ជាថ្នាំកំប៉ុងដើម្បីកំណត់វិន័យបាល់ទាត់ ឲ្យកាន់តែរឹងមាំឡើង ហើយត្រូវបានអនុញ្ញាតដោយ​សហព័ន្ធ​បាល់​ទាត់​អន្តរជាតិ ហៅកាត់ថា ហ្វីហ្វា (Fifa)។ បន្ទាប់ពីបាល់ទាត់ពិភពលោក ឆ្នាំ២០១៤នេះរួច ថ្នាំកំប៉ុងបាញ់​ចេញ​ពពុះពណ៌សនេះ នឹងត្រូវយកមកប្រើនៅក្នុងប្រទេសបារាំង ដើម្បីប្រកួតជុំរើសយកជើងឯកដែរ។ ចាប់​ពីការ​ប្រកួតលើកទី៨ សម្រាប់ប្រកួតជុំរើសយកជើងឯក នៅក្នុងប្រទេសអាល្លឺម៉ង់វិញ ថ្នាំកំប៉ុង​នេះក៏​ត្រូវ​បាន​គេ​ត្រៀម ដើម្បីឲ្យយកទៅប្រើប្រាស់ដែរ។

ប៉ុន្តែសារព័ត៌មានមួយរបស់អាល្លឺម៉ង់ បានរាយការណ៍ថា TÜV ដែលជាអង្គការមួយជំនាញខាងបរិស្ថាន ក៏​ដូច​ជា​មានឯកទេស ខាងចេញលិខិតអនុញ្ញាតសម្រាប់ផលិតផល ដែលទាក់ទងនឹងបរិស្ថាន និងសុខភាព​មនុស្ស មិនបានវាយតម្លៃចុងក្រោយមួយថា ថ្នាំកំប៉ុងនេះមិនបានឆ្លើយតបគ្រប់គ្រាន់ ទៅនឹងតម្រូវការ​ចំបាច់​នៃបរិស្ថាន នៅអ៊ឺរ៉ុបឡើយ។

អញ្ចឹងបើអត់ថ្នាំកំប៉ុងនេះទេ គេត្រូវរកវិធីសាស្ត្រផ្សេងទៀត នៅអាល្លឺម៉ង់ ដើម្បីការឈរជារបាំង និងការដាក់​បាល់សម្រាប់ទាត់ពិន័យ ត្រូវបានកីឡាករគោរព និងមិនអាចបន្លំបាន។ ឬក៏រកផលិតផលថ្នាំកំប៉ុងផ្សេងទៀត ដែលប្រទេសមួយនេះអាចទទួលឲ្យប្រើបាន?

វីដេអូខាងក្រោមនេះ នឹងបង្ហាញឲ្យឃើញថា អាជ្ញាកណ្ដាលបានក្រឡុកថ្នាំកំប៉ុងនេះ ហើយបាញ់ដាក់ចោល តែបែរជាហុយទៅចំមុខកីឡាករ ...