ហ្វេសប៊ុក បោះ​ទុន ១៩​ពាន់​លាន​ដុល្លា ដើម្បី​ទិញ​កម្មវិធី​ផ្ញើ​សារ​មួយ

ក្នុងពេលថ្មីៗនេះ ក្រុមហ៊ុនបណ្ដាញសង្គមដ៏ធំ នៅលើពិភពលោក​ ដែលអស់លោកអ្នកបានស្គាល់ ហើយកំពុង​តែ​ប្រើប្រាស់វាជារាងរាល់ថ្ងៃ សម្រាប់ការទំនាក់ទំនង និងកិច្ចការផ្ទាល់ខ្លួនទីទៃទៀតនោះ ឥឡូវបានចំណាយទុន​ដ៏​មហិមា​ដើម្បីទិញយកកម្មវិធីមួយ ដែលមានឈ្មោះថា វ័ត អ៊ែភ (WhatsApp)។
Loading...
  • ដោយ: វន់ ដារា
  • កែប្រែចុងក្រោយ: February 21, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្នុងពេលថ្មីៗនេះ ក្រុមហ៊ុនបណ្ដាញសង្គមដ៏ធំ នៅលើពិភពលោក​ ដែលអស់លោកអ្នកបានស្គាល់ ហើយកំពុង​តែ​ប្រើប្រាស់វាជារាងរាល់ថ្ងៃ សម្រាប់ការទំនាក់ទំនង និងកិច្ចការផ្ទាល់ខ្លួនទីទៃទៀតនោះ ឥឡូវបានចំណាយទុន​ដ៏​មហិមា​ដើម្បីទិញយកកម្មវិធីមួយ ដែលមានឈ្មោះថា វ័ត អ៊ែភ (WhatsApp)។


រូបសញ្ញារបស់ ហ្វេសប៊ុក និង វ័តអ៊ែភ។

សេដ្ឋកិច្ច - ស្ថាបនិក និងនាយកប្រតិបត្តិ នៃបណ្ដាញសង្គមហ្វេសប៊ុក លោក ម៉ាក់ អ៊ីលៀត ហ្សូកឺប៊ឺក (Mark Elliot Zuckerberg) បានប្រាប់ក្រុមសារព័ត៌មាននានា ឲ្យដឹងថា «មូលហេតុ ក្នុងការចំណាយដើម​ទុនដ៏​មហាសាល​នេះ គឺហ្វេសប៊ុក មានគោលបំណងដើម្បីពង្រីកបន្ថែម នូវប្រព័ន្ធទំនាក់ទំនងសង្គមនេះ ឲ្យកាន់តែមានភាព​ទូលំ​ទូលាយ និងមានភាពងាយស្រួលក្នុងការប្រើប្រាស់។ ជាពិសេស នៅពេលដែលហ្វេសប៊ុក ភ្ជាប់បណ្ដាញ វ័តអ៊ែភនេះ នោះ​វា​អាចឲ្យបណ្ដាញសង្គមមួយនេះ បង្ហាញចេញនូវ ប្រព័ន្ធដំណើរការថ្មីៗជាច្រើនផ្សេងទៀត ដល់អ្នក​ប្រើប្រាស់​ទូទាំង​សកលលោល។»

ការចុះហត្ថលេខា ទិញយក កម្មវីធីផ្ញើសារ វ័តអ៊ែភ ក្នុងចំនួនទឹកប្រាក់យ៉ាងច្រើនសម្បើម រហូត​ដល់​១៩ពាន់លាន​ដុល្លារ នេះ គឺក្នុងនោះ ចំនួនទឹកប្រាក់ ៤ពាន់លានដុល្លារ ជាប្រាក់សុទ្ធ និង១២ ពាន់លាន ដុល្លារទៀត ជាប័ណ្ណ​ភាគហ៊ុនរបស់របស់ហ្វេសប៊ុក។ ក្រៅពីនេះ ហ្វេសប៊ុក ក៏បានចំណាយបន្ថែមនូវទឹកប្រាក់​៣ពាន់លាន​ដុល្លារ​ទៀត សម្រាប់ ៤៥លានភាគហ៊ុន ដែលភាគហ៊ុនទាំងនោះនឹងត្រូវបាន ធ្វើការចែកចាយ ដល់សហស្ថាបនិក និង​បុគ្គលិក វ័តអ៊ែភ ក្នុងរយះពេល ៤ឆ្នាំតទៅមុខទៀត។ ជាការពិតណាស់ នេះគឺជាករណីទិញលក់រួម គ្នាមួយ ដ៏ធំជាង​គេ​បំផុត នៅកំឡុងពេលថ្មីៗនេះលើពិភពបច្ចេកវិទ្យាទាំងឡាយ។

