អ៊ឺរ៉ុប​បន្ត​ផ្តល់​ជំនួយ​ឲ្យ​កម្ពុជា ទោះ​បក្ស​សង្រ្គោះ​ជាតិ​មិន​ចូល​សភា

បើទោះជាគណបក្សសង្រ្គោះជាតិ និងគណបក្សប្រជាជនកម្ពុជា មិនទាន់ត្រូវរ៉ូវគ្នា ខាងផ្នែកនយោបាយ​សម្រាប់​ពលរដ្ឋកម្ពុជា និងប្រទេសកម្ពុជាក៏ដោយ ក៏សភាពអ៊ឺរ៉ុប ក្នុងនាមម្ចាស់ជំនួយចម្បងមួយរបស់ប្រទេសកម្ពុជា នៅតែ​បន្តផ្តល់ជំនួយដល់ប្រទេសកម្ពុជា លើវិស័យដែលជាអាទិភាព ក្នុងការអភិវឌ្ឍន៍ប្រទេសកម្ពុជា។ នេះជាការអះអាង​របស់លោក ហ្សង់ ហ្វ្រង់ស៊័រ កូតាំង (Jean-Francois Cautain) ឯកអគ្គរដ្ឋទូតសហភាពអឺរ៉ុប ប្រចាំប្រទេសកម្ពុជា។
Loading...
  • ដោយ: អ៊ុំ បូរី ដោយ អ៊ុំ បូរី (ទាក់ទង៖ [email protected]) - ភ្នំពេញ ថ្ងៃទី១១ កក្កដា ២០១៤
  • កែប្រែចុងក្រោយ: July 11, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បើទោះជាគណបក្សសង្រ្គោះជាតិ និងគណបក្សប្រជាជនកម្ពុជា មិនទាន់ត្រូវរ៉ូវគ្នា ខាងផ្នែកនយោបាយ​សម្រាប់​ពលរដ្ឋកម្ពុជា និងប្រទេសកម្ពុជាក៏ដោយ ក៏សភាពអ៊ឺរ៉ុប ក្នុងនាមម្ចាស់ជំនួយចម្បងមួយរបស់ប្រទេសកម្ពុជា នៅតែ​បន្តផ្តល់ជំនួយដល់ប្រទេសកម្ពុជា លើវិស័យដែលជាអាទិភាព ក្នុងការអភិវឌ្ឍន៍ប្រទេសកម្ពុជា។ នេះជាការអះអាង​របស់លោក ហ្សង់ ហ្វ្រង់ស៊័រ កូតាំង (Jean-Francois Cautain) ឯកអគ្គរដ្ឋទូតសហភាពអឺរ៉ុប ប្រចាំប្រទេសកម្ពុជា។


ទងជាតិនៃបណ្ដាប្រទេសទាំង២៧ជាសមាជិកសហគមន៍អ៊ឺរ៉ុប។ (រូបថត MONOROOM.info/ D. KEO)

ជំនួយ - លោក ហ្សង់ ហ្វ្រង់ស៊័រ កូតាំង បានពន្យល់ថា ពិតណាស់ប្រជាពលរដ្ឋកម្ពុជា ចង់​ឃើញគណបក្ស​ប្រជាជន​កម្ពុជា និងគណបក្សសង្រ្គោះជាតិ នឹងអាចស្វែងរកដំណោះសា្រយនយោបាយ ឲ្យ​បាន​កាត់តែឆាប់ កាន់តែប្រសើរ។ ហើយនៅពេលនោះសភាពអ៊ឺរ៉ុប នឹងនៅតែបន្តគាំទ្រពលរដ្ឋកម្ពុជា និងប្រទេសកម្ពុជា តែសហភាពអឺរ៉ុប មិនផ្តោត​សំខាន់ទៅលើតួអង្គនយោបាយណាម្នាក់ ឬគណបក្សនយោបាយណាមួយ នោះទេ។

ថ្លែងទៅកាន់ក្រុមអ្នកសារព័ត៌មាន ក្នុងដំណើរទស្សនកិច្ចទៅពិនិត្យមើលគម្រោងសភាពអឺរ៉ុប នៅភូមិភាគឥសាន​នៃ​ប្រទេសកម្ពុជា ក្នុងគ្រាចុងក្រោយនេះ ប្រមុខការទូតរបស់សហភាពអឺរ៉ុប ប្រចាំប្រទេសកម្ពុជា បានលើកឡើងថា មជ្ឈដ្ឋានទូទៅ ដឹងពីស្ថានការណ៍នយោបាយ របស់ប្រទេសកម្ពុជា តែសហភាពអឺរ៉ុប មិនបោះបង់ជំហរ​ផ្តល់​ជំនួយ​ដល់ប្រទេសកម្ពុជានោះទេ ទោះវិបត្តិនយោបាយបន្តអូសបន្លាយក៏ដោយ។

ប៉ុន្មានខែមុននេះ ក្រុមអង្គការសង្គមស៊ីវិលមួយចំនួន បានសម្តែងការសោកស្តាយ ចំពោះសកម្មភាពសហភាព​អឺរ៉ុប​នៅកម្ពុជា ដោយមជ្ឈដ្ឋានទាំងនោះបានលើកឡើងថា ជំនួយរបស់សហភាពអឺរ៉ុប មិនបានជួយអភិវឌ្ឍន៍ប្រទេស​កម្ពុជា ឲ្យមានប្រសិទ្ធិភាពឡើយ ដោយសារតែជំនួយទាំងនោះមិ នត្រូវបានយកមកប្រើប្រាស់ឲ្យត្រឹមត្រូវ និងខ្វះ​ការត្រួតពិនិត្យ ពិសេសការលើកំពស់ជីវភាពពលរដ្ឋកម្ពុជាក្រីក្រ និងការពង្រឹងលិទ្ធិប្រជាធិបតេយ្យ និងការគោរព​សិទ្ធិមនុស្ស។

មកដល់ពេលនេះ គណបក្សសង្រ្គោះជាតិ ដែលតែងទទូចដល់សហភាពអឺរ៉ុប គម្បីដាក់សម្ភាធលើ​រដ្ឋាភិបាល​គណបក្ស​ប្រជាជនកម្ពុជា ធ្វើការកែទម្រង់លើវិស័យសំខាន់ៗមួយចំនួននោះ នៅបន្តធ្វើពហិការនៅ​ក្រៅរដ្ឋសភា​អាណត្តិទី៥ ត្បិត​ការចរចាជាមួយគណបក្សប្រជាជនកម្ពុជា បានជាប់គាំងត្រឹមការកែទម្រង់គណៈកម្មាធិការជាតិ​រៀបចំ​ការ​បោះ​ឆ្នោត៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...