ការ​ប្រឡង​មធ្យម​សិក្សា​បឋម​ភូមិ បាន​បញ្ចប់​ទៅ​ប្រសើរ​ជាង​ឆ្នាំ​មុន

ការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) កាលពីថ្ងៃទី ១៥ ខែកក្កដាកន្លងទៅនេះ បានបញ្ចប់ទៅ ដោយ​គ្មានហេតុភេទអ្វី ឬភាពមិនប្រក្រតីណាមួយ បានកើតឡើងនោះឡើយ។ នេះបើតាមការបញ្ជាក់ ​របស់មន្ត្រីអ្នក​ទទួល​ខុសត្រូវគ្រឹះស្ថានសិក្សា សាស្ត្រាចារ្យ និងសិស្សានុសិស្សមួយចំនួន។
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ១៦ ខែកក្កដា ២០១៤
  • កែប្រែចុងក្រោយ: July 17, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) កាលពីថ្ងៃទី ១៥ ខែកក្កដាកន្លងទៅនេះ បានបញ្ចប់ទៅ ដោយ​គ្មានហេតុភេទអ្វី ឬភាពមិនប្រក្រតីណាមួយ បានកើតឡើងនោះឡើយ។ នេះបើតាមការបញ្ជាក់ ​របស់មន្ត្រីអ្នក​ទទួល​ខុសត្រូវគ្រឹះស្ថានសិក្សា សាស្ត្រាចារ្យ និងសិស្សានុសិស្សមួយចំនួន។


សាលារៀនបឋមសិក្សាមួយកន្លែង ក្នុងប្រទេសកម្ពុជា។ (រូបថត voyage solidaire)

ប្រឡង - ការប្រឡងចូលថ្នាក់វិទ្យាល័យ របស់សិស្សថ្នាក់ទី៩ ឫហៅថាឌីប្លូម ត្រូវបានក្រុមអ្នកតាមដាន វាយតម្លៃ​ថាមានភាពល្អប្រសើរ ជាងឆ្នាំមុនៗ ដោយសារគ្មានការបែកវិញ្ញាសារប្រលង និងគ្មានការស៊ីសំណូក យកលុយ​ពី​សិស្សក្នុងការប្រឡង ឫការទិញពិន្ទុពីគ្រូអនុរក្សឡើយ។ ចំពោះសិស្សវិញ ក៍មិនមានសេចក្ដីរាយការណ៍ណាមួយ និយាយថា មានការលួចបើកមើល និងមិនបង្ករឲ្យ មានភាពចលាចល ណាមួយនៅក្នុងថ្នាក់ដែរ។

លោក សារុំ សុភី នាយករងនៃវិទ្យាល័យ សម្តេចហ៊ុនសែន ភ្នំពេញថ្មី បានប្រាប់ទស្សនាវដ្តី មនោរម្យ.អាំងហ្វូ ថា ការ​ប្រឡងឆ្នាំនេះគឺមានភាពល្អជាងឆ្នាំមុន ព្រោះសិស្សនីមួយៗស្គាល់ពីស្ថានភាពទីតាំងច្បាស់លាស់ ដែលជាសាលា​របស់ខ្លួនធ្លាប់រៀន និងមួយវិញទៀត វិញ្ញាសារប្រឡងចេញដោយគ្រូបង្រៀននៅទីនោះផ្ទាល់ ដូច្នេះពួកគេមិន​មាន​ភាពចម្លែកប្លែកពីអ្វីដែលពួកគេបានរៀនទេ ហើយក៍មិនង្ករឲ្យសិស្សមាន ការភ័យខ្លាចដែរ។

លោកបានបន្តទៀតថា សិស្សនៅសាលារបស់លោកគឺប្រឹងរៀនតែក្នុងថ្នាក់ និងរៀនគួរបន្ថែម ដោយមិនគិតគូរពីការ ទិញប៊្រុយ៉ុង ត្រៀមលុយកាក់ទុកសូកគ្រូនៅពេល ប្រលងនោះទេ ហើយលោកក៍មិនបានឃើញ មានការលួចមើល​ព្រីយ៉ុងអ្វីដែរ។ លោកបានថ្លែងសាទរការប្រលងនេះ ថាភាពល្អប្រសើរខ្លំាងណាស់។

ដោយមានការលើកទឹកចិត្តពីលោកគ្រូ អ្នកគ្រូបង្រៀនផង ដូច្នេះសិស្សម្នាក់ៗមាន ទំនុកចិត្តលើខ្លួនឯង ជាពិសេស ដោយសារតែ​វិញ្ញាសារ​ប្រលង ត្រូវបានចេញដោយលោកគ្រូអ្នកគ្រូរបស់ពួកគេផ្ទាល់។ បើទោះជាដូច្នេះក្តី ក៍​វិញ្ញាសារ​មិនត្រូវបានបែកធ្លាយ ឫយកទៅបង្រៀនគួរមុនពេលប្រឡងដែរ។ នេះបើតាមការបញ្ជាក់របស់យុវសិស្ស កញ្ញា ធី ចាន់ថា សិស្សថ្នាក់ទី៩ នៃវិទ្យាល័យឱរ៉ាល់ ខេត្តកំពង់ស្ពឺ។ ប្អូនស្រីបាននិយាយបន្តទៀតថា «ខ្ញុំអត់បានលួចមើល​ប៊្រុយ៉ុងទេ ព្រោះប្រឡងតឹង ហើយលោកគ្រូប្រាប់ឲ្យមើលមេរៀនទាំងអស់ ដែលគាត់បានបង្រៀនមុនពេលប្រឡង ហើយអត់មានគ្រូណាយកលុយពីសិស្ស ទេ»។

បើក្រលេកទៅមើលទិដ្ឋភាពនៃការប្រលងវិញ លោក ណុប សំណាង គ្រូបង្រៀន នៅវិទ្យាល័យឱរ៉ាល់ បាននិយាយ​ថាក្រសួងអប់រំ យុវជន និងកីឡាក៏បានបញ្ជូនសមាសភាព ពីការិយាល័យអប់រំស្រុកឱរ៉ាល់ និងក្រសួងអប់រំ យុវជន និងកីឡា ខេត្ត មកធ្វើការអង្កេតផងដែរ ដើម្បីត្រួតពិនិត្យការប្រឡង និងចង់ឲ្យការប្រឡងទទួល បានអព្យាក្រិត្យ។ លោកបានបន្តទៀតថា ការប្រឡងឆ្នាំនេះ ក្រសួងអប់រំចង់លុបបំបាត់ អំពើរពុករលួយក្នុងពេលប្រឡង ហើយការ​ប្រឡងរយៈពេលពីរថ្ងៃនេះ លោកឃើញសិស្សមានតែក្រដាស់សរសុទ្ធមួយសន្លឹក ប៉ិចពីរដើម បន្ទាត់មួយតែប៉ុណ្ណោះ ហើយការលួចមើលប្រ៊ុយ៉ុងក៍គ្មានដែរ។

គួរបញ្ជាក់ថា ឆ្នាំនេះជាឆ្នំាដំបូងដែលក្រសួងអប់រំ យុវជន និងកីឡា ផ្ទេរការរៀបចំការ ប្រឡងសញ្ញាបត្រ​មធ្យមសិក្សា​បឋមភូមិ (ឌីប្លូម) ឲ្យទៅសាលាជាអ្នករៀបចំចាត់ចែងផ្ទាល់តែម្តង រាប់ទាំងការធ្វើវិញ្ញាសារផងដែរ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...