ម្ចាស់មេគោមួយក្បាល ដែលមានឈ្មោះថា រូស្ទីកូ សាណូ (Rustico Sarno) បានចេញមុខអះអាងថា មេគោរបស់​ខ្លួន​បាន​មានផ្ទៃពោះ ក្រោយពីត្រូវបានបុរសម្នាក់ ដែលទំនងជាអ្នកញៀនថ្នាំ ចាប់រំលោភ។ ម្ចាស់គោ បាននិយាយ​អះអាង​ទៀតថា មេគោរបស់លោកមួយនេះ មិនធ្លាប់បានពាក់ព័ន្ធ ជាមួយគោឈ្មោល ដ៏ទៃទៀតឡើយ។

មិនមែនតែគោ ដែលកំពុងមានផ្ទៃពោះ មួយក្បាលនេះទេ ដែលត្រូវបានបុរសវ័យកណ្តាល រូបនោះរំលោភ សូម្បី​តែ​សត្វ​ជាច្រើនទៀត ដូចជា សេះ ក្របីជាដើម ក៏ត្រូវបានបុរសរូបនោះ រំលោភផងដែរ។

ក្រោយ ពីបានធ្វើសកម្មភាពរំលោភ ទៅលើមេគោមួយនោះ រួមជាមួយសត្វជាច្រើនក្បាលទៀត បុរសវ័យ៤៦ឆ្នាំរូបនោះ ត្រូវប៉ូលិសចាប់ខ្លួន។ ជនល្មើស ដែលបានប្រព្រឹត្តិទង្វើ មិនគួរគប្បី ទៅសត្វជាច្រើនក្បាល នៅក្នុងភូមិមួយ នៃប្រទេស​ហ្វីលីពិន ម្នាក់នេះ មានឈ្មោះថា អ៊ែនឌី ឡូយ៉ូឡា (Andy Loyola)។

អ៊ែនឌី ត្រូវបានសង្ស័យថា មូលហេតុដែលនាំឱ្យគេ ប្រព្រឹត្តិទង្វើបែបនេះ គឺដោយសារតែគេជាមនុស្សញៀនថ្នាំ។ ពេល​ចាប់ខ្លួនបុរសម្នាក់នេះ ប៉ូលីសបានរឹបអូសសម្ភារៈជាច្រើន ដែលទាក់ទងជាមួយគ្រឿងញៀន។ ហើយបច្ចុប្បន្ន ជន​ល្មើស​ដែលបានរំលោភសេពសន្ថវៈ ទៅសត្វជាច្រើនក្បាលរូបនេះ កំពុងឃុំខ្លួន នៅស្ថានីយប៉ូលិសក្រុង ស៊ីឡាង (Silang) ខេត្ត កាវិត (Cavite) ភាគខាងត្បូងរដ្ឋធានីម៉ានីល។

គេនៅមិនទាន់ដឹងថា តើមេគោមួយក្បាលនោះ មានផ្ទៃពោះ ដោយសារតែបុរសខាងលើរំលោភមែន ឬយ៉ាង​ណា​នោះ​ទេ មានតែចាំមើលលទ្ធផលនៃការពិនិត្យ និងនៅពេលដែលមេគោកើតកូន។ បើតាមមន្រ្តីប៉ូលិស បានឱ្យដឹងថា មេគោ នឹងត្រូវយកទៅពិនិត្យ ដើម្បីឱ្យដឹងការពិត៕