អង់គ្លេស៖ ជាប់​ទោស​ក្នុង​ពន្ធនាគារ ពី​បទ​បាន​កាត់​កន្ទុយ​ឆ្កែ​របស់​ខ្លួន

តុលាការប្រទេសអង់គ្លេស បានផ្ដន្ទាទោសយុវជនម្នាក់ ឲ្យជាប់ពន្ធនាគារបីខែ ពីបទផ្ដាច់កន្ទុយឆ្កែ នៅក្នុងអម្បូរ ចាក់ រូស៊ែល (Jack Russel) របស់យុវជននោះ។ ជនជាប់ទោសរូបនេះ​ ថែមទាំងត្រូវបានប្រព័ន្ធយុត្តិធម៌របស់ប្រទេសនេះ ដកហូតឆ្កែនេះពីគាត់ និងបានហាមប្រាមមិនឲ្យចិញ្ចឹមសារជាថ្មី នូវសត្វឆ្កែណាផ្សេងក្នុងរយៈពេល១០ឆ្នាំ។
Loading...
  • ដោយ: ឈូករ័ត្ន
  • កែប្រែចុងក្រោយ: April 20, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

តុលាការប្រទេសអង់គ្លេស បានផ្ដន្ទាទោសយុវជនម្នាក់ ឲ្យជាប់ពន្ធនាគារបីខែ ពីបទផ្ដាច់កន្ទុយឆ្កែ នៅក្នុងអម្បូរ ចាក់ រូស៊ែល (Jack Russel) របស់យុវជននោះ។ ជនជាប់ទោសរូបនេះ​ ថែមទាំងត្រូវបានប្រព័ន្ធយុត្តិធម៌របស់ប្រទេសនេះ ដកហូតឆ្កែនេះពីគាត់ និងបានហាមប្រាមមិនឲ្យចិញ្ចឹមសារជាថ្មី នូវសត្វឆ្កែណាផ្សេងក្នុងរយៈពេល១០ឆ្នាំ។


កូនឆ្កែ ដែលត្រូវបានកាត់កន្ទុយ នឹងម្ចាស់ចិត្តអាក្រក់របស់វា (រូបខាងឆ្វេង)។ (រូបថត PA)

ហិង្សាលើសត្វ - «ការកាត់ឆ្អឺងកន្ទុយរបស់ឆ្កែ បានបង្កឲ្យមានការឈឺផ្សារខ្លាំងណាស់ ហើយគ្មានអ្វីដែលអាច​ធ្វើ​ឲ្យ​សត្វនេះស្អាត ឬស្លូតជាងមុននោះទេ» នេះជាសម្ដីរបស់អធិការនគរបាល លោក អេនឌ្រូ គៀប៊ី (Andrew Kirby) កាលពីដើមសប្ដាហ៍កន្លងទៅ នៅចំពោះចៅក្រមកាត់សេចក្ដី នៃតុលាការក្រុង ហាស្ទីង (Hastings) ប្រទេស​អង់គ្លេស។ ហើយការឈឺចាប់នេះ មានរយៈពេលដ៏យូរមួយ សម្រាប់សត្វដ៏គួឲ្យអាណិត បើទោះជាគ្នាមិនចេះ​យំ​ក៏​ដោយ។

កាលពីចុងឆ្នាំកន្លងទៅ  សមាគមការពារសត្វមួយ ឈ្មោះ RSPCA បានរាយការណ៍ប្រាប់នគរបាលខាងលើនេះ ពី​ហេតុការណ៍ដ៏រន្ធត់មួយ។ នៅក្នុងផ្ទះយុវជនជាប់ចោទ ស្ថិតនៅភាគខាងត្បូងនៃប្រទេសអង់គ្លេស លោក​អធិការ អេនឌ្រូ គៀប៊ី បានរកឃើញ សុនខនៃអម្បូរ ចាក់ រូស៊ែល នៅស្ថានភាពដ៏ខ្លោចផ្សារ។ កន្ទុយរបស់កូនឆ្កែ ដែលទើប​តែមានអាយុ៧អាទិត្យ ត្រូវបានកាត់ផ្ដាច់ និងទុកចោល រហូតក្លាយជាមានដំបៅ។ ដោយសារតែការភ័យខ្លាច និង​ការឈឺចាប់ សត្វឆ្កែតូចមួយនេះ បានស្ថិតនៅក្នុងសភាពស្ដូកស្ដឹងទៅហើយ នៅពេលនោះ។

សប្ដាហ៍មរណៈ

ម្ចាស់របស់វា ដែលត្រូវបានជាប់ចោទពីការប្រើទារុណកម្មលើសត្វ យុវជន វ័លធើរ ដូវ (Walter Doe) បានសម្រេច កាត់ផ្ដាច់កន្ទុយសត្វរបស់ខ្លួននេះ ជាមួយនឹងកន្ត្រៃម្យ៉ាងដ៏មុត តែមិនបានបញ្ជាក់ពីមូលហេតុ ដែលជំរុញឲ្យ​យុវជន​អាយុ២៤ឆ្នាំរូបនេះ ធ្វើអំពើបែបនេះឡើយ។

តែអ្វីដែលគេដឹងច្បាស់នោះ គឺសត្វសុនខដ៏តូចនេះ បានរងនូវភាពឈឺចាប់ឥតឧបមា។ បើតាមគ្រូពេទ្រសត្វ ដែល​បានព្យាបាលសត្វឆ្កែនេះ បានឲ្យដឹងថា កន្ទុយរបស់វាត្រូវបានកាត់ដល់គល់ ទីកន្លែងដែលមានឆ្អឹងតជាប់​មកដល់​ដងខ្លួនទៅហើយ ហើយស្នាមរបួសចូលមកដល់សាច់ មានកម្រិតធ្ងន់ធ្ងរ។

ក្នុងយៈពេលច្រើនជាង១សប្ដាហ៍ វ័លធើរ ដូវ បានទុកឲ្យសត្វរបស់ខ្លួនដង្ហក់នឹងការឈឺចាប់ ដោយមិនបាន​មើល​ថែរក្សាពីមុខរបួសគ្នាឡើយ។ ការកាត់ផ្ដាច់អវៈយវៈណាមួយនៃសត្វឆ្កែ ត្រូវបានហាមឃាត់នៅប្រទេស​អង់គ្លេស។ លោកអធិការនគរបាល បានបញ្ជាក់ថា «បន្ថែមពីលើការឈឺចាប់នោះ ការកាត់អវៈយវៈរបស់សត្វនេះ មិនបានផ្ដល់​ប្រយោជន៍អ្វីទេ តែវានឹងធ្វើឲ្យសត្វបាត់បង់លំនឹងភាពរបស់វាទៅវិញ»។

ជាមួយនឹងការសម្រេចចិត្តរបស់តុលាការ អធិការនគរបាលរូបនេះ បានទទួលយកកូនឆ្កែដ៏កំសត់នេះ មកចិញ្ចឹម។ បច្ចុប្បន្ននេះ របួសរបស់វា បាននឹងកំពុងជាសះស្បើយ និងមានសុខភាពទៅរកភាពធម្មតាបណ្ដើរៗវិញហើយ៕

---------------------------------------------
ដោយ ឈូករ័ត្ន (ទំនាក់ទំនង៖ [email protected]) - ប៉ារីស ថ្ងៃទី២០ ខែមេសា ឆ្នាំ២០១៤

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...