សម្ភាស​​ពលរដ្ឋ​​ពី​ខេត្ត​ព្រះ​វិហារ និង​ព្រះ​សង្ឃ ដែល​រង​របួស​ក្រោម​ការ​បង្ក្រាប​របស់​អាជ្ញាធរ (vdo)

ការសម្រេចចិត្ត បន្តដាក់ញ្ញតិសារជាថ្មី របស់ពលរដ្ឋដែលអះអាងថា ជាជនរងគ្រោះនឹងជម្លោះដីធ្លី ដ៏រ៉ាំរ៉ៃ ក្នុង​ខេត្ត​ព្រះ​វិហារ​នោះ បានជំរុញឲ្យពួកគាត់រងនូវការសំពង ឲ្យមានរបួសប្រមាណជាជាង ១០នាក់ ក្នុងការបង្ក្រាបមួយ កាលពីថ្ងៃទី២០ ខែតុលា នៅចំណុចនាគបាញ់ទឹក ជិតគេហដ្ឋានលោកនាយករដ្ឋមន្ត្រី។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញថ្ងៃទី២១ តុលា ២០១៤
  • កែប្រែចុងក្រោយ: October 22, 2014
  • ប្រធានបទ: វិបត្តិដីធ្លី
  • អត្ថបទ: មានបញ្ហា?
  • មតិ-យោបល់

មនុស្សជាង១០នាក់ បាន​​រង​របួស​ធ្ងន់​ស្រាល ក្នុង​​ការ​បះ​ទង្គិច​គ្នា​មួយ រវាង​សមត្ថកិច្ច​ចម្រុះ​ បញ្ជា​ដោយ​រដ្ឋាភិបាល​កម្ពុជា និង​ពលរដ្ឋ​រង​គ្រោះ​ដី​ធ្លី​នៃ​ខេត្ត​ព្រះ​វិហារ។

នា​ថ្ងៃ​ទី២០ ខែ​​តុលា​​​នេះ ប្រជា​ពលរដ្ឋ​រង​គ្រោះ​ដី​ធ្លី ប្រមាណ​ជា​ជាង​ពីរ​រយ​នាក់​ មក​ពី​ភូមិ​ហ្មសែត សង្កាត់​ប៉ាលហាល ក្រុង​ព្រះវិហារ និង​មក​ពី​ភូមិ​ស្វាយ​ជ្រុំ ឃុំ​កន្តួត ស្រុក​ជាំក្សាន្ត ក្នុង​ខេត្ត​ព្រះ​វិហារ បាន​ដើរ​ហែរ​ក្បួន​ដាក់​ញត្តិ សុំ​អន្តរាគមន៍​ពី​ស្ថានទូត និង​ក្រសួង​ស្ថាប័ន​រដ្ឋ​នានា ពិសេស​​ខុទ្ទកាល័យ​លោក​នាយក​រដ្ឋ​មន្រ្តី។ លុះ​នា​រសៀល​ថ្ងៃ​ដដែល ក្បួន​ដង្ហែ​របស់​ពលរដ្ឋ​ទាំង​នោះ ត្រូវ​បាន​រារាំង​​នៅ​​ចំណុច​​នាគ​បាញ់​ទឹក លើមហាវិថី ព្រះសុរាម្រិត ដើម្បីកុំឲ្យក្រុមអ្នកតវ៉ា ធ្វើដំណើរទៅក្បែរផ្ទះលោកនាយករដ្ឋមន្រ្តី ហ៊ុន សែន។

បន្ទាប់ពីមានការប្រឈមមុខគ្នា អស់រយៈ​ពេល​ប៉ុន្មានម៉ោងមក ទីបំផុតទៅ អំពើហិង្សា​មួយក៏​បានផ្ទុះឡើង រវាងប្រជា​ពលរដ្ឋ​ទាំងនោះ និងសមត្ថកិច្ចចម្រុះ ពិសេសពីក្រុមសន្តិសុខចម្រុះខណ្ឌ ក្នុង​រាជធានី​ភ្នំពេញ។ ការ​ប៉ះ​ទង្គិច​គ្នានេះ យ៉ាងហោចណាស់ មានប្រជាពលរដ្ឋជាង១០នាក់ និងព្រះសង្ឃមួយ​អង្គរង​របួស។

ក្រុមអ្នករងរបួស ត្រូវបានគេព្យាយាមដឹក ទៅព្យាបាលនៅមន្ទីរពេទ្យរុស្សី តែត្រូវ​បានមន្ទីរពេទ្យមួយនេះ បដិសេធមិនទទួលពិនិត្យ និងព្យាបាល ដែលធ្វើឲ្យពួកគាត់ត្រូវសម្រេចចិត្ត មកអង្គការលីកាដូរ​ដើម្បី​ព្យាបាល​វិញ។

សូមរំលឹកដែរថា ក្រុមប្រជា​ពលរដ្ឋ​អ្នកតវ៉ា មក​ពី​ខេត្ត​ព្រះវិហារជាង​ពីរ​រយ​នាក់​នោះ បាន​មក​ធ្វើការ​តវ៉ា​ជាងពីរ​ខែ​មក​ហើយ តែ​អាជ្ញាធរ​រដ្ឋាភិបាល​កម្ពុជា នៅ​មិន​ទាន់​មាន​ចម្លើយ​ណា​មួយ​ជា​វិជ្ជមាន ក្នុង​ការ​ដោះស្រាយ​ដល់​ពួក​គាត់​នៅ​ឡើយ។

សូមស្តាប់កិច្ចសម្ភាស ជាមួយប្រជាពលរដ្ឋរងរបួស ធ្វើការពិពណ៌នារឿងហេតុ​ដែលកើតមាន​«ហិង្សា»​ដូច​ខាង​ក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...