អ្នក​ស្រាវជ្រាវ​ថា ការ​​រំលោភ​ផ្លូវ​ភេទ​ក្នុង​របប​ខ្មែរ​ក្រហម​មាន​ទំហំ​ធំ

«លោកអ្នកជ្រាបហើយថា នៅក្នុងរបស់ខ្មែរក្រហមមានច្បាប់មួយ គឺច្បាប់សិលធម៌ ដូចនេះប្រហែលគ្មាន​អ្នក​ជឿ​ទេ​ថា នៅក្នុងរបបនោះ មានការបង្ខំឱ្យរួមភេទ ក្រោយរៀបអាពាហ៍ពិពាហ៍» នេះជាការលើកឡើងរបស់ អ្នកស្រី រ៉ូសែល ប្រាស (Rochelle Braaf) ជាជនជាតិអូស្រ្តលី ដែលបានធ្វើការសិក្សាស្រាវជ្រាវពាក់ព័ន្ធ នឹង​អំពើ​ហិង្សា​​ផ្លូវ​​ភេទ​ក្នុងរបប​ខ្មែរ​ក្រហម។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី០២ មិថុនា ២០១៤
  • កែប្រែចុងក្រោយ: June 03, 2014
  • ប្រធានបទ: ស្រាវជ្រាវ
  • អត្ថបទ: មានបញ្ហា?
  • មតិ-យោបល់

ហិង្សាផ្លូវភេទ - ថ្លែងនៅក្នុងកម្មវិធីសម្ភោធលទ្ធផល នៃការសិក្សាស្រាវនៅថ្ងៃទី០២ ខែមិថុនា ឆ្នាំ២០១៤នេះ អ្នកស្រី រ៉ូសែល ប្រាស ទីប្រឹក្សាអ្នកស្ម័គ្រចិត្ត ជនជាតិអូស្រ្តាលី ដើម្បីការអភិវឌ្ឍន៍អន្តរជាតិ និងជាអ្នកធ្វើការ​សិក្សា​ផ្ទាល់ ​ទៅ​លើគម្រោងស្រាវជ្រាវមួយ បានបង្ហាញលទ្ធផលថា ពលរដ្ឋរងគ្រោះខ្មែរជាច្រើននាក់ ពិតជា​បាន​រង នូវអំពើហិង្សាផ្នែកផ្លូវភេទ ក្នុងរបបខ្មែរក្រហម។ អំពើហិង្សាផ្លូវភេទនេះ រួមមាន ការបង្ខំឱ្យ​រៀបការ ការ​បង្ខំ​ឱ្យ​រួមភេទ ការរំលោភសេពសន្ថវៈ ការរួមភេទដើម្បីទទួលបានម្ហូបអាហារ ឬសិទ្ធិ​ផ្សេង ទាសករផ្លូវភេទ និងការ​រំលោភ​បំពានផ្សេងៗ។

អ្នកស្រីបន្តថា ភាគច្រើននៃជនរងគ្រោះ ត្រូវបានគេរំលោភហើយសំលាប់ ពេលខ្លះជនរងគ្រោះត្រូវ​បាន​គេ​កាត់សុដន់ និងកាត់អវៈយវៈភេទផងដែរ។ ជនរងគ្រោះមួយចំនួនទៀត ត្រូវបានបង្ខំចិត្តរួមភេទ ក្រោយរៀបការ ដើម្បីជៀសផុត​ពី​ការសំលាប់។ រហូតមកដល់បច្ចុប្បន្ននេះ ជនរងគ្រោះដែលទទួលរង នូវអំពើរំលោភផ្លូវភេទ​នេះ នៅតែមានផលប៉ះពាល់​ដល់ផ្នែករាងកាយ ជាពិសេសខាងផ្លូវចិត្ត ហើយអ្នកខ្លះបានសម្លាប់ខ្លួនថែមទៀត។

អ្នកស្រី រ៉ូសែល បានដកស្រង់លទ្ធផល នៃការសិក្សាស្រាវជ្រាវនេះ បានបញ្ជាក់ឱ្យដឹងទៀត នៅក្នុងរបបខ្មែរ​ក្រហម ពិតជាមាន​ការ​រួមភេទ​មុន​រៀបការពិតប្រាកដមែន ហើយភាគច្រើសុទ្ធតែបុរស និងជាកម្មាភិបាល​ខែ្មរ​ក្រហម តែក្នុងនោះ ក៏​មាន​ជន​ប្រព្រឹត្តជា​ស្រ្តីផងដែរ ហើយវាបានរីករាលដាលខ្លាំងមែនទែន នៅក្នុងរបបនោះ បើទោះជាច្បាប់សីលធម៌ នៅ​ក្នុងរបបនេះតឹងរ៉ឹង រីឯអ្នកប្រព្រឹត្ត ត្រូវទទួលទោសធ្ងន់ធ្ងន់ រហូតស្លាប់ក៏ដោយ។

សូមបញ្ជាក់ថា គម្រោងសិក្សាស្រាវជ្រាវនេះ ត្រូវបានបង្កើតឡើង និងឧបត្ថម្ភធុន ដោយអង្គការក្រុមអ្នកច្បាប់​ការពារ​សិទ្ធិកម្ពុជា ដែលជាអង្គការមួយ ផ្តោតទៅលើការផ្តល់ជំនួយផ្នែកច្បាប់ ដើម្បីស៊ើបអង្កេតរឿងរ៉ាវ ទៅលើ​ក្រុមជនជាតិ​ភាគតិចនៅកម្ពុជា ដែលបានឆ្លងកាត់របបខ្មែរក្រហម។ ការស្រាវជ្រាវនេះ ផ្តោតសំខាន់ទៅលើ ហិង្សាផ្លូវភេទដូចជា ការបង្ខំឱ្យរៀបការ ការរំលោភផ្លូវភេទ និងការរំលោភបំពានផ្សេងៗ។

ក្រុមមនុស្ស ដែលរាប់បញ្ចូល សម្រាប់ការប្រមូលព័ត៌មាន ទៅលើសិក្សាស្រាវជ្រាវនេះ មានដូចជាស្រ្តី និង​បុរស​ជន​ជាតិ​វៀតណាម ខ្មែរក្រោម ខ្មែរឥស្លាម និងចាម។ បទសម្ភាសន៍ត្រូវបានធ្វើឡើង នៅក្នុងការខេត្ត​ចំនួន៦ រួម​មាន កំពត កំពង់ឆ្នាំង តាកែវ  ពោធិ៍សាត់ បាត់ដំបង និងរាជធានីភ្នំពេញ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...