ពលរដ្ឋ​ចារ៉ាយ​ទទួល​សំណង​៦៣ ០០០​ដុល្លា ពី​ក្រុមហ៊ុន​រ៉ែ​មាស​ឥណ្ឌា

ពលរដ្ឋ ចារ៉ាយ ប្រមាណ១៨ គ្រួសារ ដែលមានទំហំដីសរុប ប្រមាណ២៦ហិកតា រងផងប៉ះពាល់ជា​មួយក្រុមហ៊ុន រ៉ែមាសឥណ្ឌា ឈ្មោះក្រុមហ៊ុនមេសកូហ្គូល (MESCO GOLD) បានទទួលសំណងហើយ កាល​ពី​ល្ងាចថ្ងៃទី២២ ខែមីនា ឆ្នាំ២០១៥នេះ។
Loading...
  • ដោយ: អ៊ុម វ៉ារី អត្ថបទ - យកការណ៍៖ អ៊ុម វ៉ារី ([email protected]) - ភ្នំពេញថ្ងៃទី២៣ មីនា ២០១៥
  • កែប្រែចុងក្រោយ: March 24, 2015
  • ប្រធានបទ: បរិស្ថាន
  • អត្ថបទ: មានបញ្ហា?
  • មតិ-យោបល់

ក្រុមហ៊ុនមេសកូហ្គូល (MESCO GOLD)  រុករករ៉ែមាសមកពី​ប្រទេសឥណ្ឌា បាន​ចេញ​សំណង និងការខូចខាត​ទៅដល់​ប្រជាពលរដ្ឋ ក្នុងមួយហិកតាដី ស្មើនឹង១៥០០ដុល្លា សម្រាប់​ដីទទេរ ខណៈដីមានដំណាំដាំដុះ ក្នុងមួយហិកតា ទទួល​បាន២៥០០ដុល្លា។ នេះបើតាមការឲ្យដឹង របស់លោក ឆាយ ធី មន្រ្តីសម្របសម្រួល នៃសមាគមការពារសិទ្ធិមនុស្ស អាដហុក ប្រចាំ​ខេត្តរតនគីរី នៅលើគណនីហ្វេសប៊ុករបស់លោក។

មន្រ្តីសង្គមស៊ីវិលរូបនេះ បានឲ្យដឹងទៀតថា ចំណែកដីព្រៃសហគមន៍ ដែលរងផងប៉ះពាល់ចំនួន​១២ហិកតា​នោះ ក៏​ត្រូវ​បានទទួលសំណង ក្នុងមួយហិកតា ចំនួន១៥០០ដុល្លាដែរ។ ចំពោះសំណង ដែលត្រូវបាន​ផ្តល់​ជូន ​ប្រជាពលរដ្ឋទាំង​១៨​គ្រួសារ ដោយក្រុមហ៊ុនរ៉ៃមាស របស់ឥណ្ឌាមួយនេះ ធ្វើឡើង ដោយ​ការ​ព្រមព្រៀង ពីប្រជាពលរដ្ឋ ជាមួយនឹង​សាក្សី ដែលរួមមានមេភូមិ និងមេឃុំ បានចុះហត្ថលេខា និងបោះត្រា អ្នកចាស់អ្នកទុំក្នុងភូមិ តំណាងសហគមន៍ និងក៏​មាន​ការ​ចូលរួមយ៉ាងច្រើន របស់ប្រជា​ពល​រដ្ឋក្នុងភូមិទាំងមូល ជួយដឹងលឺ។

លោក ឆាយ ធី បានបន្តថា ការទទួលបានសំណងនាពេលនេះ ក៏ព្រោះតែ មានការតវ៉ាយ៉ាងស្វិត​ស្វាញ និងអូសបន្លា​យពេល ជាយូរឆ្នាំកន្លងមក។ លោកថា ពលរដ្ឋចារ៉ាយទាំងនេះ បានព្រមព្រៀងគ្នា ជាមួយភាគីក្រុមហ៊ុន និងបានផ្តិត​មេដៃទទួល និងប្រគល់ប្រាក់ ទៅតាមគ្រួសារនីមួយៗ ជាក់ស្តែង។

សូមបញ្ជាក់ថា ពលរដ្ឋចារ៉ាយ ទាំង១៨ គ្រួសារ ដែលរងផលប៉ះពាល់ និងបានទទួលសំណង ពី​ក្រុមហ៊ុន​ឥណ្ឌា​នោះ ស្ថិតនៅក្នុងភូមិ ភូមិពាក់ ឃុំយ៉ាទុងស្រុកអូរយ៉ាដាវ ខេត្តរតនគិរី។ ការផ្តល់​សំណង ​របស់ក្រុមហ៊ុនរុករករ៉ែមាស របស់​ឥណ្ឌាមួយនេះ ក្នុងគោលបំណង បន្តជីករុករករ៉ែមាស ក្នុងពេល​ឆាប់ៗ​ខាងមុខ ក្រោយពេលខ្លួនទទួលបានអាជ្ញាប័ណ្ណ ​ធ្វើ​អាជីវកម្ម​រ៉ែ មាស ពី​ក្រសួង​រ៉ែ​និង​ថាមពល។ ​គម្រោង​ធ្វើ​អាជីវកម្ម និងរុករក​រ៉ែ​មាស​របស់​ក្រុមហ៊ុន មេសស្កូ ហ្គោល នេះ ត្រូវបានធ្វើឡើង ក្នុង​ទំហំ​ផ្ទៃដី១២គីឡូម៉ែត្របួនជ្រុង និងជម្រៅ៣០ម៉ែត្រចុះក្រោម ដែលស្ថិតក្នុងស្រុក អូរយ៉ាដាវ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...