បទយកការណ៍«សប្បាយដូចនៅស្រុកខ្មែរ» របស់ទូរទស្សន៍បារាំង
- ដោយ: ឈូករ័ត្ន អត្ថបទ៖ ឈូករ័ត្ន ( [email protected]) - ប៉ារីស ថ្ងៃទី២១ ធ្នូ ២០១៤
- កែប្រែចុងក្រោយ: December 21, 2014
- ប្រធានបទ: ផែនដី
- អត្ថបទ: មានបញ្ហា?
- មតិ-យោបល់
-
នៅកម្ពុជា មិនមែនមានតែរបបខ្មែរក្រហម ឬជាប្រទេសក្រីក្រជាងគេ ដែលល្បីល្បាញ តែខាងការជួញដូរមនុស្ស អំពើពុករលួយ ឬការបំផ្លាញធនធានធម្មជាតិនោះទេ ប៉ុន្តែប្រទេសកម្ពុជា នៅមានវប្បធម៌ដ៏ល្អល្អះ ធម្មជាតិដ៏ត្រកាល និងស្នាមញញឹមប្រឹមប្រិយ របស់ពលរដ្ឋខ្មែរទៀត ដែលបានធ្វើឲ្យជនជាតិបរទេសកាន់តែច្រើនឡើងៗ ធ្លាក់ក្នុងអន្លង់ស្នេហ៍សារជាថ្មី នៃប្រជាជាតិនៅអាស៊ីអាគ្នេយ៍នេះ។
សម្រាប់ជនជាតិបារាំង ប្រទេសតូចដែលពោរពេញ ដោយសម្រស់មួយនេះ នៅតែជាអនុស្សាវរីយ៍ដក់ជាប់ក្នុងចិត្ត តាំងពីសម័យអាណានិគមនិយមមកម្លេះ។ ដោយសារតែការស្រឡាញ់ប្រទេសកម្ពុជា ដែលស្ថិតក្នុងចិត្តរបស់ជនជាតិបារាំងទាំងនេះហើយ ទើបក្នុងពេលបច្ចុប្បន្ន មានជនជាតិបារាំងមិនតិចជាង៦០០០នាក់ឡើយ បានចូលមកបោះទីតាំង ប្រមូលទាំងគ្រួសារមករស់នៅ ក្នុងប្រទេសដែលកំពុងងើបចេញមកវិញ ពីស្រមោលអន្ធកាលនៃអតីតកាល កាលពី២០-៣០ឆ្នាំមុន។
នោះជាអ្វីដែលចង់រៀបរាប់ នៅក្នុងបទយកការណ៍ «សប្បាយដូចនៅស្រុកខ្មែរ» របស់ទូរទស្សន៍បារាំងប៉ុស្ដ៍លេខ១ (TF1) ដែលមានពិធីការិនី ជាអ្នកសារព័ត៌មានជើងចាស់ដ៏ល្បីល្បាញបារាំង អ្នកស្រី ក្លែរ៍ សាហ្សាល់ (Claire Chazal) ជាអ្នកបង្ហាញនោះផង។
លោក ហ្គ្រេហ្គ័រ ហ្គារាំង (Grégoire Garin) និងអ្នកស្រី អេមីលី ហ្គារាំង (Emilie Garin) បានចូលមករស់នៅក្នុងប្រទេសកម្ពុជា ដើម្បីពង្រីកអាជីវកម្មសណ្ឋាគារទាំងប្រាំ និងចិញ្ចឹមបង្រៀនកូនទាំងប្រាំរបស់ពួកគាត់ ឲ្យបានធំធាត់។ រីឯលោក សូណា (Sonna,) ដែលជាជនជាតិបារាំងដើមកំណើតខ្មែរ បានចាកចេញពីប្រទេសកម្ពុជា តាំងពីលោកមានអាយុ១៧ឆ្នាំ។ ប៉ុន្តែនៅ៤០ឆ្នាំក្រោយមក លោកបានវិលត្រឡប់ទៅវិញ ជាមួយនឹងភរិយា និងកូនស្រីរបស់លោក ខណៈអតីតវិស្វករខាងទូរគមនាគមបារាំង លោក អាវេន ឌឺឡាវ៉ាល (Awen Delaval) បានជ្រើសរើសបឹងត្រពាំងនៅក្នុងប្រទេសកម្ពុជា ដើម្បីស្វែងរកផ្កាឈូកដែលោកចូលចិត្ត (...)៕
សូមតាមដានបទយកការណ៍៖
» ដើម្បីទស្សនាបទយកការណ៍ទាំងរូបភាពទាំងសម្លេង សូចចុចលើទីនេះ។