បក្ស​ទាំង​ពីរ​ជួប​ជជែក​គ្នា ពី​សេចក្តី​ព្រាង​វិសោធនកម្ម​រដ្ឋធម្មនុញ្ញ

ក្រុមបច្ចេកទេស គណបក្សប្រជាជនកម្ពុជា និង គណបក្សសង្គ្រោះជាតិ នឹងជួបពិភាក្សាគ្នាជាថ្មី នាវេលាម៉ោងបីរសៀល ថ្ងៃទី១ ខែសីហានេះ។ ក្រុមការងារបច្ចេកទេសចម្រុះ នឹងធ្វើសេចក្តីព្រាង វិសោធនកម្មរដ្ឋធម្មនុញ្ញ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី០១ សីហា ២០១៤
  • កែប្រែចុងក្រោយ: August 01, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ច្បាប់ - ក្រុមការងារចម្រុះទាំងពីរ ដឹកនាំដោយដោយលោក ប៉ែន បញ្ញា (គណបក្សប្រជាជនកម្ពុជា) និងលោក អេង ឆៃអ៊ាង (គណបក្សសង្គ្រោះជាតិ) បានជួបគ្នានៅរសៀលនេះ ដើម្បីជជែកគ្នាទៅលើសេចក្តីព្រាង វិសោធនកម្មរដ្ឋធម្មនុញ្ញ ជុំវិញការបង្កើតជំពូកថ្មី ដើម្បីរៀបចំអង្គការបោះឆ្នោត (គ.ជ.ប)។ ការជួបគ្នានេះ បានសម្រេចធ្វើ បន្ទាប់ពីលោក សម រង្សី និងលោក ស ខេង បានឆ្លងឆ្លើយ និងប្តូរលិខិតគ្នាទៅវិញទៅមក ជាច្រើនថ្ងៃមកហើយ។

ក្នុងសប្តាហ៍នេះលោក សម រង្ស៊ី ប្រធានគណបក្សសង្គ្រោះជាតិ បានបញ្ជូនលិខិតមួយច្បាប់ ទៅកាន់លោក ស ខេង រដ្ឋមន្ត្រីក្រសួងមហាផ្ទៃ ដោយភ្ជាប់ជាមួយនូវសេចក្តីព្រាងវិសោធនកម្មរដ្ឋធម្មនុញ្ញ មាត្រា ៧៦ រួមទាំងការបង្កើតនូវជំពូកថ្មី ស្តីពីការរៀបចំអង្គការបោះឆ្នោត(គ.ជ.ប)។ សេចក្តីព្រាងនេះត្រូវបានអះអាងថា ធ្វើឡើងស្របតាមកិច្ចព្រមព្រៀង នៃគណបក្សទាំងពីរ កាលពីថ្ងៃទី២២ ខែកក្កដា។

ឆ្លើយតបតាមការលើកឡើងនេះ លោក ស ខេង ក៏បានផ្ញើសេចក្ដីព្រាងត្រឡប់មកវិញ។ ហើយសេចក្តីព្រាងវិសោធនកម្មរដ្ឋធម្មនុញ្ញ ទំនងជាសំដៅ ដល់ការដាក់ស្ថាប័ន គ.ជ.ប មួយនេះជាស្ថាប័នធម្មនុញ្ញ។ លោក ឧបនាយករដ្ឋមន្ត្រី ស ខេង ឆ្លើយតបទៅលោក សម រង្ស៊ី ថា យោងទៅលើសេចក្ដីព្រាងរបស់គណបក្សប្រជាជនកម្ពុជា កាលពីថ្ងៃទី២២ ខែកក្កដា ដែលគណបក្សទាំងពីរ ធ្លាប់បានពិភាក្សាមិនត្រូវគ្នានោះ។ សេចក្ដីព្រាងរបស់គណបក្សប្រជាជនកម្ពុជា អំពីការធ្វើវិសោធនកម្មរដ្ឋធម្មនុញ្ញ មាត្រា៧៦នេះ មិន បានបញ្ជាក់អំពី សមាជិកគ.ជ.ប ដាក់ឲ្យមានអភ័យឯកសិទ្ធិនោះឡើយ និងមានករណីជាច្រើនទៀតខុសគ្នា។

សូមរំលឹកថា ក្នុងសេចក្ដីព្រាងរបស់គណបក្សសង្រ្គោះជាតិ ទៅលោក ស ខេង កាលពីថ្ងៃទី៣០ កក្កដា នោះ បានសរសេរថា ធ្វើវិសោធនកម្មរដ្ឋធម្មនុញ្ញមាត្រា៧៦ និងបង្កើតជំពូកទី ១៥ថ្មី នៃរដ្ឋធម្មនុញ្ញ អំពីអង្គការរៀបចំការបោះឆ្នោត ក្នុងនោះទាមទារឲ្យសមាជិកកំពូល គ.ជ.ប មាន អភ័យឯកសិទ្ធិ មានថវិកាស្វ័យភាពរបស់ខ្លួនជាដើម។

ឯប្រធានគណបក្សសង្គ្រោះជាតិ លោក សម រង្ស៊ី ក៏បានបញ្ជាក់ថា បើគណបក្សប្រជាជនកម្ពុជា ទទួលយកនូវខ្លឹមសារ នៃសេចក្ដីព្រាងនេះ យើងនឹងដំណើរការបានឆាប់នូវករណីដូចជា កំណត់ថ្ងៃរៀបចំពិធីធ្វើសច្ចាប្រណិធាននៃតំណាងរាស្ត្រទាំង៥៥រូប៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...