ឲ្យ​កាត​ក្រហម​១២ នៅ​ក្នុង​ការ​ប្រកួត​បាល់​ទាត់​តែ​មួយ (vdo)

ការប្រកួតបាល់ទាត់មួយ នៅក្នុងប្រទេសអាហ្សង់ទីន បានប្រែក្លាយទីលានបាល់ទាត់ ទៅជាទីលានប្រដាល់ បង្កភាពរញ៉េរញ៉ៃពាសពេញ។ ហេតុការណ៍បានកើតឡើង ដោយសារអាជ្ញាកណ្ដាល បានដកកាតក្រហម មកបណ្ដេញកីឡាករពីរនាក់ចេញ។
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី១៧ តុលា ២០១៤
  • កែប្រែចុងក្រោយ: October 19, 2014
  • ប្រធានបទ: ឯកត្តកម្ម
  • អត្ថបទ: មានបញ្ហា?
  • មតិ-យោបល់

ហេតុការណ៍នៅក្នុងកីឡាបាល់ទាត់ បាន​បង្ក​ឲ្យ​មាន​ចំណាប់​អារម្មណ៍​ថ្មី និង​អាច​ចាត់​ទុក​ជា​ឯកត្តកម្ម​ថ្មី នៃ​ការ​ដក​កាត​ក្រហម ដោយ​អាជ្ញា​កណ្ដាល​តែ​ម្នាក់ នៅ​ក្នុង​ការ​ប្រកួត​តែ​មួយ។ វា​ជា​ការ​ប្រកួត​រវាង​ក្រុម​អន់ៗ​ពីរ របស់​ប្រទេស​អាហ្សង់ទីន (ទ្វីបអាមេរិកខាងត្បូង) ដែល​មាន​ឈ្មោះ​ថា Deportivo Roca និង Cipolletti។ មិន​ដែល​មាន​ចំណាត់​ថ្នាក់​ខ្ពស់​ជា​រឿង​មួយ តែ​ក្រុម​ទាំង​ពីរ ក៏​ជា​គូរ​សត្រូវ​សង​សិក​មួយ​យ៉ាង​ចាស់​វស្សា​ដែរ នៅ​ក្នុង​ប្រវត្តិ​បាល់​ទាត់ នៃ​ប្រទេស​អាមេរិក​ឡាទីន​មួយ​នេះ។

បន្ទាប់ពីក្រុម Cipolletti ដែល​ជា​ក្រុម​ម្ចាស់​ផ្ទះ បាន​នាំ​មុខ​ដោយ​រក​គ្រាប់​បាល់​បាន​មួយ​គ្រាប់​មុន ភាព​តាន​តឹង​បាន​ផ្ទុះ​ឡើង។ ហើយ​ពិសេស​នៅ​ក្រោយ ការ​ធ្វើ​ឲ្យ​របួស​ដល់​កីឡាករ​មួយ​រូប បង្ក​ឲ្យ​មានការ​ជជែក​តមាត់​តក​ខ្លាំង​ក្លា​រវាង​ក្រុម​ទាំង​សង​ខាង ធ្វើ​ឲ្យ​អាជ្ញា​កណ្ដាល​បង្ខំ​ចិត្ត ត្រូវ​ដក​កាត​ក្រហម បណ្ដេញ​កីឡាករ​នៃ​ក្រុម​ទាំង​សង​ខាង​ពីរ​នាក់​ចេញ។

បន្ទាប់ពីនោះហើយ ដែលហេតុការណ៍ បានប្រែក្លាយទីលានបាល់ទាត់ ទៅជាទីលានប្រដាល់ បង្កភាព​រញ៉េរញ៉ៃពិបាកគ្រប់គ្រង ឈានទៅដល់ការផ្អាកការប្រកួត ទាំងកណ្ដាលទី។ កីឡាករម្នាក់ ដែលទើប​នឹង​ត្រូវ​អាជ្ញាកណ្ដាលបណ្ដេញចេញ ហើយប្រហែលជាក្ដៅស្លឹកត្រជៀកទប់លែងបាន បានរត់សំដៅកីឡាករ​នៃ​ក្រុម​ម្ខាងទៀត ដែលទើបនឹងត្រូវបណ្ដេញចេញដូចគ្នា ដើម្បីធ្វើការពន្យល់វែកញែក ដោយប្រើដៃជើជាថ្មី​ទៀត។ ក្រុមទាំងសងខាង បានចូលរួមក្នុងជម្លោះនេះ ហើយបង្កើតជាគូរប្រដាល់យ៉ាងអាណាធិបតេយ្យ រហូត​មានទាំងនគរបាលបង្ក្រាបកុបកម្ម មកចូលធ្វើអន្តរាគមន៍ផង។

ជាលទ្ធផល អាជ្ញាកណ្ដាលបានដកកាតក្រហម បណ្ដេញកីឡាករ១០នាក់បន្ថែមទៀត ដើម្បីគម្រប់១២កាត​ក្រហម ហើយបានបញ្ចប់ការប្រកួត នៅមុនការគប់ដុំថ្មនិងដបទឹកពីទស្សនិកជន ដែលធ្វើឲ្យរបួសដល់​កីឡាករ និង​​កងរក្សាសន្តិសុខមួយចំនួន ដែលនៅមានវត្តមានដើម្បីតថ្លៃគ្នា នៅលើប្រលាននៅឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...