បុកគ្នារបួសធ្ងន់ និងខ្ទេចម៉ូតូមួយគ្រឿងនៅផ្លូវកាប់គោ
- ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - រាយការណ៍៖ ហេង វុទ្ធី - ភ្នំពេញ ថ្ងៃទី១៨ ធ្នូ២០១៤
- កែប្រែចុងក្រោយ: December 18, 2014
- ប្រធានបទ: គ្រោះថ្នាក់
- អត្ថបទ: មានបញ្ហា?
- មតិ-យោបល់
-
នៅវេលាម៉ោង៨ និង១០នាទី យប់ថ្ងៃទី១៧ ខែធ្នូ ឆ្នាំ២០១៤ កន្លងមកនេះ មានករណីគ្រោះថ្នាក់ចររាចរណ៍មួយ បានកើតឡើងនៅលើបណ្ដោយផ្លូវកាប់គោ ត្រង់ចំណុចទល់មុខអង្កការ ស្គុន ស្ថិតក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ក្នុងហេតុការណ៍នេះ បានបណ្តាលឲ្យភាគីទាំងសងខាង រងការខូចខាតរៀងៗខ្លួន។
សាក្សីនៅកន្លែងកើតហេតុឈ្មោះ ភារុណ បានឲ្យទស្សនាវដ្ដីមនោរម្យ.អាំងហ្វូ ដឹងថា ជនបង្កឈ្មោះ សៀម វិរៈ ដែលជិះម៉ូតូធុនសង់ សេ១០០ ពណ៍ខ្មៅពាក់ផ្លាកលេខ ភ្នំពេញ 1H-4601 បានបើកម៉ូតូរបស់ខ្លួន ពីកើតទៅលិចយ៉ាងលឿន។ លុះមកដល់ចំណុចកើតហេតុ ម៉ូតូនេះបានបត់ស្ដាំដោយមិនបានប្រើភ្លើងសញ្ញាអ្វីទាំងអស់ ក៏បុកគ្នាជាមួយម៉ូតូសង់កូរ៉េ ពណ៍ក្រហមពាក់ស្លាកលេខ គ5281កណ1 ដែលបើកបរក្នុងទិសដៅបញ្រ្ចាស់គ្នា។
ម្ចាស់ម៉ូតូសង់ បាក់ជើងខាងស្ដាំ ចំណែកឯម៉ូតូសង់កូរ៉េវិញ ខូចខាតផ្នែកខាងមុខទាំងស្រុង។ ជនរងគ្រោះ ត្រូវបានបញ្ជូនទៅសង្គ្រោះបន្ទាន់ នៅមន្ទីពេទ្យរុស្សី។ រីឯម៉ូតូទាំងពីរគ្រឿង ត្រូវបាននគរបាលមានសមត្តកិច្ច បុស្ត៏ស្ទឹងមានជ័យ យកទៅរក្សាទុកនៅបុស្ត៏ រងចាំម្ចាស់ទាំងសងខាង មកធ្វើការដោះស្រាយតាមផ្លូវច្បាប់៕