ទើប​នឹង​សម្រាល​បាន​កូន​ភ្លោះ ចេញ​ស្វែង​រក​ជំនួយ​ទាំង​សរសៃ​ខ្ចី (vdo)

នៅលើលោកយើងនេះ តើមានអ្នកម្ដាយប៉ុន្មាននាក់ ដែលប្រសូតបុត្រភ្ញារួច បែរជាដើរសុំទាន ទាំងសរសៃខ្ចី ដើម្បី​រក​ប្រាក់​ចិញ្ចឹម​កូន? រូបភាពដ៏រំជួលចិត្ត ដែលក្រុមអ្នកយកព័ត៌មាន របស់ទស្សនាវដ្ដីមនោរម្យ.អាំងហ្វូ អត់ទ្រាំ​មិន​ជួយ​ឈឺ​ឆ្អាល មិនបាន !
ម្ដាយវ័យក្មេង ឈ្មោះ វ៉ាន់ (ខាងឆ្វេង) និងម្ដាយក្មេករបស់នាង បីកូនភ្លោះទាំងពីរ។ (រូបថត monoROOM.info/ S.Tith)
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ២៧ តុលា ២០១៤
  • កែប្រែចុងក្រោយ: October 29, 2014
  • ប្រធានបទ: ទុរគតជន
  • អត្ថបទ: មានបញ្ហា?
  • មតិ-យោបល់

ស្ត្រីវ័យក្មេង ដែល​ជា​កូន​ប្រសារ ហើយ​ដែល​ទើប​នឹង​សម្រាល បាន​កូន​ស្រី​ពីរ​នាក់ ត្រូវ​បង្ខំ​ចិត្ត​ដើរ​បី​កូន​ទាំង​សរសៃ​ខ្ចី តាម​ម្តាយ​ក្មេក​សុំ​ទាន​តាម​ចិញ្ចើម​ថ្នល់ ដើម្បី​ដោះ​ស្រាយ​ជីវភាព និង​រក​ថវិការ​ទិញ​ទឹក​ដោះ​គោ​បំបៅ​កូន។

ស្ត្រីវ័យក្មេង ដែល​ជា​អ្នក​សុំ​ទាន​សរសៃ​ខ្ចី​រូប​នេះ មាន​ឈ្មោះ​ថា រ៉ាន់ មាន​ទី​លំនៅ នៅ​ខេត្ត​បន្ទាយ​មាន​ជ័យ ហើយ​បច្ចុប្បន្ន រ៉ាន់ មាន​កូន​បីនាក់ (សម្រាល​លើក​ទី ២ បាន​កូន​ភ្លោះ​ពីរ​នាក់)។ ស្វាមី​របស់ វ៉ាន់ ជា​កម្មករ​​លី​សែង នៅ​តាម​អាគារសំណង់​មួយ​កន្លែង ក្នុង​រាជធានី​ភ្នំពេញ។ រី​ឯ​ខ្លួន​ជា​ស្រ្តី ដែល​ទើប​នឹង​សម្រាល​កូន​រួច​នោះ ត្រូវ​ដើរ​សុំ​ទាន​នៅ​តាម​ចិញ្ចើម​ថ្នល់ ជា​មួយ​ម្តាយ​ក្មេក ដោយ​សារ​ជីវភាព​ក្រី​ក្រ​ពេក ហើយ​មិនអាច​ទ្រាំ​ចាំរហូត​ដល់​ខ្លួន​ជា​ស្រួល​បួល​បាន។

កាលពីទើបនឹងរៀបការរួច រ៉ាន និងគ្រួសារ បានរស់នៅតាមសំយ៉ាបផ្ទះបងប្អូន ឯស្រុកកំណើតរបស់ខ្លួន។ ហើយបច្ចុប្បន្ននេះ ក្រុមគ្រួសាររបស់អ្នកសុំទានរូបនេះ បានផ្លាស់ប្តូទីលំនៅ មករស់នៅរាជធានីភ្នំពេញវិញ ដោយជួលបន្ទប់តូចមួយ នៅតាមបណ្តោយផ្លូវរទេះភ្លើង ដែលមានតម្លៃ ២៥ ដុល្លា។

រ៉ាន់ បានប្រាប់ទស្សនាវដ្តីមនោរម្យ.អាំងហ្វូថា កូនភ្លោះទាំងពីរនេះ បៅទឹកដោះម្តាយមិនគ្រប់គ្រាន់ឡើយ ត្រូវ​ការទឹកដោះគោបន្ថែម។ អ្នកម្ដាយវ័យក្មេង បានស្នើរសុំឲ្យរដ្ឋាភិបាល និងអង្អការសង្គមស៊ីវិល ជួយផ្តល់​ជំនួយ​ដល់ខ្លួន ដើម្បីដោះស្រាយជីវភាពគ្រួសារ និងទិញទឹកដោះគោបំបៅឲ្យកូនភ្លោះទាំងពីរនាក់នេះផង។

ទស្សនាវដ្ដី នឹងមិនសរសេររៀបរាប់ច្រើនពេកទេ តែសូមទុកឲ្យលោកអ្នកទស្សនាបទសម្ភាស រវាងអ្នកយក​ព័ត៌មាន​របស់ទស្សនាវដ្ដី ជាមួយស្ត្រីក្រខ្សត់ទាំងពីរដូចខាងក្រោម៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...