ពលរដ្ឋ​ក្នុង​ជម្លោះ​ដី​ធ្លី​នៅ​បឹងកក់ ថា​មិន​ដែល​«ជួល​ដី»​ពី​នរណា​ឡើយ

ករណីវិវាទរបស់ពលរដ្ឋ៣គ្រួសារ និងក្រុមហ៊ុន ឃុន សៀរ ដែលបានសិទ្ធិលើដីសង្កាត់បឹងកក់១ ខណ្ឌទួលគោក ត្រូវបានក្រុមពលរដ្ឋប្រតិកម្មនឹងការបកស្រាយ របស់ភាគីក្រុមហ៊ុនថា ពួកគាត់រស់នៅលើដីជួល ហើយព្យាយាម​រត់ការធ្វើប្លង់ស្របច្បាប់។
Loading...
  • ដោយ: លោក គិន
  • កែប្រែចុងក្រោយ: April 11, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ករណីវិវាទរបស់ពលរដ្ឋ៣គ្រួសារ និងក្រុមហ៊ុន ឃុន សៀរ ដែលបានសិទ្ធិលើដីសង្កាត់បឹងកក់១ ខណ្ឌទួលគោក ត្រូវបានក្រុមពលរដ្ឋប្រតិកម្មនឹងការបកស្រាយ របស់ភាគីក្រុមហ៊ុនថា ពួកគាត់រស់នៅលើដីជួល ហើយព្យាយាម​រត់ការធ្វើប្លង់ស្របច្បាប់។


លោក លី ស្រ៊ាងខេង ពលរដ្ឋរងគ្រោះនឹងជម្លោះដីធ្លីដ៏រ៉ាំរ៉ៃ នៅតំបន់បឹងកក់។ (រូបថត MONOROOM.info/ O.Vary)

ដីធ្លី - ការប្រតិកម្មរបស់ពួកគាត់ បានធ្វើក្នុងសន្និសីទព័ត៌មាន កាលពីថ្ងៃព្រហស្បត្តិ៍ម្សិលមិញ។ ពលរដ្ឋលោក លី ស្រ៊ាងខេង អាយុ៦០ឆ្នាំ ឲ្យដឹងថា លោកគ្រាន់តែចង់បកស្រាយថា លោកមិនដែលបានជួលដីពីនរណាឡើយ គឺ​លោកមករស់នៅស្របច្បាប់ តាំងពីទស្សវត្សឆ្នាំ៨០មកម្ល៉េះ ទោះបីជាលោកគ្មានប្លង់រឹងក៏ដោយ។

លោកថ្លែងថា៖ «អ្វីៗដែលលោកយឹម លាង (ជំនួយការក្រុមហ៊ុន ឃុន សៀរ) លើកឡើង ថាខ្ញុំជាអ្នកជួលដីគេ គឺ​មានគេប្រឌិតប៉ុណ្ណោះ ខ្ញុំសូមបដិសេធ។ ចំណែកលិខិតថាខ្ញុំជួលដី គឺមិនមែនអក្សរខ្ញុំឡើយ ហើយក៏គ្មានអ្នកចុះ​ហត្ថលេខា ដឹងឮដែរ»។

លោកបន្តថា៖ «គេព្យាយាមប្រើគ្រប់មធ្យោបាយ កាប់ក្បាលខ្ញុំ បោះពស់ ដុតផ្ទះ កាប់សម្លាប់ពួកខ្ញុំដើម្បីប្លន់​យកដី​យើង។ ទោះយ៉ាងណាបើខ្ញុំស្លាប់ ខ្ញុំសុខចិត្តស្លាប់លើដីនេះដើម្បីកិត្តិយស ដើម្បីឲ្យកូនខ្មែរគ្រប់រូបចេះការពារដី​​របស់​ខ្លួន នោះគ្មាននរណាហ៊ានយកដីយើងឡើយ។»។

ឯកសារមួយច្បាប់ដែលទទួលបានពីក្រុមហ៊ុន កាលពីថ្ងៃទី៦ មេសា បានបង្ហាញនូវកិច្ចសន្យាសរសេរជាអក្សរដៃ ហើយមានឃើញផ្តិតស្នាមមេដៃពីឈ្មោះ លី ស្រ៊ាងខេង កាលពីខែកក្កដា ១៩៩៧ ប៉ុន្តែមិនមានសាក្សី​ដឹង​លឺផ្សេង​ទៀតឡើយ ដែលបង្ហាញថា លោកបានសុខចិត្តសងប្រាក់សាលាសង្កាត់មួយចំនួន ហើយបើគ្មានប្រាក់ អ្នកជួល​សន្យានឹង «រើសម្ភារៈចេញពីដីឡូតិ៍លេខ១៨...ដោយគ្មានការតវ៉ា»។

ទំនាស់ដីនេះ ត្រូវបានក្រុមហ៊ុនអះអាងថា ខ្លួនបានទទួលសិទ្ធិកាន់កាប់ដីពីរដ្ឋាភិបាលរួចរាល់ហើយ ហើយគ្រួសារ​សរុប​ប៉ះពាល់មាន៧គ្រួសារ ដែល៤គ្រួសារព្រមរើចេញ ប៉ុន្តែនៅសល់តែគ្រួសារ៣ខាងលើ មិនព្រមចេញនៅឡើយ រហូត​ដល់មានបណ្តឹងប្តឹងគ្នាទៅវិញទៅមក នៅតុលាការ៕

------------------------------
ដោយ គិន ង៉ុយ (ទំនាក់ទំនង [email protected]) - ភ្នំពេញ ថ្ងៃទី១១ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...