ក្រសួងអប់រំ យុវជន និងកីឡា នឹងប្រកាសលទ្ធផលប្រឡងបាក់ឌុបលើកទីពីរ នៅថ្ងៃទី០៤ខែវិច្ឆិកាខាងមុខ។" /> លទ្ធផល​ប្រឡង​បាក់​ឌុប​លើក​ទី​ពីរ នឹងចេញ​ផ្សាយ​តាម​ហ្វេសប៊ុក - មនោរម្យ.អាំងហ្វូ (ឯកសារ)

លទ្ធផល​ប្រឡង​បាក់​ឌុប​លើក​ទី​ពីរ នឹងចេញ​ផ្សាយ​តាម​ហ្វេសប៊ុក

បើតាមទំព័រហ្វេសប៊ុកផ្លូវការ របស់ក្រសួងអប់រំយុវជន និងកីឡា បានប្រកាសថា ក្រសួងអប់រំ យុវជន និងកីឡា នឹងប្រកាសលទ្ធផលប្រឡងបាក់ឌុបលើកទីពីរ នៅថ្ងៃទី០៤ខែវិច្ឆិកាខាងមុខ។
Loading...
  • ដោយ: ប្រាថ្នា ដោយ ប្រាថ្នា (ទាក់ទង៖ [email protected] ) - ភ្នំពេញ ថ្ងៃទី២០ តុលា ២០១៤
  • កែប្រែចុងក្រោយ: October 22, 2014
  • ប្រធានបទ: អប់រំ
  • អត្ថបទ: មានបញ្ហា?
  • មតិ-យោបល់

ទំព័រហ្វេសប៊ុករបស់ក្រសួងអប់រំ បាន​ឱ្យ​ដឹង​ថា លទ្ធផល​ដែល​នឹង​ត្រូវ​ចេញ​ផ្សាយ នៅ​ថ្ងៃ​ទី០៤ វិច្ឆិកា ២០១៤ ខាង​មុខ​នេះ ជា​លទ្ធផល​ប្រឡង​សញ្ញាបត្រ​មធ្យម​សិក្សា​ទុតិយភូមិ​ចំណេះ​ទូទៅ និង​បំពេញវិជ្ជា​លើក​ទី២ នៃ​សម័យ​ប្រឡង ១៣ តុលា ២០១៤ នឹង​ផ្សព្វផ្សាយ​លើ​ទំព័រ​ហ្វេសប៊ុក ផ្លូវ​ការ​តែ​មួយ​គត់​របស់​ក្រសួង​អប់រំ យុវជន និង​កីឡា ដែល​មាន​ឈ្មោះ​ថា MoEYS Cambodia តាម​អាស័យដ្ឋាន​គេហទំព័រ facebook.com/moeys.gov.kh។

ផ្សាយលទ្ធផល «យំនិងសើច» ជាសាធារណៈ

នេះជាវិធីសាស្ត្រថ្មីមួយ របស់​ក្រសួង​អប់រំ ក្នុង​ការ​ផ្សាយ​លទ្ធផលប្រលងមួយ ដែល​ជា​ការប្រជែង​​យក​សញ្ញាបត្រ​ដ៏​ធំ​មួយ​នៅ​កម្ពុជា ហើយ​ដែល​កម្រ​មាន​ប្រទេស​ណា ប្រើ​វិធី​ដូចនេះណាស់។ ការ​ផ្សព្វ​ផ្សាយ​នេះ បាន​​ធ្វើ​ឲ្យ​មាន​មនុស្ស​ជា​ច្រើន ធ្វើ​ការ​ចែក​រំលែក​ច្រើន​ជាង​១ពាន់​ដង។ អ្នក​ប្រើ​ប្រាស់​បណ្ដាញ​សង្គម​មួយ​រូប បាន​សរសេរ​ឲ្យ​យោបល់​ថា៖ «ថ្ងៃទី៤ ម្នាក់យំម្នាក់ទឹកភ្នែក»។

សម្រាប់ក្រុមអ្នកប្រើប្រាស់ បណ្ដាញសង្គមមួយចំនួនទៀត បានយល់ថា នេះអាចជាវិធីសាស្ត្រងាយស្រួល ដើម្បីកុំឲ្យបេក្ខជនធ្វើការបម្លាស់ទី តែមិនប្រាកដថា ជាវិធីសាស្ត្រល្អនោះទេ។ ពួកគេយល់ថា នេះជាកំណែ​ទម្រង់បែបថ្មីមួយ ដែលក្រសួងអប់រំ ចង់ប្រើប្រាស់ភាពទំនើបកម្ម មកអនុវត្តន៍នៅក្នុងប្រព័ន្ធសិក្សា សម្រាប់​រដ្ឋាភិបាលអណត្តិថ្មីនេះ។ តែបើគ្រាន់តែប្រកាសលទ្ធផល តាមបណ្ដាញសង្គម ដើម្បីដាក់ជាចំហរ​ឲ្យ​នរណាៗ ក៏អាចចូលទៅរកមើលបាននោះ វាគ្រាន់តែជាការផ្លាស់ប្ដូរឲ្យឃើញថ្មី ប៉ុន្តែវាមិនបានឆ្លុះបញ្ចាំង ពី​គុណភាព​អប់រំពិតប្រាកដ ដែលក្រសួងធ្វើបានសម្រេចនោះឡើយ។

សូមបញ្ជាក់ដែរថា ក្នុងសម័យប្រឡង សញ្ញាបត្រមធ្យមសិក្សាទុតិយភូមិ លើកទី២ ថ្ងៃទី១៣-១៤ ខែតុលា ឆ្នាំ២០១៤នេះ មណ្ឌលប្រឡងទូទាំងប្រទេសចំនួន១១៧ ត្រូវជា២៧៥២បន្ទប់ និងមានបេក្ខជនប្រឡង ជាង​៦ម៉ឺន​នាក់។ រីឯកាលពីការប្រឡងលើកទី១ ក្នុងចំណោមបេក្ខជន មកប្រលងសរុប៨៩.៩៣៧ ក្នុង​នោះ​បេក្ខជន​ជាប់​ជាស្ថាពរ មានចំនួនតែ២៣១២៦នាក់ ត្រូវជា២៥,៧២ភាគរយតែប៉ុណ្ណោះ ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...