បន្ទាប់ពីភេវរកម្មថ្ងៃទី១១កញ្ញា អាល់កៃដាគ្រោងបំផ្ទុះ ក្រុងឡុងដ៍
- ដោយ: សេក មនោរកុមារ ដោយ សេក មនោរកុមារ ([email protected]) - ប៉ារីស ថ្ងៃទី៣០ មេសា ២០១៤
- កែប្រែចុងក្រោយ: April 30, 2014
- ប្រធានបទ: ភេវរកម្ម
- អត្ថបទ: មានបញ្ហា?
- មតិ-យោបល់
-
ភេវរកម្ម - អតីតសមាជិកម្នាក់របស់អាល់កៃដាឈ្មោះ សាអាជីដ បាដាត (Saajid Badat) អាយុ៣៤ឆ្នាំ ដែលធ្លាប់សារភាពម្ដងរួចហើយ នៅក្នុងសវនាការលើកមុនៗ បាននិយាយជាថ្មីម្ដងទៀតតាមវីដេអូ ពីរាជធានីឡុងដ៍ប្រទេសអង់គ្លេស ដើម្បីធ្វើជាសាក្សីនៅក្នុងសវនាការមួយ នាទីក្រុងញ៉ូយក កាលពីថ្ងៃចន្ទកន្លងមកនេះ កាត់ទោសជនសង្ស័យម្នាក់ឈ្មោះ អាប៊ូ ហាមស្សា (Abou Hamza)។
បុរសនេះ បាននិយាយថា ខាលីដ សេខ មហាមេដ (Khalid Sheikh Mohamed) ដែលជាមេដឹកនាំរបស់ក្រុមរៀបចំភេវរកម្មថ្ងៃទី១១ ខែកញ្ញា នៅសហរដ្ឋអាមេរិកនោះ មានគម្រោងយ៉ាងជាក់លាក់ នៅពេលបន្ទាប់មកនឹងធ្វើការវាយប្រហាររាជធានីឡុងដ៍ នៃប្រទេសអង់គ្លេស។ សាអាជីដ បាដាត និយាយថា «ខ្ញុំជឿងថា សង្កាត់ពាណិជ្ជកម្មដ៏ធំនៅរាជធានីឡុងដ៍ របស់អង់គ្លេស ត្រូវបានកត់ដាក់ចូលក្នុងបញ្ជីខ្មៅ»។
សង្កាត់ពាណិជ្ជកម្ម ដែលសម្បូរទៅដោយអាគារខ្ពស់ៗ ជាងគេ ...
សាអាជីដ បាដាត បាននិយាយថា ធ្លាប់បានជួបផ្ទាល់ជាមួយនឹងលោក ប៊េន ឡាដេន (Ben Laden) នៅក្នុងប្រទេសអាហ្វហ្គានីស្តង់។ បេសកកម្មរបស់បុរសនេះ គឺដាក់បំផ្ទុះយន្ដហោះមួយរបស់អាមេរិក ជាមួយនឹងគ្រាប់បែកដាក់បង្កប់ក្នុងស្បែកជើងរបស់ខ្លួន នៅចុងឆ្នាំ២០០១។ បុរសនេះបាននិយាយទៀតថា ជំនួបរបស់ខ្លួន ជាមួយមេដឹកនាំបណ្ដាញភេវរកម្ម បានប្រព្រឹត្តិទៅដោយរលូន ហើយខ្លួនបានទទួលនូវពាក្យជូនពរ «សូមជោគជ័យក្នុងភារកិច្ច» ពីលោក ប៊េន ឡាដេន នោះផងទៀត។
អតីតសមាជិករបស់ អាល់កៃដា រូបនេះ បានទម្លាក់ចោលនូវបេសកកម្មរបស់ខ្លួន នៅទីបំផុត ហើយត្រូវបានចាប់ខ្លួន នៅក្នុងប្រទេសអង់គ្លេសនាឆ្នាំ២០០៣ ប៉ុន្តែបានជាប់ពន្ធនាគារនៅទីនោះ អស់រយៈពេល៦ឆ្នាំកន្លះ នៅទីនោះ។ ចៅក្រមតុលាការទីក្រុងញ៉ូយក បានស្នើសុំឲ្យបុរសនេះ ទៅធ្វើជាសាក្សីផ្ទាល់នៅចំពោះមុខ ក្នុងសវនាការកាលពីថ្ងៃចន្ទ តែ សាអាជីដ បាដាត បានបដិសេធ ដោយខ្លាចក្រែងអាមេរិកយកឱកាស នៃវត្តមានរបស់ខ្លួននៅលើទឹកដីអាមេរិក ធ្វើការឃាត់ខ្លួន ពីបទរៀបចំបំផ្ទុះយន្ដហោះអាមេរិក កាលពីឆ្នាំ២០០១៕
» សូមទស្សនាវីដេអូឯកសារខាងក្រោមឡើងវិញ ស្ដីពីការវាយប្រហារ ថ្ងៃទី១១ ខែកញ្ញា ឆ្នាំ២០០១ នៅមុន និងក្នុងពេលអាគារភ្លោះទាំងពីរ ដួលរលំ៖