វីដេអូដែលអ្នកមិនទាន់ដឹង ពីការធ្លាក់យន្ដហោះម៉ាឡេស៊ី MH17
- ដោយ: សេក មនោរកុមារ ដោយ សេក មនោរកុមារ (ទាក់ទង៖ [email protected]) - ប៉ារីស ថ្ងៃទី១៨ វិច្ឆិកា ២០១៤
- កែប្រែចុងក្រោយ: November 19, 2014
- ប្រធានបទ: ធ្លាក់យន្ដហោះ
- អត្ថបទ: មានបញ្ហា?
- មតិ-យោបល់
-
បួនខែបន្ទាប់ពីហេតុការណ៍ដ៏អកុសល នៃការធ្លាក់យន្ដហោះប៊ូអីញ (Boeing) ដែលភ្ជាប់ជើងហោះហើរលេខ MH17 របស់ក្រុមហ៊ុនអាកាសចរណ៍ម៉ាឡេស៊ី អ៊ែរឡាញ នៅក្នុងតំបន់ភាគខាងកើតនៃប្រទេសអ៊ុយក្រែន រូបភាពវីដេអូមួយ ដែលថតដោយអ្នករស់នៅក្បែរនោះ ទើបនឹងត្រូវបានប្រគល់ទៅឲ្យភ្នាក់ងារសារព័ត៌មានអេភី (AP) ដោយក្រុមអ្នកនិយមបំបែកទឹកដី។ វីដេអូនេះបានថតនៅក្រោយប៉ុន្មាននាទី បន្ទាប់ពីយន្ដហោះបានធ្លាក់នៅលើដី ដែលស្ថិតនៅមិនឆ្ងាយប៉ុន្មានពីភូមិ Hrabove របស់ប្រទេសអ៊ុយក្រែន។
នៅក្នុងវីដេអូ ដែលទំនងជាវីដេអូដំបូងគេ នៃការធ្លាក់យន្ដហោះនោះ បានបង្ហាញពីភាពជ្រួលច្របល់របស់អ្នកភូមិ ដោយពួកគេបានគិតថា នោះជាការធ្លាក់យន្ដហោះយោធា ថ្មីមួយទៀត ក្រោយពីបានប្រយុទ្ធគ្នារវាងក្រុមនិយមបំបែកទឹកដី និងកងទ័ពរបស់ប្រទេសអ៊ុយក្រែន។
បុរសម្នាក់បានស្រែកសួរឡើងថា៖ «តើអ្នកបើកបរយន្ដហោះ នៅឯណា?» បុរសម្នាក់ទៀត បានឆ្លើយ៖ «មានតែនរកទេ ដែលដឹងថាជានរណា?»។ មនុស្សផ្សេងទៀត បានស្រែកសួរទៀត ដោយបារម្ភខ្លាចយន្ដហោះផ្សេងទៀត នឹងបន្តធ្លាក់ ព្រោះខ្លួនឃើញបំណែកយន្ដហោះ MH17 កំពុងធ្លាក់ចុះមក យ៉ាងរណូករណែលនោះ។ ប៉ុន្តែអ្នកដទៃ បានបដិសេធសំនួរនេះ ដោយអះអាងថា មានយន្ដហោះតែមួយទេ ដែលបានធ្លាក់៕
វីដេអូរបស់ទីភ្នាក់ងារសារព័ត៌មានអេភី៖