ធ្លាប់ឃើញឆ្កែរាំ«របាំជូនពរ» ឬទេ? (vdo)
- ដោយ: ឈូករ័ត្ន អត្ថបទ៖ ឈូករ័ត្ន ( [email protected]) - ប៉ារីស ថ្ងៃទី២៥ ធ្នូ ២០១៤
- កែប្រែចុងក្រោយ: December 26, 2014
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
ជារបាំដ៏ពិសេសមួយ ដែលខ្មែរបូរាណអាចហៅថា ជា«របាំជូនពរ» សម្រាប់ទទួលអំណរ នរណាម្នាក់ដ៏យ៉ាងខ្លាំងក្លា។ តែពេលនេះ គឺសត្វសុនខមួយក្បាល ដែលរាំទទួលអំណរម្ចាស់ បន្ទាប់ពីវាឃើញម្ចាស់របស់វា ត្រឡប់ចូលមកក្នុងផ្ទះវិញ។
បន្ទាប់ពីបានជាប់នៅក្នុងរនាំង ដែលទំនងជាបានដាក់ឃាំងវា មិនឲ្យចេញដើរតែពាស ក្នុងពេលអវត្តមានរបស់ម្ចាស់នោះ សត្វឆ្កែដ៏គួរឲ្យស្រឡាញ់មួយនេះ បានរំភើបយ៉ាងខ្លាំងរហូតលោតរាំជើងពីរ នៅពេលដែលវាបានដឹងថា ម្ចាស់វាបានត្រឡប់មកវិញ។
វាបានងើបខ្លួនឡើង ដាក់ដៃទៅមុខ និងឈរនៅលើជើងក្រោយទាំងពីររបស់វា ហើយបន្ទាប់មក វាបានបញ្ចេញក្បាច់ ញ៉ាក់ចង្កេះ និងជើងទាំងគូរនោះផង។ សូមកុំភ្លេចថា ក្បាច់រាំដ៏អស្ចារ្យនេះ រួមមានពីរចង្វាក់៖ ញាក់ចង្កេះ និងលោតលើជើងទាំងពីរ។
វីដេអូមួយនេះ ទើបនឹងដាក់បង្ហោះលើគេហទំព័រចែកផ្សាយវីដេអូ យូធូប (YouTube) នៅថ្ងៃទី២០ ខែធ្នូនេះប៉ុណ្ណោះ ប៉ុន្តែមានមនុស្សចុចចូលមកទស្សនា ប្រមាណជាជាង៤លានដងទៅហើយ។ ចូលរួមរីករាយ ជាមួយសុនខតូចរបស់យើង ដូចខាងក្រោម៖