ព្រះសង្ឃ លួន សុវ៉ាត រង​ការ​ចោទ​ប្រកាន់​«ស្រមោល»​ថ្មី​ទៀត​ពី​តុលាការ

តុលាការតំបូងរាជធានីភ្នំពេញ បានទម្លាក់ការចោទប្រកាន់ទៅលើ តេជគុណ លួត សាវ៉ាត ហើយនៅ​ព្រឹក​ថ្ងៃ​ទី​២៥ ខែវិច្ឆិកា ឆ្នាំ២០១៤ ប៉ុន្តែបានចោទប្រកាន់ព្រះសង្ឃអង្គនេះ នូវបទល្មើសថ្មីមួយទៀត ទាក់ទង​នឹង​សំនុំរឿងលេខ ៣៤៧៦។
ព្រះសង្ឃ លួន សុវ៉ាត រង​ការ​ចោទ​ប្រកាន់​«ស្រមោល»​ថ្មី​ទៀត​ពី​តុលាការ
ព្រះសង្ស លួន សុវ៉ាត នៅបន្ទាប់ពីសវនាការសាលាដំបូង ថ្ងៃទី២៥ ខែវិច្ឆិកា ឆ្នាំ២០១៤។ (រូបថត monoROOM.info/ S. Tith)
Loading...
  • ដោយ: ក. វិច្ចនី ដោយ ក.វិច្ចនី (ទាក់ទង៖ [email protected]) - ភ្នំពេញ ថ្ងៃទី ២៥ វិច្ឆិកា ២០១៤
  • កែប្រែចុងក្រោយ: November 26, 2014
  • ប្រធានបទ: យុត្តិធម៌
  • អត្ថបទ: មានបញ្ហា?
  • មតិ-យោបល់

តុលាការសាលាដំបូងរាជធានី បាន​ទំលាក់​ចោល​ការ​ចោទ​ប្រកាន់ ទៅ​លើ​ព្រះតេជ​គុណ លួន សុវ៉ាត ទាក់ទង​នឹង​សំនុំ​រឿង​៣៣៩៥​ហើយ ដោយ​សម្រេច​ថា ការ​ចោទ​ប្រកាន់​នោះ​ខុស​បច្ចេកទេស ហើយ​គ្មាន​ភ័ស្តុតាង​ណា មក​បំភ្លឺ​បទ​ល្មើស​ និង​ការ​ចោទ​ប្រកាន់​ ក្នុង​សំនុំ​រឿង​នេះ​បាន​ឡើយ។ នេះ​បើ​តាម​សង្ឃ​ដីការ​របស់​ព្រះ​សង្ឃ លួន សុវ៉ាត ថ្លែង​ទៅ​កាន់​ក្រុម​អ្នក​យក​ព័ត៌មាន បន្ទាប់​ពី​ព្រះអង្គ​ចេញ​ពី​សវនាការ​សាលា​ដំបូង កាល​ពី​ថ្ងៃ​ទី២៥ ខែ​វិច្ឆិកា​នេះ។

ប៉ុន្តែ​ព្រះ​សង្ឃ​ដែល​ល្បី​ខាង​ការ​ចូល​រួម​យ៉ាង​សកម្ម ក្នុង​បញ្ហា​សង្គម​ និង​ជា​ម្ចាស់​ពាន​រង្វាន់​សិទ្ធិ​មនុស្ស ពី​សហគមន៍​​អ៊ឺរ៉ុប​​អង្គ​​នេះ បាន​អះ​អាង​ថា ព្រះអង្គ​ត្រូវ​បាន​តុលាការ​ចោទ​ប្រកាន់ ក្នុង​ករណី​«ស្រមោល»​ថ្មី​មួយ​ទៀត នៅ​ក្នុង​សំនុំ​រឿង ៣៤៧៦។

សំនុំរឿង ៣៤៧៦នេះ ព្រះតេជគុណ លួត សុវ៉ាត ខ្លួនព្រះអង្គ បានមានសង្ឃដីការថា តុលាការមិនបានប្រាប់​តេជគុណទាក់ទងនឹងសំនុំរឿង ៣៤៧៦ ថាជាការចោទប្រកាន់ពីបទល្មើសអ្វីនោះទេ សូម្បីតែមេធាវី​របស់​ព្រះតេជគុណ សាកសួរទៅតុលាការ ក៍តុលាការមិនបានប្រាប់ដែរ។ ផ្ទុយទៅវិញ តុលាការបានប្រាប់ឲ្យ​មេធាវី​ព្រះអង្គ ទៅស្រាវជ្រាវដោយខ្លួនឯង។

ព្រះតេជគុណបានមានសង្ឃដីការ នៅមុខសាលាតំបូងបន្ទាប់ពីសវនាការនោះថា ការចោទប្រកាន់ថ្មីនេះ ព្រះ​តេជគុណមិនទាន់បានឃើញដីការចោទប្រកាន់ ហើយក៍មិនដឹងថាចៅក្រមរូបណាមួយ ជាអ្នកកាន់សំនុំ​រឿង​ថ្មី​នេះ ហើយដោះស្រាយនៅពេលណានោះដែរ។ តែវាហាក់ដូចជាការចោទប្រកាន់ស្រមោល និងការចោទ​ប្រកាន់ ដោយរំលោភសិទ្ធិព្រះតេជគុណ ជាព្រះសង្ឃ។

ទស្សនាវដ្តីមនោរម្យ.អាំងហ្វូ បានព្យាយាមស្វែករកការបញ្ជាក់ ពីមន្ត្រីសាលាតំបូង តែមិនមានមន្ត្រីណាម្នាក់ លើកទទួលទូរស័ព្ទ និយាយជាមួយអ្នកសារព័ត៌មានឡើយ។

សូមបញ្ជាក់ដែរថា នៅមុខសាលាដំបូងរាជធានីភ្នំពេញ ក្នុងថ្ងៃដដែល ប្រជាពលរដ្ឋ និងព្រះសង្ឃជាង ២០០​អង្គ/នាក់ មន្ត្រីអង្គការសង្កមស៊ីវិល រួម​ទាំងអ្នកសារព័ត៌មានជាច្រើននាក់ បានទៅចូលរួមតាម​ដានការ​ដោះ​ស្រាយ របស់តុលាការ​ចំពោះព្រះ​តេជគុណ លួត សុវ៉ាត។ ប៉ុន្តែតុលាការមិនបានអនុញ្ញាតិឲ្យនរណាម្នាក់ផ្សេង ចូលរួមក្នុងសវនាការនោះឡើយ ដោយអះអាងថា ជាសវនាការអសាធារណៈ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...