ពលរដ្ឋ​មក​ពី​ខេត្ត​ព្រះ​វិហារ ស្រែក​តវ៉ា​ទ្រហឹង​ជិត​ត្រជៀក ហ៊ុន សែន

ពលរដ្ឋជំលោះដីធ្លី មកពីខេត្តព្រះវិហារ ចំនួនបីភូមិ បាននាំគ្នាមកស្រែក នៅចំងាយប្រមាណជា ២០០ម៉ែត្រ ពីផ្ទះលោកនាយករដ្ឋមន្ត្រី ហ៊ុន សែន ដើម្បីទាមទារដីកម្មសិទ្ធិខ្លួន ដោយបានចោទថា មានមន្ត្រីរដ្ឋាភិបាល និងអាជ្ញាធរបានឃុបឃិតគ្នា ប្លន់យកដីធ្លីទាំងនោះ។
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ២០ តុលា ២០១៤
  • កែប្រែចុងក្រោយ: October 20, 2014
  • ប្រធានបទ: វិបត្តិដីធ្លី
  • អត្ថបទ: មានបញ្ហា?
  • មតិ-យោបល់

ការជួបជុំរបស់ប្រជាពលរដ្ឋ ជា​បាតុករ​ដែល​មាន​ជម្លោះ​ដី​ធ្លី ក្នុង​ខេត្ត​ព្រះ​វិហារ កាល​ពី​ព្រឹក​ថ្ងៃ​ទី​១៩ ខែ​តុលា​នេះ  ត្រូវ​បាន​រារាំង​ដោយ​កង​កម្លាំង​អាជ្ញាធរ​ជា​ច្រើន​នាក់ ក្នុង​បំណង​ទប់​មិន​ឲ្យ​ក្រុម​ពលរដ្ឋ​សម្រុក​ចូល ទៅ​ជិត​បរិវេណ​ផ្ទះ​លោក ហ៊ុន សែន។ ប៉ុន្តែ​នៅ​ពេល​កំដៅ​ថ្ងៃ កាន់​តែ​ក្តៅ​ឡើង​ខ្លាំង ការ​អត់​ធ្មត់​ទំនង​ជា​បាន​ស្រុត​ចុះ ធ្វើ​ឲ្យ​ការ​ប៉ះ​ទង្គិច​មួយ​បាន​កើត​ឡើង រវាង​ពលរដ្ឋ​ នឹង​កង​កម្លាំង​អាជ្ញាធរ​ទាំង​នោះ បណ្តាយ​ឲ្យ​ពលរដ្ឋ​ជាង ១០នាក់​រង​របួស។

ហេតុការណ៍បានកើតឡើង​នៅ​លើ មហា​វិថី​ព្រះ​សុរាម្រិត ត្រង់​ចំណុច​នាគ​បាញ់​ទឹក។ បាតុករ​បាន​ស្រែក​ខ្លាំងៗ តាម​ឧឃ្ឃោសនស័ព្ទ តម្រង់​ត្រង់​ទៅ​ផ្ទះ​នាយក​រដ្ឋ​មន្ត្រី ទំនង​ជា​ចង់​ឲ្យ លោក ហ៊ុន សែន បាន​លឺ​ថា ពួក​ខ្លួន​ជា​ពលរដ្ឋ​ដែល​មាន​បញ្ហា​ដី​ធ្លី មក​ពី​ខេត្ត​ព្រះ​វិហារ ហើយ​មក​តវ៉ា​នៅ​ទី​នេះ មិន​មាន​ពាក់​ព័ន្ធ​នឹង​នយោបាយ​ទេ តែ​គ្រាន់​តែ​មក​ទាមទារ​យក​ដី​ធ្លី វត្ត​អារាម​ផ្ទះ​សំបែង ស្រែ​ចំការ ដែល​អាជ្ញាធរ​ខេត្ត និង​អាជ្ញាធរ​ជាតិ​ឃុប​ឃិត​គ្នា ប្លន់​យក​ប៉ុណ្ណោះ។

ពលរដ្ឋមានជម្លោះដីទាំងនោះ មានពលរដ្ឋ ៧៨ គ្រួសារ រស់នៅភូមិហ្មសែត សង្កាត់ប៉ាលហាល ក្រុងព្រះវិហារ ខេត្តព្រះវិហារ មានជម្លោះដីលំនៅឋាន ៨ហិកតារ និងដីបង្កបង្កើនផល ៣៥ ហិកតារ និងពលរដ្ឋ ២៥៣ គ្រួសារ​ទៀត មកពីភូមិស្វាយជ្រុំ ឃុំកន្ទួត ស្រុកជាំក្សាន្ត មានជម្លោះដីសរុប ៥៧៥ហិកតារ។

គួរបញ្ជាក់ដែរថា នៅមុនមកដល់ចំណុចអាងនាគបាញ់ទឹកនេះ ក្រុមពលរដ្ឋបានហែរនាំយកញត្តិ ទៅ​ដាក់​រួច​ហើយ នៅតាមស្ថានទូតនានា មានដូចជាស្ថានទូតចិន រុស្សី អូស្ត្រាលី និងរដ្ឋសភាជាដើម ដើម្បីឲ្យជួយធ្វើ​អន្តរាគមន៍ទៅរដ្ឋាភិបាល ជួយដោះស្រាយដីធ្លីជូនពួកគាត់។ ហើយការដង្ហែឆ្ពោះ មកកាន់គេហដ្ឋានរបស់​លោក ហ៊ុន សែន នេះ ដោយសារពួកគាត់ចង់ដាក់ញត្តិ ទៅឲ្យខុទ្ទកាល័យនាយករដ្ឋមន្ត្រីមួយទៀត។

ក្រុមបាតុករបានលើកឡើងថា ខុទ្ទកាល័យនាយករដ្ឋមន្ត្រី បានសន្យាថានឹងផ្តល់ដំណឹងមកវិញ ចំពោះការ​ដាក់ញ្ញាតិមុនៗ តែរហូតមកដល់ពេលនេះ នៅតែគ្មានដំណឹង ជំរុញឲ្យពួកគាត់ធ្វើការដាក់ញត្តិនេះ ជាថ្មី​ទៀត។ ពួកគាត់បានស្រែកទៀតថា នឹងនៅរងចាំ មិនត្រឡប់ទៅណាទេ ទាល់តែមានការផ្តល់ដំណឹង អំពី​ញត្តិ​របស់ខ្លួនទើបត្រឡប់ទៅវិញ រហូតមានការប៉ះទង្គិច និងការវាយបំបែក ពីក្រុមកងកម្លាំងរក្សាសន្ដិសុខ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...