«នាគ​សមុទ្រ»​មួយ ត្រូវ​បាន​គេ​ស្គាល់​ក្នុង​វីដេអូ ថត​ពី​ប្រទេស​អាយឡេន (vdo)

អ្វីដែលគេឃើញនៅក្នុងវីដេអូ អាចជាត្រីអន្ទង់សមុទ្រ ឬជាពស់សមុទ្រមួយក្បាល។ វីដេអូនេះ ត្រូវបានថតជាប់នៅក្នុង​ផ្នែក​ខាង​កើត នៃប្រទេសអាយឡេន កាលពីឆ្នាំ២០១២កន្លងទៅ នៅលើស្ទឹងទឹកកកមួយ ឈ្មោះហៅថា Jökulsá í Fljótsdal។ ប៉ុន្តែបើតាមអ្នកជំនាញ ទើបនឹងប្រកាសឲ្យដឹងថា នោះប្រាកដជាសត្វចម្លែកមួយប្រភេទ ដែលប្រទេសលោកខាងលិច តែង​ហៅ​វាថា ជា«នាគសមុទ្រ»។ សត្វ​នេះទំនងជាបានឡើង មកផ្នែកខាងលើនៃផ្ទៃទឹក ហើយត្រូវបានថតបាន ដោយ​ចៃដន្យ។
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី២៦ កញ្ញា ២០១៤
  • កែប្រែចុងក្រោយ: September 27, 2014
  • ប្រធានបទ: សត្វចម្លែក
  • អត្ថបទ: មានបញ្ហា?
  • មតិ-យោបល់

នៅក្នុងប្រវត្តិដ៏យូរលង់ ចាប់ផ្តើមពីឆ្នាំ១៣៤៥ នាគសមុទ្រត្រូវបានគេឃើញថាបានរស់នៅក្នុងបឹង Lagarfljót ភាគឦសាននៃប្រទេសអាយឡេន។ សត្វចម្លែកនោះមានប្រវែងវែងជាង ៩០ម៉ែត្រ ហើយនៅពេលនោះ​ត្រូវ​បានគេឃើញវាអើតក្បាលចេញពីទឹក នៅពីលើចរន្ដទឹកគួចដ៏ធំមួយ។ ប៉ុន្តែសត្វដ៏អាថ៌កំបាំង មិនដែលត្រូវ​បាន​គេថតជាប់ទេ ទោះជារូបថត ឬជាវីដេអូក៏ដោយ។

ប៉ុន្តែវីដេអូ ដែលថតបានដោយជនជាតិអាយឡេនម្នាក់ ទៅលើសត្វមួយក្បាលកំពុងហែលក្នុងទឹក ក្នុងបឹង Jökulsá í Fljótsdal កាលពីឆ្នាំ២០១២ ត្រូវបានដាក់ទៅឲ្យអ្នកជំនាញត្រួតពិនិត្យ ហើយពួកគេបានបោះឆ្នោត​សន្មតក្នុងសម្លេង៦លើ៧ យល់ឃើញថានេះជាសត្វចម្លែក។ អ្នកដែលជឿជាក់ជាងគេ បានឃើញសំណាញ់​នេសាទធម្មតាមួយ អណ្ដែតនៅលើផ្ទៃទឹក ហើយអ្នកជំនាញម្នាក់ បានបំបែករូបភាពនេះ ដើម្បីមើលឲ្យដឹង​ថា​តើជាវត្ថុនោះ ឬទឹក ដែលបានកម្រើក។

រីឯលោក ឡូរ៉េន ខូលមេន (Loren Coleman) អ្នកជំនាញជាតិអាមេរិកាំងខាងសត្វចម្លែកម្នាក់ទៀត និងជា​នាយកសារមន្ទីរមួយ នៅក្រុងព័រឡេន សហរដ្ឋអាមេរិក បានគិតថា រូបភាពនេះជាការបន្លំ ដោយគេបាន​យក​រូប​ក្លែងក្លាយ មកពន្លិចក្នុងទឹក ធ្វើដូចជាសត្វពស់សមុទ្រដ៏ធំមួយ។ លោកនិយាយថា៖ «អ្នកជំនាញ​ជំនាន់​មុន មិនគិតដល់ថា វាជាសត្វពស់ទេ តែយ៉ាងហោចណាស់ ពួកគេនាំគ្នាគិតថា វាជាសេះសមុទ្រ ច្រើន​ជាង​សត្វ​​ពស់​​សមុទ្រដ៏ធំមួយដែរ»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...