ទស្សនា​ចម្រៀង«ខ្ញុំ​នឹង​ប្រយុទ្ធ» របស់ ផាកហ្គីអៅ ម្ដង (vdo)

«ខ្ញុំនឹងប្រយុទ្ធ» ជាចំណងជើង នៃបទចម្រៀងខ្សែរជីវិត ក្នុងនាមជាកីឡាកររូប របស់លោក ម៉ានី ផាគីអៅ (Manny Pacquiao)។ ចំរៀងនេះ ផ្ដោតសំខាន់ ទៅលើទុក្ខវេទនា នៃប្រជាជនហ្វីលីពីនផង និងបកស្រាយ ពីភាពក្រៀមក្រំ របស់កីឡាករប្រដាល់ លំដាប់ពិភពលោកខ្លួនឯងផង។
ចម្រៀង«ខ្ញុំនឹងប្រយុទ្ធ» របស់កីឡាករ ម៉ានី ផាគីអៅ ដែលគ្រោងក្លាយខ្លួន ជាអ្នកនយោបាយដ៏ធំ នៅប្រទេសហ្វីលីពីន។
Loading...
  • ដោយ: អ៊ុម វ៉ារី អត្ថបទ និងយកការណ៍៖ អ៊ុម វ៉ារី ([email protected]) -ភ្នំពេញថ្ងៃទី១៣ ឧសភា ២០១៥
  • កែប្រែចុងក្រោយ: May 19, 2015
  • ប្រធានបទ: ប្រដាល់
  • អត្ថបទ: មានបញ្ហា?
  • មតិ-យោបល់

លោក ម៉ានី ផាគីអៅ បានបង្ហាញពីខ្សែជីវិតពិត ក្នុងនាមអ្នកប្រដាល់ នៃប្រទេសហ្វីលីពីន ក្នុងបទចម្រៀងមួយ ដែល​មាន​ចំណងជើងថា «ខ្ញុំនឹងប្រយុទ្ធ» ឬជាភាសាហ្វីលីពីន «ឡាឡាបានអាកូ (Lalaban Ako)» និងប្រែមកជាភាសាអង់គ្លេសថា «I Will Fight»។ ឃ្លីបវីដេអូ ដែលត្រូវបាន យកមកបង្ហោះ តាមបណ្តាញសង្គម និងបង្កឲ្យមានអ្នកគាំទ្រ យ៉ាងច្រើននោះ បាន​លើកឡើង ពីសភាពក្រៀមក្រំ ជាមួយនឹងការចូលរូមរំលែកទុក្ខ ក្នុងនាមជាពលរដ្ឋហ្វីលីពីន ទៅកាន់ពលរដ្ឋដូចគ្នា ដែល​កំពុង​រងទុក្ខ ជាពិសេស ចម្រៀងបានរៀបរាប់ថា លោកបានយកអាជីព ជាអ្នកប្រដាល់ ដើម្បីយកប្រាក់ ទៅ​សង្គ្រោះ​ជីវិត​ពលរដ្ឋ​ក្រីក្រក្នុងប្រទេស។

តាមន័យនៃបទចម្រៀងនេះ លោកផាគីអៅ ដែលជាប់ជាប់តំណាងរាស្ត្រ របស់ប្រទេសហ្វីលីពីនផងនោះ បានធ្វើការ​រៀប​រាប់​ពីជីវិតខ្លួន ដែលជាអ្នកប្រដាល់ ហើយព្យាយាម និងខិតខំ ប្រឹងប្រែងលើសង្វៀនប្រកួត បើទោះជាបែបមុខមាត់ ហូរ​ឈាម​ដាប​ខ្លួន និងរបួសយ៉ាងណាក៏ដោយ ក៏ត្រូវតែស៊ូទ្រាំដែរ។

អ្នកគាំទ្រលោក ផាគីអៅ មួយចំនួនធំ បានលើកឡើងថា បទចំរៀងពោរពេញដោយមនោសញ្ចេតនា រួមផ្សំនឹង​ក្បាច់​ប្រដាល់ អមដោយទឹកចិត្តដ៏មោះមុត ដើម្បីពលរដ្ឋរបស់ខ្លួន នាពេលនេះ នឹងជំរុញឲ្យលោក ផាគីអៅ កាន់តែមានការគាំទ្រ ខ្លាំង​ឡើង​ថែមទៀត ពិសេសនៅចំពោះគម្រោងរបស់លោក ដែលចង់ក្លាយជាអ្នកនយោបាយលេចធ្លោ ឬអាចឈរឈ្មោះ ជា​បេក្ខជន​ប្រធានាធិបតី របស់ប្រទេសហ្វីលីពីនផងនោះ។

សូមរំលឹកដែរថា កីឡាករ ម៉ានី ផាគីអៅ បានប្រកួតចាញ់កីឡាករអាមេរិក ផ្លយ ម៉ាយវេដ័រ ដោយពិន្ទុនៅក្នុងការប្រកួត «ប្រដាល់​ប្រចាំសតវត្សន៍» កាលពីយប់ ថ្ងៃសៅរ៍ទី២ ខែឧសភា កន្លងមកនេះ ក្នុងក្រុង ឡាវេហ្គាស។ ប៉ុន្តែជាមួយនឹង​ចម្រៀង «ខ្ញុំ​នឹង​ប្រយុទ្ធ» ខាងលើនេះ មិនប្រាកដថា កីឡាករ ផាគីអៅ បានចុះចាញ់ការប្រកួតឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...