ពួកគេមានបំណង ចង់ជួយបោសសំអាត រដ្ឋធានីម៉ូស្គូ។ នគរបាលរ៉ូស្សី បានឃាត់ខ្លួនពីរនាក់ ជាគូសង្សា បន្ទាប់ពី​បាន​សង្ស័យពួកគេ ពីបទមនុស្សឃាត ទៅលើមនុស្សគ្មានលំនៅដ្ឋាន ជាច្រើននាក់ នៅកណ្ដាលរដ្ឋធានីម៉ូស្គូ។ បុរស ជា​យុវជនអាយុ២០ឆ្នាំ បានសម្លាប់ជនអនាថា គ្មានទីលំនៅចំនួន៧នាក់ ក្នុងនោះជនរងគ្រោះបួននាក់ មាន​ការ​ឃុប​ឃិត​ចូលរួម ពីស្រីជាសង្សារបស់ខ្លួន ដែលមានអាយុ២៥ឆ្នាំ។ ក្រុមអ្នកស៊ើបអង្កេត នៅក្នុងឃាតកម្មទាំងនេះ បានថ្លែងឲ្យ​ដឹង​ថា៖ «យុវជននោះបានពន្យល់ថា ខ្លួនបានសម្លាប់មនុស្សទាំងនេះ ដើម្បី"បោសសំអាត់"ក្រុង»។

គេបានរកឃើញថា យុវជនជាជនសង្ស័យ បានជ្រើសរើសជនរងគ្រោះ មកសម្លាប់ ដោយមានផែនការច្បាស់លាស់។ ជនអានាថា ដែលមានទម្លាប់ផឹកស្រាស្រវឹង ត្រូវបានចាត់ទុកជាផ្ទាំងស៊ីប។ ហើយបន្ទាប់មក យុវជនបានសម្លាប់​ជន​សង្ស័យនោះ នៅពេលយប់ក្នុងទីកន្លែងណាមួយ ដែលគ្មានមនុស្សដើរឆ្លងកាត់។ បន្ទាប់ពីជនអនាថាទាំង៧នាក់ ពីរ​នាក់​គូសង្សា ត្រូវបានសង្ស័យនៅក្នុងឃាតកម្ម ចំនួន៥ករណីផ្សេងទៀត ដែលធ្វើចំនួនជនរងគ្រោះ ឡើងដល់​១២​នាក់។

ស្ថានីយ៍ទូរទស្សន៍ បានផ្សាយឲ្យដឹងថា ជនសង្ស័យជាឃាតករទាំងពីរនាក់ ត្រូវបានឃាត់ខ្លួន បន្ទាប់ពីបានចាក់ អ្នក​បោសសំរាមមួយរូប នៅតាមដងផ្លូវ។ អ្នកបោសសំរាមរូបនោះ បានរួចរស់មានជីវិត ហើយបានរាយការណ៍ ពីមុខជន​ដៃដល់ ប្រាប់នគរបាល។ អ្នកស៊ើបអង្កេតបាននិយាយទៀតថា ជនរងគ្រោះដំបូងគេ ត្រូវបានចាក់នឹងកាំបិត​ចំនួន​១០៧ដង នៅពេលជនរងគ្រោះកំពុងផឹកប៊ីយ៉ែ នៅក្នុងសួនច្បារជាមួយមិត្តភ័ក្ររបស់ខ្លួន។

បើទោះជាប្រទេសរ៉ូស្សី មិនដែលផ្សាយឲ្យដឹង ពីចំនួនជនអានាថា នៅតាមដងផ្លូវក៏ដោយ តែបើតាមអង្គការសង្គម​ស៊ីវិល បានចេញរបាយការណ៍ បញ្ជាក់ថា ពីក្នុងចំណោមប្រជាជនសរុប ចំនួន ១៤០លាននាក់ មានជនរ៉ូស្សីពី៣ទៅ៤​លាននាក់ រស់នៅតាមចិញ្ចើមថ្នល់៕