បន្លែឬផ្លែឈើចត់ ដែលអាចជួយដល់រាងកាយបាន ត្រូវមនុស្សមួយចំនួនបំភ្លេចចោល ដោយសារពួកគេ បង្វែរញុំា​តែបន្លែ ឬផ្លែឈើមានរសជាតិឆ្ងាញ់ ឬរសជាតិប្លែក។ ការធ្វើបែបនេះ នឹងធ្វើឲ្យរាងកាយខ្វះនូវសារធាតុសប្បូរបែប ដើម្បីរុញច្រានដល់ការលូតលាស់រាល់សេរីរាង្គ ក្នុងរាងកាយ។ ខាងក្រោមនេះ នឹងបង្ហាញជូនលោកអ្នកថា អាហារ​ល្វីងដែលលោកអ្នកមិនចូលចិត្តនោះ បែរជាមានប្រយោជន៍ច្រើនយ៉ាង ដល់សុខភាពទៅវិញ។

ផ្លែឈើ ឬគ្រឿងអន្លក់ ចម្រុះគ្រប់រស់ជាតិ ដែលផ្ដល់ប្រយោជន៍ដល់សុខភាព។ (រូបភាពឯកសារ)

សុខភាព - វាជារឿងមួយល្អណាស់ ប្រសិនជាអ្នកនឹងជ្រើសរើសយកអាហារ មកញុំាដើម្បីសុខភាពល្អ ច្រើនជាង​ការជ្រើសរើសប្រភេទអាហារសម្រាប់តែញុំាដើម្បីចម្អែតក្រពះ។ ការបរិភោគអាហារល្អៗ នឹងជួយឲ្យសម្រស់​កាន់​តែ​ស្រស់ស្អាតឡើង រួមនឹងការការពារប្រព័ន្ធការពារក្នុងរាងកាយបានល្អ ដែលអាចធ្វើឲ្យជីវិតរស់បានយូរ។

នេះជាសារៈសំខាន់បីយ៉ាង ជួយឲ្យសុខភាពល្អ ដោយសារការបរិភោគបន្លែ ឬផ្លែឈើដែលមានរសជាតិល្វីង។

១. ជាតិល្វីងជួយបង្កើតថាមពលក្នុងរាងកាយ

រុក្ខជាតិល្វីង សម្បូរដោយវីតាមីន អេ វីតាមីនស៊ី វីតាមីនខេ និងសារធាតុរ៉ែ កាល់ស្បូម ប៉ូតាស្យូម និងម៉ាញេស្យូម។
អាហារទាំងនោះ ក៏ពោរពេញទៅដោយជាតិអាស៊ីត ហ្វរឡេន អាស៊ីហ្វីប៊ឺ ដែលជួយកាត់បន្ថយ​ជាតិខ្លាញ់ ដែលបង្កើត​ថាមពលក្នុងរាងកាយ។ រុក្ខជាតិល្វីងក៏ជួយធ្វើឲ្យស្បែកភ្លឺថ្លា ដោយសារធាតុទាំងនោះ ចូលទៅជួយសម្រួល​ប្រព័ន្ធ​សសៃប្រសាទឲ្យរឹងមាំ សម្រួលសសៃឈាមមិនឲ្យកក(វិតាមីនខេ) និងមានសារធាតុphytonutrients ដែលជួយ​សុខភាពភ្នែក។

២. សម្រួលការរំលាយអាហារយ៉ាងស័ក្តិសិទ្ធិ

សារធាតុល្វីង នឹងជួយទៅជំរុញការផលិតអង់ស៊ីននិងលំហូរទឹកប្រមាត់ឲ្យប្រសើរឡើង ដែលមានប្រសិទ្ធិខ្ពស់ក្នុង ការរំលាយអាហារ។រឿងនេះ ធ្វើឲ្យអ្នកសប្បាយចិត្តក្នុងការបរិភោគអាហារគ្រប់ប្រភេទ ដោយមិនសូវមាន​ការ​ព្រួយ​បារម្ភ។ សារធាតុ fiber ខ្ពស់ ក្នុងរុក្ខជាតិបៃតងនេះ នឹងជួយជម្រុះកាកសំណល់អាហារ​ទាំងឡាយដែលតោងជាប់​បំពង់អាហារ។

ជាពិសេស សារធាតុល្វីងក្នុងរុក្ខជាតិនិងជួយបន្សាបជាតិពុលទាំងឡាយក្នុងរាងកាយ តាមរយៈការសម្រួលដល់​ការធ្វើប្រតិកម្មនៃជាតិកូឡេស្តេរ៉ុល ការរក្សាតុល្យភាពអ័រម៉ូន សម្រួលឈាមនិងមេតាប៉ូលីខ្លាញ់។ចំពោះអ្នក​មានជំងឺ​ធាតុ គួរបរិភោគជាតិល្វីងនេះឲ្យបានច្រើន ព្រោះវានឹងជួយសម្រួលដល់ប្រព័ន្ធ​រំលាយអាហារ និងជាតិខ្លាញ់​ក្នុង​រាង​កាយ។

៣. ជាតិល្វីងនឹងជួយបង្ក្រប់សារធាតុក្នុងរាងកាយ

ដោយសារមនុស្សភាគច្រើន មិនមានចំណង់ចំណូលចិត្តចំពោះអាហារល្វីង ធ្វើឲ្យរាងកាយសម្បូរ​ដោយអាហារ​ដែលមានរសជាតិផ្អែ ប្រៃ ជូរច្រើន។ ដូច្នេះការបរិភោគអាហារល្វីងនឹងជួយបង្រ្កប់តម្រូវការរបស់សរីរាង្គកាយ។

អ្នកគួរចងចាំថា ការបរិភោគរុក្ខជាតិល្វីង គ្មានជាតិគីមីនិងមានផលប្រយោជន៏ច្រើន ជាពិសេស វានឹងធ្វើឲ្យអ្នក មិនសូវឃ្លានអាហារផ្តេសផ្តាស ព្រមទាំងមានរូបរាងស្អាត និងរស់រវើកថែមមួយកំរិតទៀត។

--------------------------------------
ដោយ ក. សេងហុង (ទំនាក់ទំនង៖ [email protected]) - ភ្នំពេញ ថ្ងៃទី២៣ មេសា ២០១៤