ដោយសារតែសណ្ឋានដី នៅទីនោះមានរលកចលនា ជាញឹកញាប់ ដូច្នេះការធ្វើផ្លូវថ្នល់ សម្រាប់ចរាចរណ៍​សាធារណៈ នៅក្បែរទីក្រុងរ៉ូស្តូវ (Rostov - ខាងត្បូងនៃប្រទេសរ៉ូស្ស៊ី) ពិតជាមិនអាចទៅរួចឡើយ។

ផ្លូវថ្នល់ នៅក្បែរទីក្រុង រ៉ូស្តូវ ភាគខាងត្បូងនៃប្រទេសរ៉ូស្សី។ (រូបថតផ្តិតពីវីដេអូ)

ប្លែកៗ - បើអ្នករអ៊ូរទាំ ក្នុងការធ្វើដំណើរតាមផ្លូវថ្នល់ណាមួយ នៅប្រទេសកម្ពុជានោះ សូមអ្នកទស្សនា​ស្ថានភាព​ផ្លូវថ្នល់ដ៏រន្ធត់មួយនេះ នៅក្នុងប្រទេសរ៉ូស្ស៊ី ហើយវានឹងធ្វើឲ្យអ្នកគិតថា នឹងមិនមានផ្លូវថ្នល់ណាផ្សេងដូច នៅក្នុង​ពិភពលោក​ឡើយ។

ផ្លូវថ្នល់មួយ ស្ថិតនៅមិនឆ្ងាយប៉ុន្មានពីទីក្រុង រ៉ូស្តូវ ផ្នែកខាងត្បូងនៃប្រទេសរ៉ូស្ស៊ី បានរងគ្រោះដោយសារ​ពំនើង​ផ្នត់​របស់ផែនដី និងរលកចលនារបស់ដីជាញឹកញាប់ ដើម្បីបានប្រែក្លាយជាផ្លូវថ្នល់ ដែលមិនអាចធ្វើដំណើរបាន និង​មានស្ថានភាពអាក្រក់ជាងគេក្នុងពិភពលោក។ រលកចលនាដីនេះ បានកើតឡើងតែនៅមួយកំណាត់ផ្លូវប៉ុណ្ណោះ ប៉ុន្តែ​វាគ្រប់គ្រាន់នឹងធ្វើឲ្យយានយន្ដទាំងឡាយ ជាពិសេសរថយន្ដ មិនអាចឆ្លងកាត់បាន។

នៅលើវីដេអូ លោកអ្នកនឹងឃើញថា នៅមានមនុស្សមួយចំនួន ដែលពោរពេញដោយសេចក្ដីក្លាហាន បាន​សាក​ល្បងធ្វើការឆ្លងកាត់ទីនោះ ដោយជិះកង់ ឬជិះម៉ូតូ។ ប៉ុន្តែបើចំពោះអ្នកចូលចិត្តជិះយានយន្ដបង្ហោះ ស្ថានភាព​ផ្លូវ​ថ្នល់កើតចេញតាមបែបធម្មជាតិដូចនេះ ពិតជាធ្វើឲ្យពួកគេពេញចិត្តស្ដូកតែម្ដង៕

សូមទស្សនាវីដេអូនេះ ដូចតទៅ៖