ភាព​មិន​ប្រក្រតី ក្នុង​ការ​ដឹក​ជញ្ជូន​សៀវភៅ​សិក្សា​គោល​ទៅ​តាម​សាលា

បញ្ហាកង្វះសៀវភៅសិក្សាគោលរបស់រដ្ឋ ត្រូវបានលើកយកមកពីភាក្សា នៅក្នុងសន្និសិទថ្នាក់ជាតិ ស្តី​ពីការ​លើកម្ពស់សុច្ចរិតភាពដើម្បីពង្រឹងគុណភាពអប់រំនៅកម្ពុជា នៅថ្ងៃទី២១ ខែកម្ភៈ ឆ្នាំ២០១៤។ បញ្ហាមួយចំនួន ក្នុងចំណោមបញ្ហា​នៃការកង្វះខាតសៀវភៅសិក្សានេះ បណ្តាលមកពីភាពយឺតយ៉ាវនៃការដឹកជញ្ជូនពីថ្នាក់ជាតិ ទៅ​សាលានៅតាមតំបន់នីមួយៗ និងការ«លេចធ្លាយ»។
Loading...
  • ដោយ: ប្រាថ្នា
  • កែប្រែចុងក្រោយ: February 22, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កង្វះខាតនូវសៀវភៅសិក្សាគោល នៅតាមសាលារៀននីមួយ នៅតែជាបញ្ហាចោទ បើទោះបីជាក្នុងមួយឆ្នាំៗ សៀវភៅសិក្សាគោលទាំងនេះ ត្រូវបានបោះពុម្ពជាច្រើនលានក្បាលក៏ដោយ។


សន្និសិទថ្នាក់ជាតិ ស្តីពីការ​លើកម្ពស់សុច្ចរិតភាពដើម្បីពង្រឹងគុណភាពអប់រំនៅកម្ពុជា នៅថ្ងៃទី២១ ខែកម្ភៈ ឆ្នាំ២០១៤។ (រូបថត MONOROOM.info/ O.Vary)

ប្រព័ន្ធអប់រំ - បញ្ហាកង្វះសៀវភៅសិក្សាគោលរបស់រដ្ឋ ត្រូវបានលើកយកមកពីភាក្សា នៅក្នុងសន្និសិទថ្នាក់ជាតិ ស្តី​ពីការ​លើកម្ពស់សុច្ចរិតភាពដើម្បីពង្រឹងគុណភាពអប់រំនៅកម្ពុជា នៅថ្ងៃទី២១ ខែកម្ភៈ ឆ្នាំ២០១៤។ បញ្ហាមួយចំនួន ក្នុងចំណោមបញ្ហា​នៃការកង្វះខាតសៀវភៅសិក្សានេះ បណ្តាលមកពីភាពយឺតយ៉ាវនៃការដឹកជញ្ជូនពីថ្នាក់ជាតិ ទៅ​សាលានៅតាមតំបន់នីមួយៗ និងការ«លេចធ្លាយ»។

បទបង្ហាញមួយ ដោយលោក សេង រិទ្ធី នាយកប្រតិបត្តិវិទ្យាស្ថានខ្មែរសម្រាប់អភិវឌ្ឍជាតិ-ខាញ បានលើកឡើងថា ពីការស្រាវជ្រាវស្តីពីការបញ្ជូនសៀវភៅសិក្សាគោល ពីថ្នាក់ជាតិ ទៅសាលានៅតាមតំបន់ និងមួយទៀតគឺសិក្សា​ទៅលើកំរិត​នៃការទទួលបាន នូវសៀវភៅសិក្សាគោលរបស់សិស្សនៅតាមវិទ្យាល័យនានា។ ទំហំនៃការសិក្សា​ស្រាវជ្រាវ គឺធ្វើឡើងនៅ ៣៣ វិទ្យាល័យក្នុងស្រុក/ខណ្ឌ១៥ នៃរាជធានីភ្នំពេញ កំពង់ចាម កំពង់ស្ពឺ និងខេត្តកំពត។

