ចូលពេទ្យជាបន្ទាន់ ព្រោះលិង្គឡើងរឹងយូរជាង១៧ម៉ោង
- ដោយ: សេក មនោរកុមារ ដោយ សេក មនោរកុមារ (ទាក់ទង៖ [email protected]) - ប៉ារីស ថ្ងៃទី១០ តុលា ២០១៤
- កែប្រែចុងក្រោយ: October 11, 2014
- ប្រធានបទ: រឿងក្នុងខោ
- អត្ថបទ: មានបញ្ហា?
- មតិ-យោបល់
-
យុវជន ចាកសុន ហ្គាណេត (Jason Garnett) បុគ្គលិកសណ្ឋាាគារមួយរូប បានភ្ញាក់ឡើងពីដំណេក ដូចជាពេលព្រឹកមុនៗកន្លងមកដែរ គ្រាន់តែមានអារម្មណ៍ថា អាប្អូនតូចរបស់ខ្លួន ដូចជានៅតែតម្រង់ជួប្រកាន់ភាពប្រុងប្រយ័ត្នជាប់ជានិច្ច នៅព្រឹកថ្ងៃសុក្រសប្ដាហ៍មុន។ ប៉ុន្តែ វាមិនមានអ្វីចម្លែកនោះទេ ព្រោះយុវជនយើងបានស្លៀកពាក់ចេញទៅធ្វើការ និងត្រឡប់មកវិញងូតទឹក ហើយចេញទៅរត់ នៅខាងក្រៅនោះទៀត។ តែចំណុចដែលធ្វើឲ្យយុវជន ចាប់ផ្ដើមមានអារម្មណ៍ប្លែកៗនោះ គឺលិង្គរបស់ខ្លួន នៅតែរឹងកំព្រឹសនៅឡើយ តាំងពីជាង៨ម៉ោងមកហើយ។
បែបនេះ គឺមានបញ្ហា!
យុវជនចាំបាច់ត្រូវចូលទៅមន្ទីរពេទ្យជាបន្ទាន់ ព្រោះវាជាករណីខុសប្រក្រតីមួយ បណ្ដាលមកពីការគាំងសាច់ដុំលិង្គ ឬគាំងសរសៃឈាម នៅលើអវៈយវៈភេទបុរស។ ករណីនេះ កម្រមានអ្នកកើតវាណាស់។ កន្លងមក គេបានសង្កេតឃើញថា លុះត្រាតែលិង្គត្រូវបានបង្ខំឲ្យងើបឡើងរឹង សម្រាប់រយៈពេលយូរ (ឧទាហរណ៍ ដោយប្រើថ្នាំ) ទើបហនិភ័យដែលឈានទៅដល់«លិង្គ រឹងមិនស្រក» អាចមានច្រើន ដូចករណីរបស់យុវជនខាងលើ។
គ្រូពេទ្យជំនាញមួយរូបបានថ្លែងអះអាងថា ប្រសិនជាមានករណីនេះកើតឡើង គេមិនត្រូវរងចាំឲ្យហួសពី៤ ឬ៦ម៉ោងឡើយ ព្រោះបើពុំនោះទេ នឹងអាចមានវិនាសកម្មកើតឡើង (ដូចជាបែកធ្លាយលិង្គ ឬបាក់លិង្គជាដើម)។
សម្រាប់ករណីរបស់យុវជន ចាកសុន សារព័ត៌មានអង់គ្លេស HuffPost UK បានរាយការណ៍ថា ក្រុមគ្រូពេទ្យបានបូមឈាមចេញពីលិង្គរបស់យុវជន ប្រមាណជាជិតមួយលិត្រ ដើម្បីកាត់បន្ថយសំពាធ ដែលចេះតែនៅធ្វើឲ្យលិង្គងើបរឹង។ បន្ទាប់មក គ្រូពេទ្យបានប្រើថ្នាំចាក់ ប្រមាណជា២៤ម្ជុលទៀត ទើបអវៈយវៈភេទមួយនេះ បានដកឃ្លាត្រឡប់មកសម្រាកវិញ។
ចាកសុន ហ្គាណេត បាននិយាយប្រាប់សារព័ត៌មានអង់គ្លេស The Sun ថា៖ «ឃើញម្ជុលទាំងនោះ ដោតជាប់ក្នុងលិង្គរបស់ខ្ញុំ វាដូចជានៅក្នុងភាពយន្ដរន្ធត់តក់ស្លុតអញ្ចឹង។ វាជាទារុណកម្មដ៏ពិតមួយ។»៕