ក្បាច់​វាយ​តឺនីស​ពិសេស បញ្ចេញ​ផ្ទួនៗ​គ្នា របស់​កីឡាករ ឌីមីត្រូវ (vdo)

គ្មានអ្វីដែលសប្បាយភ្នែក ជាងបានទស្សនានូវទេពកោសល្យដ៏កំពូល របស់កីឡាករល្បីៗក្នុងពិភពលោកយើងនេះទេ។ ពីចំណោមកីឡាករទាំងនោះ មានកីឡាករ ហ្គ្រីហ្គ័រ ឌីមីត្រូវ (Grigor Dimitrov) ម្នាក់ បានបង្ហាញនូវក្បាច់វាយតឺនីស ប្រកប​ដោយ​ជំនាញ​ច្បាស់លាស់ ហើយពិសេសៗដល់ទៅពីរដងផ្ទួនៗគ្នានោះទៀត។
Loading...
  • ដោយ: សេក មនោរកុមារ ដោយ សេក មនោរកុមារ (ទាក់ទង៖ [email protected]) - ប៉ារីស​ ថ្ងៃទី១៧ តុលា ២០១៤
  • កែប្រែចុងក្រោយ: October 19, 2014
  • ប្រធានបទ: ទេពកោសល្យ
  • អត្ថបទ: មានបញ្ហា?
  • មតិ-យោបល់

ជាការពិតហើយ ទេពកោសល្យ​របស់​កីឡាករ វាយ​កូន​បាល់​លើ​វាល​រាប (ឬ​តឺនីស) មួយ​ចំនួន អាច​មាន​សភាព​ប្រហាក់​ប្រហែល​គ្នា។ ប៉ុន្តែ យក​ទេពកោសល្យ​នោះ​មក​បញ្ចេញ នៅ​ក្នុង​ការ​ប្រកួត​ធំៗ ជា​ការ​ចាប់​យក​ហនិភ័យ​មួយ។

ប៉ុន្តែចំណែកឯកីឡាករ ហ្គ្រីហ្គ័រ ឌីមីត្រូវ វិញ មិន​បាន​គិត​ដូច្នោះ​ឡើយ ព្រោះ​កីឡាករ​រូប​នេះ បាន​យក​ទេពកោសល្យ ដ៏​ប៉ិន​ប្រសព្វ​របស់​ខ្លួន ក្នុង​ការ​វាយ​កូន​បាល់​ពី​ក្រោយ​ខ្នង​មក​វិញ មក​ប្រើ​ក្នុង​ការ​ប្រកួត​ក្នុងរគ្គ១/៤ផ្ដាច់​ព្រ័ត​ នៅ​រាជធានី​ស្ដុកខូល (Stockholm) នៃ​ប្រទេស​ស៊ុយ​អែត។

ការបង្ហាញក្បាច់វាយបកពីក្រោយមកវិញនេះ ត្រូវបាន​កីឡាករ​ជាតិ​ប៊ុលហ្គារី​រូប​នេះ វាយផ្ដាច់សម្រេច​យក​ឈ្នះ ដល់ទៅពីរដងផ្ទួនៗ ទៅលើកីឡការគូរប្រជែង ជាតិ​អាមេរិកាំង លោក ចាក់ សុគ (Jack Sock)។ មិន​ត្រឹមតែប៉ុណ្ណោះ នៅចំពោះទេពកោសល្យដ៏កំពូលនេះ កីឡាករ​អាមេរិកាំង​ដែល​បាន​ប្រកួត​ចាញ់ (ក្នុងពិន្ទុ ៥-៧, ៦-៤, ៦-៣) បានលើកមេដៃបង្ហាញទៅកីឡាករ ឌីមីត្រូវ វិញ ជា​សញ្ញា​ថា «អស្ចារ្យមែន» និង​បន្ទាប់​មក​បានទៅបុកកណ្ដាប់ដៃគ្នា ជាសញ្ញាថា «អញ​ចាញ់​អស់​ចិត្ត​ហើយ» នោះ​ថែម​ទៀត។

រកមើលទេពកោសល្យរបស់កីឡាករល្បី តាមរយៈវីដេអូខាងក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...