ហ្វេសប៊ុក បើក​អោយ​មាន​ទំព័រ​សំរាប់​គូរ​ស្នេហា

រហូតមកដល់ថ្ងៃនេះ បង្ហាញនៅបណ្ដាញសង្គមថា អ្នកមិននៅទំនេរ អ្នកគ្រាន់តែបំពេញនៅលើនោះ ពីចំណងទំនាក់ទំនងថា​ មានលក្ខណៈផ្លូវការ ហើយប្រកាសវាទៅអ្នកផ្សេងទៀត អោយដឹងពីសេចក្ដីសុខរបស់អ្នក (បើទោះជាពេលខ្លះ ការប្រកាសនេះជាការពិតមែន ឬគ្រាន់តែជាការលេងសើចរវាងអ្នក និងមិត្តភ័ក្រអ្នកក៏ដោយ)។ ហើយពេលខ្លះដែលចំណងទំនាក់ទំនងនោះ បានចូលដល់ដំណាក់កាលនៃការចែកផ្លូវ អ្នកក៏គ្រាន់តែធ្វើប្រកាសនៅលើទំព័រនេះដដែល គឺអាចចាត់ទុកជាការស្រេច។ តែចាប់ពីថ្ងៃនេះទៅ មិនចាំបាច់ថាអ្នកចង់ឬមិនចង់ទេ ចំណងទំនាក់ទំនងស្នេហារបស់អ្នក នឹងត្រូវបណ្ចាញសង្គមនេះ តម្រូវអោយអ្នកមានភាពច្បាស់លាស់ជាងមុន។
Loading...
  • ដោយ: ដារា រិទ្ធ
  • កែប្រែចុងក្រោយ: November 13, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ប្រសិនបើអ្នកបង្ហាញឈ្មោះ ដៃគូរស្នេហារបស់អ្នកនៅលើទំព័រមុខរបស់អ្នក ទំព័រមួយដែលមានលក្ខណៈរួមជីវិតរវាងអ្នក និងដៃគូរស្នេហារបស់អ្នក នឹងមានចេញមកជាស្វ័យប្រវត្តិ ចាប់ពីថ្ងៃនេះតទៅ។

រហូតមកដល់ថ្ងៃនេះ បង្ហាញនៅបណ្ដាញសង្គមថា អ្នកមិននៅទំនេរ អ្នកគ្រាន់តែបំពេញនៅលើនោះ ពីចំណងទំនាក់ទំនង​ថា​ មានលក្ខណៈផ្លូវការ ហើយប្រកាសវាទៅអ្នកផ្សេងទៀត អោយដឹងពីសេចក្ដីសុខរបស់អ្នក (បើទោះជាពេលខ្លះ ការ​ប្រកាសនេះជាការពិតមែន ឬគ្រាន់តែជាការលេងសើចរវាងអ្នក និងមិត្តភ័ក្រអ្នកក៏ដោយ)។ ហើយពេលខ្លះដែល​ចំណង​ទំនាក់ទំនងនោះ បានចូលដល់ដំណាក់កាលនៃការចែកផ្លូវ អ្នកក៏គ្រាន់តែធ្វើប្រកាសនៅលើទំព័រនេះដដែល គឺអាចចាត់ទុក​ជាការស្រេច។ តែចាប់ពីថ្ងៃនេះទៅ មិនចាំបាច់ថាអ្នកចង់ឬមិនចង់ទេ ចំណងទំនាក់ទំនងស្នេហារបស់អ្នក នឹងត្រូវបណ្ចាញ​សង្គមនេះ តម្រូវអោយអ្នកមានភាពច្បាស់លាស់ជាងមុន។ ជាលក្ខត្តិកៈថ្មី នៃច្បាប់អាពាហ៍ពិពាហ៍របស់ហ្វេសប៊ុក។

ប្រសិន​​ជាអ្នកបង្ហាញ ពីឈ្មោះរបស់ដៃគូររបស់អ្នក នៅលើទំព័រមុខរបស់អ្នក អ្វីៗដែលកើតឡើងជាបន្តបន្ទាប់ ពីចំណង​មេត្រីភាពរវាងអ្នក និងដៃគូររបស់អ្នក នឹងមាននៅលើទំព័រមួយទៀត។ ដំណើរការថ្មីនេះ នឹងមានជាលើកដំបូង តែនៅលើ​បណ្ដាញសង្គមហ្វេសប៊ុក នៅសហរដ្ឋអាមេរិកមួយប៉ុណ្ណោះ។ សេចក្ដីប្រកាសជាផ្លូវការមួយ របស់ហ្វេសប៊ុក កាលពីថ្ងៃទី៨​វិច្ឆិកា បានពន្យល់ថា «ទំព័រនេះនឹងដាក់បញ្ចូល នូវរាល់មតិយោបល់ រូបថត និងព្រឹត្តិការណ៍ទាំងឡាយ ដែលអ្នក និងដៃគូរ​របស់អ្នកបានចែកផ្សាយ»។ សេចក្ដីប្រកាសនោះ បានលើកបញ្ជាក់ថា «ចាប់ពីថ្ងៃនេះតទៅ យើងនឹងសម្ភោធដាក់អោយ​ប្រើប្រាស់ នូវទំព័រដំណើរការថ្មីមួយ។» តាមរបាយការណ៍ ដែលធ្វើបន្តដោយកាសែត ហូហ្វីងតោនប៉ុស្ដ៍ (Huffington Post) បាននិយាយថា សម្រាប់នៅប្រទេសផ្សេងទៀត ទំព័រនេះ នឹងដាក់អោយដំណើរការ ក្នុងពេលឆាប់ៗខាងមុខ។

ទំព័រដៃគូរស្នេហានេះ នឹងមកបន្ថែមទំព័រមិត្តភាព ដែលមានរួចមកហើយ ដោយអ្នកអាចចុចបមើលបាន នៅខាងលើផ្នែក​ខាង​ស្ដាំ​នៃទំព័រមុខរបស់មិត្តភ័ក្ររបស់អ្នក នៅក្នុងបណ្ដាញ។ ដូចអ្វី ដែលហ្វេសប៊ុកធ្លាប់បានថ្លែងរួចហើយថា អ្វីៗដែល​នៅលើរាល់ទំព័រទាំងអស់នេះ នឹងអាចត្រូវត្រួតពិនិត្យបាន ប្រសិនជាអ្នកចង់អោយឃើញ ឬចង់លាក់នូវពត៌មានណាមួយ។

សំរាប់រូបអ្នកវិញ តើអ្នកមានយោបល់យ៉ាងដូចម្ដេចដែរ ទៅលើដំណើរការថ្មីនេះ? មានប្រយោជន៍ច្រើនបែបណា សំរាប់អ្នក មិត្តភ័ក្រ ឬសំរាប់ជីវិតរបស់អ្នក? សូមបញ្ចេញយោបល់របស់លោកអ្នក នៅខាងក្រោមនេះ ដោយសេរី៕

-------------------------------------------------------
ដោយ ៖ ដារា រិទ្ធ - ភ្នំពេញ ថ្ងៃទី១៣ ខែវិច្ឆិកា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...