ឃាត់​ខ្លួន​មេបញ្ជាការ​នាវា​ចម្លង ដែល​បាន​លិច​ក្នុង​សមុទ្រ​កូរ៉េ​ខាង​ត្បូង

អាជ្ញាធរកូរ៉េខាងត្បូង បានចាប់ឃាត់ខ្លួនមេបញ្ជាការនាវាចម្លង កាលពីព្រឹកថ្ងៃសៅរ៍ ទី១៩ ខែមេសានេះ បន្ទាប់ពី​ព្រឹត្តិការណ៍លិចនាវាចម្លង ដឹកនាំដោយមេបញ្ជាការរូបនេះ កាលពីថ្ងៃពុធកន្លងទៅ​ ដែលធ្វើឲ្យមនុស្ស​ជិត៣០០​នាក់ ភាគច្រើនជាកូនសិស្សបានជាប់ខ្លួននៅក្នុងនោះ រហូតមកដល់ថ្ងៃនេះ។
Loading...
  • ដោយ: កេសរ កូល
  • កែប្រែចុងក្រោយ: April 19, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អាជ្ញាធរកូរ៉េខាងត្បូង បានចាប់ឃាត់ខ្លួនមេបញ្ជាការនាវាចម្លង កាលពីព្រឹកថ្ងៃសៅរ៍ ទី១៩ ខែមេសានេះ បន្ទាប់ពី​ព្រឹត្តិការណ៍លិចនាវាចម្លង ដឹកនាំដោយមេបញ្ជាការរូបនេះ កាលពីថ្ងៃពុធកន្លងទៅ​ ដែលធ្វើឲ្យមនុស្ស​ជិត៣០០​នាក់ ភាគច្រើនជាកូនសិស្សបានជាប់ខ្លួននៅក្នុងនោះ រហូតមកដល់ថ្ងៃនេះ។


ដំណើរការស្វែងរកជនរងគ្រោះ នៅតែបន្តធ្វើ។ (រូបថត AFP)

លិចនាវា - លី ជុនសក អាយុ៥២ឆ្នាំ មេបញ្ជាការនាវា ស៊ីវ៉ូល (SEWOL) ដែលបានលិចនៅថ្ងៃពុធទី១៦ ខែមេសានេះ បានប្រឈមនឹងការចោទប្រកាន់ ចំនួន៥ ក្នុងនោះមានការខ្ជីខ្ជាក្នុងការបំពេញការងារ និងការរំលោភបំពាន​ទៅលើ​ច្បាប់នាវាចរណ៍សមុទ្រ។ រហូតមកដល់ម៉ោងនេះ មនុស្ស២៨នាក់ ត្រូវបានរកឃើញស្លាប់ ហើយមនុស្ស២៦៨នាក់​ផ្សេងទៀត នៅកំពុងបាត់ខ្លួននៅឡើយ ពីការលិចនាវាដ៏សោកសៅ កើតឡើងនៅក្បែរកោះ ជីនដូ (Jindo) របស់​ប្រទេសកូរ៉េខាងត្បូង។

អ្នកទទួលសខុសត្រូវម្នាក់ នៃឆ្មាំសមុទ្រប្រចាំតំបន់ឆ្នេរភាគខាងត្បូងនៃប្រទេសនេះ បានថ្លែងនៅ​មុនការចាប់ខ្លួននេះ​ថា «គណកម្មាការស៊ើបអង្កេត ដែលមានទាំងនគរបាល និងរដ្ឋអាជ្ញាផង បានសុំឲ្យមានដីការមួយពីតុលាការ ដើម្បី​ឃាត់ខ្លួនអ្នកទទួលខុសត្រូវនាវាចំនួនបីនាក់ ក្នុងនោះមានមេបញ្ជាការនាវាដែរ»។

រដ្ឋអាជ្ញាកូរ៉េខាងត្បូង បានប្រកាសកាលពីថ្ងៃសុក្រ ពីការរកឃើញ នូវចំណុចស៊ើបអង្កេតជាលើកដំបូងជាច្រើន ដែល​បង្ហាញថាលោកមេបញ្ជាការ លី ជនសក បានទុកឲ្យកូនចៅនៅក្នុងជួរបន្ទាត់ទីបី កាន់ចង្កូតរបស់នាវា នៅមុន​គ្រោះថ្នាក់នេះ។

មេបញ្ជាការ និងអ្នកបម្រើការនៅលើនាវាចំនួន២៨នាក់ បានរត់សង្គ្រោះខ្លួន ចេញពីការលិចនាវាបានដោយសុវត្ថិភាព ខណៈដែលមនុស្សរាប់រយនាក់ផ្សេងទៀត កំពុងនៅជាប់គាំងនៅក្នុងនាវានោះនៅឡើយ។ នៅចំពោះអ្នកស៊ើបអង្កេត និងអ្នកសារព័ត៌មាន លោក លី ជនសក បាននិយាយកាលពីថ្ងៃសុក្រ ដោយសម្លេងញ័រៗថា លោកមានភាព​សោក​ស្ដាយ​ខ្លាំង និងពោរពេញដោយភាពខ្មាសអៀន៕


មេបញ្ជាការនាវាចម្លង អង្គុយលាក់មុខនៅពីមុខអ្នកស៊ើបអង្កេត និងអ្នកសារព័ត៌មាន។

-----------------------------------------------
ដោយ កេសរកូល (ទំនាក់ទំនង៖ [email protected]) - ភ្នំពេញ ថ្ងៃទី១៩ មេសា ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...