តាមលទ្ធផលនៃការស្រាវជ្រាវខាងលើនេះ បានបង្ហាញថា ២៣វិទ្យាល័យ ស្មើរនឹង ៧០% បានទទួលសៀវភៅ​គោល​ពីការិយាល័យអប់រំស្រុក និងបានចំណាយថវិកាចន្លោះពី ៥ម៉ឺន ដល់១០ម៉ឺនរៀល សម្រាប់ការដឹកជញ្ជូន និង១០​វិទ្យាល័យ ស្មើនឹង៣០% បញ្ជាក់ថា បានទទួលសៀវភៅសិក្សាគោលផ្ទាល់ ពីគ្រឹះស្ថានបោះពុម្ភ និងចែកផ្សាយ (ដឹក​ជញ្ជូនដល់សាលា) និងមិនបានចំណាយថវិកា សម្រាប់ការដឹកជញ្ជូន។

លោកស្រី លឹម ធីតា ប្រធានផ្នែកផលិតកម្មវិធីវិទ្យុ នៃមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ ដែលកន្លង​មក លោកស្រីធ្លាប់បានធ្វើការសិក្សាទាក់ទង និងការអប់រំនៅកម្ពុជា បានបញ្ជាក់ថា «បញ្ហាទីមួយគឺកង្វះ​សៀវភៅ​សំរាប់សិក្សា និងទីពីរគឺមានភាពយឺតយ៉ាវ ក្នុងផ្តល់សៀវភៅអោយទៅសិស្ស»។

លោកស្រីពន្យល់ថា មូលហេតុដែលខ្វះសៀវភៅ ដោយមន្រ្តីខាងក្រសួងអប់រំបានលើកឡើងថាខ្វះថវិកា និងមូល​ហេតុមួយទៀត គឺការគ្រប់គ្រង ព្រោះនៅតាមសាលានីមួយៗ ពេលដឹកយកទៅចែក នាយកសាលាមិនមាន​កំណត់​ត្រាថា បានទទួលសៀវភៅប៉ុន្មានអោយបានច្បាស់លាស់ ហើយនៅពេលដែលចែកអោយសិស្សអស់ ក៏មានកំណត់​ត្រាច្បាស់លាស់ដែរ។ រីឯការដឹកជញ្ជូន លោកស្រីរកឃើញថា មានការដេញថ្លៃយឺតយ៉ាវ ហើយការដេញថ្លៃ​នោះ​ទៀតសោធ ក៏មិនមានតម្លាភាពថែមទៀត។

ទោះបីជាយ៉ាងណាក៏ដោយ លោក សុខ រីទ្ធី ប្រធានអគ្គនាយកគ្រឹះស្ថានបោះពុម្ភ និងចែកផ្សាយ របស់ក្រសួងអប់រំ យុវជន និងកីឡា បានបកស្រាយពន្យល់ថា «ខ្ញុំទទួលខុសត្រូវ តែក្នុងការដឹកសៀវភៅហ្នឹងទៅដល់សាលា តែមិន​កំណត់ថាសៀវភៅហ្នឹង ត្រូវដឹកដោយឡានគ.ប.ច ឬក៏ដឹកដោយរម៉ក ឬក៏ដោយម៉ូតូនោះទេ ធ្វើម៉េចអោយ​តែ​សៀវភៅ​ទៅដល់សាលារៀន។ ហើយយើងក៏បានធ្វើហើយ គឺសៀវភៅបានទៅដល់សាលារៀន មាននាយក​សាលាស៊ីញ៉េទទួល មានការិយាល័យដឹងលឺ ថាបានដឹកជញ្ជូនទៅដល់សាលារួចហើយ អញ្ចឹងត្រង់វាលេចធ្លាយ នៅកន្លែងណាអីហ្នឹងខ្ញុំក៏មិនដឹងដែរ៕»

-----------------------------------------------
ដោយ ក. ចាន់នីតា (ទំនាក់ទំនង៖ [email protected] ) -ភ្នំពេញ ថ្ងៃទី ២១ ខែកុម្ភៈ ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...