បឹង​យក្សឡោម ជា​បឹង​ស្អាត​បំផុត ក្នុង​ចំណោម​បឹង​ទាំង១៥​ក្នុង​ពិភពលោក

ក្នុងចំណោមបឹង ដែលមានសម្រស់ស្រស់ស្អាតទាំង១៥ ដែលកើតឡើងកើតពីបន្ទុះភ្នំភ្លើង រាប់ពាន់ឆ្នាំហើយនោះ បឹងយក្សឡោម ដែលស្ថិតនៅភាគឥសាន នៃប្រទេសកម្ពុជា ត្រូវបានគេទទួលស្គាល់ថា ជាបឹងដែលស្អាតបំផុត លំដាប់ថ្នាក់ទី១២។
Loading...
  • ដោយ: ប្រាថ្នា ដោយ ក.ចាន់នីតា (ទាក់ទង៖ [email protected]) - ភ្នំពេញ ថ្ងៃទី២៧ សីហា ២០១៤
  • កែប្រែចុងក្រោយ: August 30, 2014
  • ប្រធានបទ: ទេសចរណ៍
  • អត្ថបទ: មានបញ្ហា?
  • មតិ-យោបល់

«យក្សឡោម» ជាបឹងមួយ ស្ថិតនៅចំកណ្តាលភ្នំក្នុងឃុំយក្សឡោម ស្រុកបានលុង ខេត្តរតនៈគិរី។ បឹង​យក្សឡោម ជារមណីយដ្ឋានធម្មជាតិ ដ៏ស្រស់ត្រកាលគ្មានពីរ ដែលបានកើតឡើងដោយសារបន្ទុះភ្នំភ្លើង តាំងពីរាប់រយឆ្នាំមុន។ ទិដ្ឋភាពក្នុងបឹងយក្សឡោម មើលទៅដាច់កន្ទុយភែ្នក មានព្រៃព្រឹក្សា ដុះអមជុំវិញ បឹងដែលជាម្លប់សម្រាប កម្សាន្ត រីឯផៃ្ទទឹកមានពណ៌‌ខៀវស្រងាត់ ទឹកត្រជាក់ថ្លាឈ្វង់ស្ទើរតែអាចឆ្លុះមុខបាន រហូតធ្វើឲ្យអ្នកទស្សនា មិនចង់ឃ្លាតពីកនែ្លងនេះឡើយ។

យោងតាមគេហទំព័រ earthporm ដែលបានធ្វើចំណាត់ថ្នាកបឹង កើតពីបន្ទុះភ្នំភ្លើង និងមានសម្រស់​ស្រស់​ស្អាតជាងគេបំផុត ក្នុងនោះបឹងយក្សឡោមរបស់ប្រទេសកម្ពុជា ដែលគេបានអះអាងថា ជាបឹងដែល​កើត​ពី​បន្ទុះភ្នំភ្លើង កាលពីជាង ៤០០០ ឆ្នាំមុននោះ និងមានជម្រៅ ជាង ៤៧ ម៉ែត្រ គឺជាបឹងមួយដ៏ស្រស់ស្អាតបំផុត​លំដាប់ទី១២ ក្នុងចំណោមបឹងស្អាតបំផុតទាំង ១៥ នៅលើពិភពលោក។

បើទោះបីជាបឹងយក្សឡោមរបស់ប្រទេសកម្ពុជា ជាប់ចំណាត់ថ្នាក់លេខ១២ ជាបឹងដែលស្រស់ស្អាត​បំផុត​នោះ ប៉ុន្តែមិនអន់ជាងបឹងកើតពីបន្ទុះភ្នំភ្លើង ដែលស្អាតជាងគេបំផុតជាប់ចំណាត់ថ្នាក់ទី១ ដែលស្ថិតនៅ​លើ​ភ្នំ Mazama ក្នុងរដ្ឋ Oregon ភាគខាងលិចសហរដ្ឋអាមេរិក ដែលមានជម្រៅ ៥៩៤ ម៉ែត្រប៉ុន្មានឡើយ។ ភ្ញៀវ​ទេសចរណ៍​ដែលបានកំសាន្តនៅទីនោះ សុទ្ធតែលាន់មាត់សរសើរគ្រប់គ្នាថា បឹងយក្ស បឹងនេះមាន​ទេសភាព​ស្អាត ទឹកបឹងមានពណ៌‌ខៀវស្រងាត់ ទៅទស្សនាហើយមិនចង់មកវិញ។

ខាងក្រោមនេះជាបឹងដែលកើតពីបន្ទុះភ្នំភ្លើងទាំង១៥ ដែលត្រូវបានគេធ្វើចំណាត់ថ្នាក់ជា​បន្តបន្ទាប់​ដូច​តទៅ៖

១- បឹង Mazama ក្នុងរដ្ឋ Oregon សហរដ្ឋអាមេរិក
២- បឹង Albertine Rift នៅអាហ្រិក
៣- បឹង Pinabuto–Luzon នៅហ្វីលីពីន
៤- បឹងQuilotoa នៅអេក្វាឌ័រ
៥​- បឹង Kelimutu នៅកោះ Flores Island ឥណ្ឌូនេស៊ី
៦- បឹង Heaven នៅភ្នំ Baekdu ជាប់ព្រំដែនប្រទេសចិន និងកូរ៉េខាងជើង
៧- បឹង Licancabur នៅឈីលី
៨- បឹង Taal នៅហ្វីលីពីន
៩- បឹងនៅលើភ្នំ Katmai រដ្ឋ Alaska សហរដ្ឋអាមេរិក
១០- និងទី១១ បឹង Viti Geothermal នៅតំបន់ Askja និងបឹង Kerid នៅអៀកឡង់
១២- បឹងយក្សឡោម នៅកម្ពុជា
១៣- បឹង Deriba នៅស៊ូដង់
១៤- បឹងនៅលើភ្នំ Ruapehu ញ៉ូវែលសេឡង់
១៥- បឹង Okama នៅកោះ Honshu ប្រទេសជប៉ុន ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...