែស្ទើ យូណាយធីត នឹងអាស្រ័យលើពេលវេលា​សម្រាក ដែលក្លឹបមានសម្រាប់រដូវក្ដៅនេះ មានន័យថាប្រសិនបើក្លឹបអាចបញ្ចប់ក្នុងចំណាត់ថ្នាក់កំពូលតារាងទាំង៤ ក្លឹបនឹងមានពេលវេលាសម្រាកវែង ផ្ទុយទៅវិញប្រសិនក្លឹបមិនបានបញ្ចប់ក្នុងចំណាត់ថ្នាក់ត្រឹមលេខ៤ នោះទេ​ ក្លឹប​ត្រូវតែប្រញាប់វិលត្រលប់មកវិញដើម្បីត្រៀមប្រកួតជម្រុសក្នុងក្របខណ្ឌ អ៊ឺរ៉ុបប៉ា លីក (Europa League)។

លោក រីឆាដ អ៊ាណុល (Richard Arnold) នាយកផ្នែកគ្រប់គ្រងរបស់ក្លឹប ក៏បានចេញមកធ្វើការប្រកាសនៅក្នុង​គេហទំព័រផ្លួវការ​របស់ក្លឹប អំពីដំណើរកម្សាន្ដទៅអាមេរិកនេះផងដែរ។ លោកបានឲ្យដឹងថា ពេលនេះនៅ​អាមេរិក​មាន​ប្រិយមិត្ត​គាំទ្រក្លឹប ម៉ែនឆែស្ទើ យូណាយធីត ច្រើនជាង ៨ លាននាក់ ហើយដំណើរកម្សាន្ដលើកនេះជាឱកាស ដ៏ល្អ​មួយសម្រាប់​អ្នកគាំទ្រទាំងអស់មានឱកាសទស្សនាការប្រកួតរបស់ក្លឹបដែលពួកគេគាំទ្រដោយផ្ទាល់។

នាយកគ្រប់គ្រងរូបនេះ បានបញ្ជាក់ថា៖ «ខ្ញុំពិតជាមានអារម្មណ៍រីករាយណាស់ ក្នុងការប្រកាសថាក្រុមនឹងត្រូវ​ធ្វើ​ដំណើរទៅកាន់សហរដ្ឋអាមេរិកសម្រាប់ឆ្នាំ២០១៤ នៅក្នុងទស្សន​កិច្ចទេសចរណ៍ និងការប្រកួតមិត្តភាពផងនោះ»។

លោកបន្ថែមថា «ចាប់តាំងពីដំណើរទស្សនកិច្ចចុងក្រោយរបស់ក្លឹបក្នុងឆ្នាំ ២០១១ កីឡាបាល់ទាត់នៅអាមេរិក​បាន​កើនឡើងយ៉ាងឆាប់រហ័សជាបន្តបន្ទាប់»។ តាមប្រភពសារព័ត៌មាន NBC បានរាយការណ៍ថា សម្រាប់ការបើក​រដូវកាល​ចុងក្រោយនេះ នៅក្នុងក្របខ័ណ្ឌ Barclays Premier League បានឃើញការកើនឡើងជាមធ្យម ៧៨% កាលពីរដូវកាល ២០១២/១៣នេះ។

គួរបញ្ជាក់ដែរថា ក្លឹប បិសាចក្រហម ក្លឹប ម៉ែនឆែស្ទើ យូណាយធីត មានអ្នកគាំទ្រជាង ៨លាននាក់នៅក្នុង​សហរដ្ឋ​អាមេរិក ក្នុងឆ្នាំ២០១៤ ទេសចរណ៍បង្ហាញជាឱកាសដ៏គួរឱ្យរំភើបសម្រាប់អ្នកគាំទ្រចំពោះក្លឹ ពួកគេបាន​បង្ហាញ​នូវ​ការស្រឡាញ់។

ក្លឹប ម៉ែនឆែស្ទើ ស៊ីធី និងចូលរួមក្នុងការប្រកួតមិត្តភាពអន្តរជាតិ ជាលក្ខណៈដណ្ដើមពានរង្វាន់ ដែលជាគេហៅថា International Champions Cup ដែលត្រូវធ្វើការប្រកួតប្រជែងជាមួយក្រុមខ្លាំងៗ ដទៃទៀមមកពីតំបន់អឺរ៉ុប៕

--------------------------------------
ដោយ​ វ៉ន ដារ៉ា (ទំនាក់ទំនង៖ [email protected]) - ភ្នំពេញ ថ្ងៃទី០៥ ខែកុម្ភះ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...