គួរបញ្ជាក់ទៀតដែរថា ជាក់ស្តែងការបោះទុនរបស់ហ្វេសប៊ុកដ៏មហិមានេះ មិនមែនមានន័យថា ប្រព័ន្ធដំណើរការ របស់ វ័តអ៊ែប នឹងត្រូវបិទទ្វារ ឈប់ដំណើរការនោះទេ ប៉ុន្ដែផ្ទុយមកវិញ ប្រព័ន្ធដំណើរការ និងសេវានានារបស់ វ័តអ៊ែភ នៅតែមានការដំណើរការជាឯករាជ្យដដែល ដោយត្រូវបានចែកដាច់ចេញពី ប្រព័ន្ធទំនាក់ទំនងសង្គម ហ្វេសប៊ុក។

ក្រុមហ៊ុន ហ្វេសប៊ុក បានឲ្យដឹងបន្ថែមទៀតថា៖ «ការដែលខ្លួនទិញយក វ័តអ៊ែភ ដើម្បីជួយជុំរុញសមត្ថភាព​ប្រព័ន្ធ​ដំណើរការ និងការផ្ញើសារនានារបស់ហ្វេសប៊ុក ក្នុងការភ្ជាប់ទំនាក់ទំនង ឲ្យកាន់តែមានលក្ខណៈច្បាស់លាស់​ជាង​មុនថែមទៀត»។ នៅក្នុងការបញ្ចេញសេចក្តីប្រកាស ដល់អ្នកសារព័ត៌មានដែលពាក់ព័ន្ធនោះ លោកនាយក​ប្រតិបត្តិ ម៉ាក់ ហ្សូកឺប៊ឺក របស់ហ្វេសប៊ុក បានថ្លែងថា «វ័តអ៊ែភ កំពុងតែក្លាយទៅជាប្រព័ន្ធបណ្ដាញទំនាក់ទំនងសង្គមមួយ ដែលស្ថិតនៅ​លើដងផ្លូវ​ដ៏ទូលំទូលាយ ដែលសព្វថ្ងៃនេះ វ័តអ៊ែភ មានការភ្ជាប់ទំនាក់ទំនង ពីអ្នកនិយមប្រើប្រាស់​បណ្ដាញរបស់ខ្លួន រហូត​ដល់ទៅជាង ៤៥០លាននាក់»។ លោកបានបន្ដថា បណ្តាសេវាកម្មណាដែលអាច​ឈាន​ដល់កំរិតនេះ គឺសុទ្ធតែមាន តម្លៃខ្លាំងណាស់។

គួររម្លឹកដែរថា នាពេលបច្ចុប្បន្ននេះ កម្មវិធីទំនាក់ទំនងសង្គម វ័តអ៊ែភ មានអតិថិជន ៧០% នៃចំនួនអ្នកប្រើសរុបជាង ៤៥០ លាននាក់នេះ គឺជាអ្នកដែលបានប្រើប្រាស់សេវាកម្មនេះ យ៉ាងសកម្ម ជាប្រចាំថ្ងៃ៕

--------------------------------------------------
ដោយ វ៉ន ដារ៉ា (ទំនាក់ទំនង៖ [email protected]) - ភ្នំពេញថ្ងៃទី២១ ខែកុម្ភៈ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...