វីដេអូដ៏គួរឲ្យភ្ញាក់ផ្អើលមួយ ត្រូវ​បាន​បង្ហោះ​កាល​ពី​ពេល​ថ្មីៗ​នេះ នៅ​លើ​គេហទំព័រ​យូធូប។ វីដេអូ​នោះ (ដាក់​ជូន​ទស្សនា​នៅ​ខាង​ក្រោម) បាន​បង្ហាញ​ពី នារី​វ័យ​ក្មេង​មួយ​រូប ដែល​ស្លៀក​ពាក់​ជា​គ្រូ​ពេទ្យ​បញ្ចេញ​សាច់​ស​ខ្ចី ដើរ​សុំ​បុរស​ទាំង​ឡាយ​នៅ​តាម​ផ្លូវ ដើម្បី​ធ្វើការ​«ស្ទាប​ផ្លោក»​ដោយ​មិន​គិត​ថ្លៃ។ មនុស្ស​ប្រុស​ជា​ច្រើន បាន​សម្ដែង​នូវ​ការ​ភ្ញាក់​ផ្អើល ព្រោះ​ពួក​គេ​ពិត​ជា​មិន​ដែល​បាន​ស្មាន​ដល់ និង​មិន​អាច ឲ្យ​ស្រី​ម្នាក់​លូក​ស្ទាប​ប្រដាប់​«ពិសេេស»​របស់​ខ្លួន នៅ​កណ្ដាល​ចំណោម​យ៉ាង​ដូច្នេះ​ទេ។

តែក៏មានយុវជនមួយចំនួន មាន​បំណង​ចង់​សាកល្បង និង​ភ្លក្ស​រស​ជាតិ ពី​សំណើរ​ដ៏​ប្លែក​នេះ​ដែរ។

បុរសចំណាស់មួយរូបបានពោលឡើងថា៖ «ខ្ញុំមិនគិតថា ខ្ញុំគួរត្រូវធ្វើរឿងនេះ នៅមុនអាយុ៤០ឆ្នាំ»។ ចំណែក​បុរស​ម្នាក់ទៀត សួរទៅនាងកញ្ញារូបស្រស់ ដើម្បីចង់ដឹងថា តើនាងជា«គ្រូពេទ្យមែនទែន»ឬទេ? នារី​សិចស៊ី បាន​ឆ្លើយ​ទៅវិញ ធ្វើដូចធម្មតាថា៖ «ខ្ញុំគ្រាន់តែស្រីម្នាក់ ដែលចូលចិត្តស្ទាបផ្លោកដូច្នេះប៉ុណ្ណោះ»។

បើតាមគេហទំព័រវេជ្ជសាស្ត្រមួយ ឈ្មោះ Medical Daily បានសរសេរបញ្ជាក់ថា យុទ្ធនាការនេះបង្កប់ទៅ​ដោយ​អត្ថន័យដ៏សំខាន់មួយ។ នោះគឺចង់បំផុសមតិសាធារណៈជន ឲ្យយល់ដឹងកាន់តែខ្លាំង អំពីជំងឺ​«មហារីកផ្លោក​នោម» នៅក្នុងទិវាអន្តរជាតិស្ដីពីមនុស្សប្រុស កាលពីថ្ងៃពុធសប្ដាហ៍មុន។ អ្នករៀបចំកម្មវិធីនេះ បានជូនប្រាក់ ១០០ដុល្លារ ទៅមនុស្សប្រុសរូបណាក៏ដោយ ដែលយល់ព្រមឲ្យធ្វើការត្រួតពិនិត្យ«ផ្លោក» របស់គេ។ ហើយ​អ្នករៀបចំកម្មវិធី ក៏បានធ្វើជាអំណោយ នូវទឹកប្រាក់ដូចគ្នានេះ ទៅកម្មវិធី Movember នៅរៀងរាល់ពេល​ដែល​វីដេអូនេះ ត្រូវបានទស្សនានៅលើ យូធូប ១០០ ០០០ដង។

សូមបញ្ជាក់ជូនដែរថា កម្មវិធី Movember ជាព្រឹត្តិការណ៍ប្រចាំឆ្នាំមួយ របស់មូលនិធ Movember Foundation Charity ធ្វើឡើងនៅ​ក្នុងអំឡុងខែវិច្ឆិកា។ នៅពេលមានកម្មវិធីនេះ មនុស្សប្រុសទាំងអស់ អាចទុកពុកមាត់ ឬ​អាច​ធ្វើរឿងជានិមិត្តរូប​អ្វីផ្សេងទៀត ដើម្បីបំផុសឲ្យសាធារណៈជនទូទៅ យល់កាន់តែច្បាស់អំពីជំងឹ​របស់​មនុស្ស​ប្រុស ក្នុងនោះ មាន​ជំងឹមហារីកតម្រងនោម និងមហារីកផ្លោកនោម៕